Jesu wo fodisa moshepaditho
9
Jesu a kena sekepeng,
a tshelela ka mosekola wela a tla motjing wa gabo.
2 Banna ba bangwana ba tlisa moshepaditho gage,
ba mo rwele ka mosemo.
Ho Jesu a bona tumelo ya bona,
a re ga moshepaditho:
“Beta pelo,
morwayi,
dibe tsago di lebalediwuwe.”
3 Ka go kwa tso,
ba bangwana ba baruti ba molawo ba bolabodisana ka bo bonabeng ba re:
“Mothaka ye wo rogelela Modimo!”
4 Ka go tjiba so ba se naganang,
Jesu a re:
“Ke ka taba la ying le yeleletsa tsa go befa ho dipelong tsa lune?
5 Se se kawone ke sefe,
ke go re:
‘Dibe tsago di lebalediwuwe,
kela ke gore tsoga wo sepele’?
6 Mara ke nyaka gore le tjibeneng ho Morwayi wa Motho a na le maatla ya go lebalela dibe ho lefaseng.”
Ke moka a re ga moshepaditho:
“Tsoga,
tseya mosemo wago wo ye gaye.”
7 Monna a tsoga a ya gaye.
8 Ho leshaba le bonne tso,
la makala ka matla,
ba tumisa Modimo,
ye a feleng batho matla ya mohuta wo.
Go bitsiwa ga Matewu
9 Ho Jesu a tlogiye hone,
a bona monna ye a bitsiwang Matewu a dule sentlonyaneng sa go patedisa mothelo.
A mmotsa a re:
“Nlatele,”
Matewu a tlogamela a mo latela.
10 Ho Jesu a le tsagodyeng ntlong ya Matewu,
ba go tlala ba gopatedisa mothelo le badiradibe ba tlile ba dya le Jesu,
le barutiwa bage.
11 Ho Bafaraseyi ba bona so,
ba botsisa barutiwa bage ba re:
“Ke ying taba moruti wa lune a yidya le ba gopatedisa mothelo le badiradibe?”
12 Ho a kwele tso,
Jesu a re:
“A ye bo ba phelegiyeng bo ba nyakang togotela,
mara ke ba go lwala
13 mara ariyeng le tjhuteng gore so se ra gore ke ying:
‘Ke nyaka mogawu ye seng setlhabelo.’
A ke ya tlela go bitsa ba go loka,
mara badiradibe.”
Jesu wo botsisiwa ka go tekona
14 Ke moka barutiwa ba Johanese ba tlile ba mmotsisa ba re:
“Go tla byang rune le Bafaraseyi re tekona,
mara barutiwa bago a ba tekone?”
15 Jesu a fetola a re:
“Bayeng ba monyadi ba ka tlhonama byang ba sana le yene?
Nako ye nyoko tla ho monyadi a nyoko tlosiwang ga bona,
ke moka ba nyoko tekona.
16 “A go na ye a ka rokelelang setjheso sa llapi le lentshwa kobong ya botala,
ka gore setjheso se nyoko tlerola kobo,
sa maka go tleroga hone ya ba go gogolo.
17 Le gona batho a ba tjhele beyine ye ntshwa ka teng ga dikgwatlhapa tsa beyine tsa botala.
Ho ba maka tsone,
dikgwatlhapa di nyoko parasa,
beyine ye nyoko falala ke moka dikgwatlhapa tsa beyine di nyoko senyega.
Awowa,
ba tjhela beyine ka teng ga dikgwatlhapa tsa beyine tse di ntshwa,
ka dipedi ga tsona di ya bolokega.”
Jesu wo fodisa mosadi le go tsosa ngwannyana bahung
18 Ho a sa bolabola tso,
mmushi wa sinagoge wo tlile a kgotama matlhong yage a re:
“Morwediya wa ka wo sa tjo hwa,
mara tlang wo mmeye matsogo wo mo rapelele wo nyoko phela.”
19 Jesu a tlogamela a ya naye,
le barutiwa bage le bona ba mo latela.
20 Gona hone mosadi ye ke ho a tshwere ke bolwele bya ngope mengwaga ye lesome le ka mmedi a tla ka morago ga Jesu a kgwata morumo wa kobo yage.
21 Ke ho a fetsiye ka pelong yage a yitse:
“Ho nka fo kgwata kobo yage,
ke nyoko fola.”
22 Jesu a sokologa a mmona a re:
“Beta pelo morwediya,
tumelo yago ye go fodisiye.”
Mosadi wo napiye a fola ka nako yonone.
23 Ho Jesu a kenne ntlong ya mmushi wa sinagoge a bona ba go letsa difayi le leshaba lo ke ho le maka leshata,
24 A re ga bona:
“Tjwaneng!
Ngwannyana a ya hwa mara wo yetsele.
“Bona ba mo tshega.
25 Ka morago ga ho leshaba le tjwele tawong,
wo kenne ntlong a tshwara ngwannyana ka letsogo,
ke moka a tsoga.
26 Ditaba tso di ya tlala naga yone ka moka.
Jesu wo fodisa difofu le semumu
27 Ho Jesu a tloga hone,
banna ka babedi ba difofu ba mo shala morago ba gowelela ba re:
“Morwayi wa Dafida,
re gawogele!”
28 Ho a kenne ka ntlong banna bala ba difofu,
ba tla gage,
a ba botsisa a re:
“Naa le ya dumela gore nka le maka gore le bone?”
Ba fetola ba re:
“Ee,
Morena re ya dumela.”
29 Ke moka a kgwata matlho ya bona a re:
“A go makege go ya ka tumelo ya lune,”
30 matlho ya bona a bulega,
ke moka ba bona.
Jesu a ba laya tsebe go kwa a re:
“Le bone gore a le botse motho ka tso.”
31 Mara ba tloga ba gasha ditaba tsone ka yene nageng yone ka moka.
32 Ho ba sa tjwa monna ye ke ho a keniwuwe ke mademone a sa kgone go bolabola a tlisiwa ga Jesu.
33 Ho ledemone le rakiwuwe,
monna ye ke ho yele semumu a bolabola,
leshaba la shala le makele la re:
“Tsa go tshwana le tso a di so makege ho Israyele.”
34 Mara Bafaraseyi ba re:
“Wo raka mademone ka kgoshana ya mademone.”
Go nyakega babereki
35 Jesu wo yiye metjing le metjaneng ka moka,
a tjhutisa disinagogeng,
a gowelela Taba ye Butji ya mmusho,
a fodisa malwele le mefokolo ka moka.
36 Ho a bona leshaba,
a ba kwela go baba,
ka ho ba be ba tlhakatlhakanne ba se na thusho,
go tshwana le dinku tso di se nang modisi.
37 Ke moka a re ga barutiwa bage:
“Puno ke ye kgolo mara babereki a ba tlala.
38 Kgopelang Morena wa puno a romele babereki tjhemong.”