Go yatlhola ba bangwana
7
“Wo sa yatlhole,
gore le wene wo sa yatlhodiwe.
2 Ka gore ka tsela yo wo yatlholang ba bangwana ka yona le wene wo nyoko yatlhodiwa ka yona,
le gona sekala so wo kalang batho ka sona,
le wene wo nyoko kadiwa ka sona.
3 Ke ying wo bona sepetlhonyana sa phate letlhong la ngwaneno hala ho letlhong lago go na le lepolanka mara wo sa le lemoge?
4 Wo ka botsa ngwaneno byang wa re:
‘A wo re ke tlose sepetlhonyana so ho letlhong lago,’
hala le wene gona le lepolanka ho letlhong la go?
5 Wene motemakisi tena,
thoma ka go tlosa lepolanka letlhong la wene mong,
ke moka wo nyoko bona gabutji gore wo tlose sepetlo letlhong la ngwaneno.
6 Wo sa neye dimpya se sekgetegiyeng,
wo sa foshele dipheta tsago dikolobeng.
Ho wo maka tso,
di nyoko di gatela ka mawoto,
di nyoko le kutulogela di le tlopolanya.
Kgopela, Nyaka, Kokota
7 “Kgopelang le nyoko fiwa,
nyakang le nyoko keraya,
kokotang le nyoko bulediwa monyako.
8 Ye mongwana le ye mongwana ye a kgopelang wa yamogela,
ye a nyakang wa keraya,
le ye a kokotang wo nyoko bulediwa monyako.
9 Ke mang ho ga lune ye morwayi wa ge ho a kgopela sekgwa a nyoko mo neyang letlapa?
10 Kela ho a kgopela tlhapi,
a nyoko mo neyang noga?
11 Ho lune byalo,
le ho le le ba babe,
le tjiba go neya bana ba lune dimpho tse dibutji,
naa Papa wa lune wa legedimong a ka shitega byang go neya bo ba mo kgopelang dimpho tse dibutji!
12 Byalo ga dilo ka moka,
makela ba bangwana tso wo nyakang gore ba go makele tsona,
ka gore tso di gatlhanyisa molawo le baporofeta.”
Kgoro ye tshesane le ye ye bulegiyeng
13 Kenang ka kgoro ye tshesane.
Ka ho kgoro ye ye bulegiyeng le tsela ya go bulega ke tsona di yesang tshinyegong,
ka ho ba go tlala ba kena ka tsona.
14 Mara kgoro ye tshesane le tsela ye tshesane di yisa bophelong,
le gona a ba tlala bo ba ye kerayang.”
Baporofeta ba nnete le ba matsaka
15 “Lemogang baporofeta ba matsaka.
Ba tla ga lune ba temakiye dinku,
hala ka teng ga bona yele diphiri tso di tlopolanyang.
16 Le nyoko ba tjiba ka diyengwa tsa bona.
Naa batho ba kga ditereba setlhareng sa mootlwa kela mago go tjwa monganeng?
17 Ka yona tsela yone,
setlhare se sengwana le se sengwana se se butji se yengwa diyengwa tse dibutji,
mara setlhare se sebe se yengwa diyengwa tse dimpe.
18 Setlhare se se butji se ka sa yengwe diyengwa tse dimpe,
setlhare se se mpe se ka sa yengwe diyengwa tse dibutji.
19 Setlhare se sengwana le se sengwana so se sa yengweng diyengwa tse di butji se nyoko kopiwa sa foshediwa mollong.
20 Byalo,
le nyoko ba tjiba ka diyengwa tsa bona.”
Batlhanka ba nnete le ba matsaka
21 “A ye ka moka bo ba reng ga ka,
‘Morena,
Morena,’
ba nyoko kenang mmushong wa legedimo,
mara ke hela ye a makang thato ya Papa waka ye a leng legedimong.
22 Ba go tlala ka lona letjatji lone ba nyoko re ga ka:
‘Morena,
Morena,
anthe a re ya porofeta ka lebitso lago,
a ra raka ra raka mademone,
ra maka le metlholo ya go tlala ka lebitso la go?’
23 Ke moka ke nyoko ba botsa pepeneneng gore,
‘A ke ya thoma ke le tjibiye.
Tlogang ho ga ka,
lune ba go maka bobe!’”
Bayagi ba go tlhalefa le ba ditlayela
24 “Ka gona ho ye mongwana le ye mongwana a ye kwa mantsu yaka a phela ka wona wo tshwana le monna ye a tlhalefiyeng ye a yagang ntlo yage gedimo ga letlapa.
25 Pula ya na,
mafula a tsoga,
le moya wa tjhutla kgatlhanong le ntlo,
le ho go le ka mokgwa wone ntlo ya sa we,
ka ho mothewo wa yona wo le gedimo ga letlapa.
26 Mara ye a kwang mantsu yaka a sa phele ka wona wo tshwana le monna wa setlayela ye a yagang ntlo ya ge santeng.
27 Pula ya na,
mafula a tsoga,
moya wa tjhutla kgatlhano le ntlo yone,
byalo go wa ga yona gwa ba go gogolo.”