Jesu wo tjhutisa ka go lebalela le go dumela
17
Jesu a botsa barutiwa bage a re: “Meleko ya go yisa sebeng ye nyoko dula yele gona, mara madimabe ga motho ye, ye nyoko tlang ka yene. 2 Ke ho go nyokoba kawone ho lwala le ka tlemelediwa molaleng wa motho yene a latlhediwa lewatleng go na le gore a makise ye mongwana wa ba banyana bo sebe. 3 Ka gona tetlhokomeleng! Ho ngwana weno a senya, mo kgaleme, ho a sokologa mo lebalele.4 Ho a go senyela ga shupa ka letjatji, a boya gago ga shupa a re: ‘Ke ya sokologa,’ mo lebalele.”
5 Baapostola ba re ga Morena Jesu: “Re yeketsele tumelo!”
6 Jesu a fetola a re: “Ho le na le tumelo ye nyana ya go ka lekana le pewu ya letlhoko, le ka kgona go ra setlhare so sa bolopi la re:’ Shimologa wo ye wo tegashe lewatleng,’ se nyoko go theyetsela.
7 A re fo re ye mongwana wa lune wo na le motlhanka ye a lemang kela ye a disang dinku. Naa a ka re ho motlhanka a boya tjhemong a re: ‘Tlang byalo wo dule fase wo dye? 8 Naa mong wage a ka sa thome ka gore: ‘Lokisa tsagodya tsaka tsa ka malobana wo lete ho ke yedya ke yenwa, ka morago ye be gona wo dyang wo nwang. 9 Naa mong wage wo leboga motlhanka ho a makiye so a mmotsiyeng sona? Aowa! A goka mokgwa wo none. 10 Byalo le lune ho le makiye tso le botsiwuweng go di maka, le tshwanele le re: ‘A ye rune batlhanka ba selo, re filo maka mmereko wa rune’’
Go fodisiwa ga banna ba lesome ba lephera
11 Byalo ho Jesu a le tseleng ya go ya Jerusalema wo sepediye ka monakatsela wa Samariya le Galeliya. 12 Ho a sa kena motjing, banna ba lesome bo ke ho ba na le lephera ba mo gatlhanetsa. Ke ho ba yemme kgole. 13 Ba gowelela ka lentsu le legolo ba re: “Jesu Morena, re kwele go baba!”
14 Ho Jesu a ba bona a re: “Ariyeneng le teponagatse ga baprisita” Ba yitse ba sa ya, ba fola.
15 Ka woweshi wa bona, ho a bona a fodiye, a boyela morago ga Jesu a reta Modimo ka lentsu le legolo. 16 A telatlhela mawotong ya Jesu a mo leboga, monna ye ke ho yele Mosamariya.
17 Jesu a botsisa a re: “Naa a gwa fodisiwa ba lesome? Ba kaye ba bangwana ba senyane? 18 Go tlhokiye le ka woweshi wa go boya a tlo reta Modimo ho yese hela Mosamariya ye? 19 Ke moka a re ga monna yela: “Tlogamela, tumelo yago ye go makiye gore wo fole.”
Go tla ga Mmusho wa Modimo
20 Ho a botsisiwuwe ke Bafaraseyi gore mmusho wa Modimo wo nyoko tla leng, Jesu wo fetole a re: “Mmusho wa Modimo a wo tle go ya ka go bona ka tlhokomelo ga lune, 21 ho batho ba ka reng: “Ke wo, kela ke wela, ka gore mmusho wa Modimo wo ka teng ga lune.”
22 Ke moka Jesu a re ga barutiwa bage: “Nako ya tla yo le nyokogo nabela go bona le lengwana la matjatji ya Morwayi wa Motho mara le ka sa le bone. 23 Batho ba nyoko re: “Ke yela, kela ke ye! Le sa taboge la ba shala morago. 24 Ka gore Morwayi wa Motho ka letjatji lage, go nyoko tshwana le legadima lo le gadimang la bonegetsa lefawufawu go tloga thoko yo go ya ga ye nngwana. 25 Mara sa mathomo wo nyoko tlhopega ka dilo tsa go tlala a ba a gana ke moloko wo.
26 Go tshwana le ka nako ya Nnowa, go nyokoba byalo le ka nako ya Morwayi wa Motho. 27 Batho ke ho ba yedya, ba yenwa, ba nyala ba biye ba nyadisa go segela letjatji lo Nnowa a kenneng arekeng ka lona. Ke moka meetjifula a tla a ba fetsa ka moka ga bona.
28 Ke ho go le byalo le ka matjatjing ya Llota. Batho ke ho ba yedya, ba yenwa, ba reka, ba rekisa, ba lema ba yaga. 29 Mara letjatji lo Llota a tjweleng ka lona Sodoma, go nele mollo wo tjwa legedimong wa ba fetsa ka moka ga bona.
30 Go nyoko ba ka wona mokgwa wone le nakong ya Morwayi wa Motho a nyokogo bonagala ka yona. 31 Ka lona letjatji lone, ye a leng gedimo ga ntlo yage, a na le diphatlho ka ntlong, a sa phologe a ya go di tseyeng. Go tshwana le ye a leng tjhemong a sa boyele gaye go tseya se sengwana. 32 Gopolaneng mosadi wa Llota! Le sa lebelele morago. 33 Ye a lekang go pholosa bophelo byage wo nyoko bo loba le ye a lobang bophelo byage wo nyoko bo ruwa. 34 Ke ya lebotsa ka byona boshego byone, ka babedi ba nyokoba ba le mpeteng ka woweshi, ye mongwana a tseyiwa ye mongwana a shala. 35 - 36 Basadi ka babedi ba nyokoba ba shila mabele lwaleng, ye mongwana wo nyoko tseyiwa ye mongwana wo nyoko shala. Banna ka babedi ba nyokoba ba le mashemong ye mongwana wo nyoko tseyiwa ye mongwana wo nyoko shala.”
37 Barutiwa ba botsisa ba re: “Di nyoko makega kaye Morena? Jesu a fetola a re: “Ho go nang le setoto, re bona ka manong”