Jesu wo tjhutisa ka ditjhegofatso
5
Byalo ho Jesu a bona mashaba,
a rotogela thabeng a dula fase.
Barutiwa bage ba tla gage,
2 ke moka a thoma go ba tjhutisa a re:
3 “Ba go shegofala ke ba go tlhoka moyeng,
ka gore mmusho wa legedimo ke wa bona.
4 Ba go shegofala ke bo ba tlhonammeng
Ka gore ba nyoko homotsiwa.
5 Ba go shegofala ke ba boleta,
ba nyoko tseya lefase ya ba bohwa la bona.
6 Ba go shegofala ke ba go ba le tlala le lenyora la gore ba loke,
ka gore ba nyoko horisiwa.
7 Ba go shegofala ke ba go ba le mogawu,
ka gore le bona ba nyoko gawugediwa.
8 Ba go shegofala ke ba dipelo tsa go yela,
ka gore ba nyoko bona Modimo.
9 Ba go shegofala ke bo ba makang gore go be le khutjo,
ka gore ba nyoko bitsiwa bana ba Modimo.
10 Ba go shegofala ke bo ba tlhorisiwang ka baka la go loka,
ka gore sa bona ke mmusho wa legedimo.
11 Ba go shegofala ke lune ho batho ba le rogelela,
ba le tlhorisa le ho ba le phara ka matsaka ba le bolabola go befa ka lebaka laka.
12 Dyabolang ka gore kabelo ya lune ke ye kgolo legedimong,
ka gore ke ka yona tsela yo ba tlhorisiyeng baporofeta bo ba beng ba le gona pele ga lune.”
Jesu wo tjhutisa ka Letswayi le go ba Seyetja
13 “Lune le letswayi la lefase.
Mara ho letswayi le ka latlhegela ke botswayi bya lona le ka makiwa byang gore le be le botswayi fote?
A le sa thusha selo,
ho ye se go latlhediwa kuwa tawong la gatela ke batho.
14 Lune le seyetja sa lefase.
Motji wa thabeng a wo kgone go wutama.
15 Le gona batho a ba tjhube llampa ba le ribegetsa ka seroto.
Mara ba le beya setlhomelong sa lona,
ke moka la bonegetsela batho ka moka ka ntlong.
16 Ka yona tsela yone le sa lune seyetja a se bonegetsele batho,
gore ba bone ditiro tsa lune tse dibutji ke moka ba rete Papa wa lune wa legedimong.
Jesu wo tjhutisa ka molawo
17 “Le sa nagane gore ke tlele go fedisa Molawo kela Baporofeta.
A ke ya tlela go di fedisa mara go di phetagatsa.
18 Nyanese ke ya le botsa,
go segela ho legedimo le lefase di nyamalala,
a gona le tlhaka ye nyana,
kela mothalonyana wa inke wo wo nyoko nyamalalang molawong go segela ho dilo ka moka di phetagele.
19 Ye a robang wo mongwana wo monyana wa melawo a tjhutisa le ba bangwana go wo roba wo nyoko bitsiwa ye monyana mmushong wa legedimo,
mara ye a ye phelang a biye a tjhutisa melawo ye wo nyoko bitsiwa ye mogolo mmushong wa legedimo.
20 Byalo ke ya le botsa gore ho go loka ga lune go sa phale ga Bafaraseyi le ga baruti ba molawo,
ka nnete le ka sa kene mmushong wa legedimo.”
Jesu wo tjhutisa ka gore re sa kwate
21 “Le di kwele tso di botsiwuweng batho botala,
gore:
‘Wo sa bolaye,
le gona ye mongwana le ye mongwana ye a bolayang wo nyoko yatlhodiwa.’
22 Mara ke ya le botsa gore ye mongwana le ye mongwana ye a kwatelang ngwanabo wo nyoko yatlhodiwa.
Fote,
ye a reng ga ngwanabo,
‘sephokophoko,’
wo ko tekarabela le kgotlheng.
Mara ye a reng,
‘Wo setlayela!
Wo nyoko ba kotsing ya mollo wa diheleng.
23 Ka gona,
ho wo neyela moneyelo wago aletareng ho sa le go hone wa gopola gore ngwaneno wo na le molato nago,
24 shiya moneyelo wago hone pele ga aletara.
Thoma wo ye wo boyelane le ngwaneno,
ke moka wo tle wo neyele moneyelo wago.
25 Lokisa ditaba tsago ka go yakgoswa le lenaba lo le go yisang kgorong.
Maka tsone wo sa le tseleng naye,
ka gore a ka go gafela diyatleng tsa moyatlhudi,
ke moka moyatlhudi a go gafela diyatleng tsa lephodisa,
ke moka lona la go latlhela jele.
26 Nyanese ke ya le botsa,
wo ka sa tjwe go segela wo patele sente ya mafelelo.”
Jesu wo tjhutisa ka bowotswa
27 “‘Le kwele ho ba re,
‘le sa make bowotswa.
28 ‘Mara ke le botsa gore ye a lebelelang mosadi ka go mo nabela wo shele a makiye bowotswa le yene ka pelong.
29 Ho letlho lago la letsogotsogo le go makisa sebe,
le gonye wo le lahlele kgole.
Go ka wone go loba setho ka soshi sa mmele wago go na le gore mmele wago ka moka wo latlhediwe diheleng.
30 Le gona ho letsogo lago la letsogotsogo le go makisa sebe,
le kope wo le latlhele kuwa kgole.
Go kawone go latlhegela ke setho ka soshi sa mmele wago go na le gore mmele wago ka moka wo kene diheleng.”
Jesu wo tjhutisa ka tlhalo
31 Go bolabodiwuwe gore:
‘Ye a tlhalang mosadi wage wo tshwanele go mo neya lengwalo la tlhalo.’
32 Mara ke ya le botsa gore ye a tlhalang mosadi wage,
ho ye se ka lebaka la go sa tshepege lenyalong,
wo mo maka gore a be sewotswa,
ye a nyalang mosadi ye a tlhadiwuweng wo mo maka sewotswa.”
Jesu wo tjhutisa ka keno
33 Fote,
le di kwele tso di botsiwuweng batho botala gore:
‘Wo sa robe keno yago,
mara boloka dikeno tso wo di makiyeng ga Morena.’
34 Mara ke le botsa gore:
‘Le sa yene le ka go nyana,
le ho ye le ka legedimo,
ka gore ke setulo sa Modimo sa bogoshi,
35 le ho ye le ka lefase,
ka gore ke bogatelo byage,
le ho ye le ka Jerusalema,
ka gore ke motji wa KGOSHI YE KGOLO ya legedimong.
36 Le gona wo sa yene ka tlhogo yago,
ka gore wo ka sa kgone go maka moriri ka wuwoshi gore wo be wo moshweu kela gore wo be wo mofifadu.
37 Mara “Ee” ya lune ye be “Ee” le “Awowa” ya lune ye be “Awowa” tse di ngwana tsa go feta tso di tjwa ga ye mobe.
Jesu wo tjhutisa ka go bosetsa
38 “Le kwele ho ba yitse:
‘Letlho ka letlho,
le leno ka leno.’
39 Mara ke ya le botsa,
le sa ganele motho ye mobe.
Ho motho ye mongwana a go teya ho sekaneng sa ka ho ga letsogotsogo,
beyeletsa le ka ho ga se sengwana fote.
40 Ho ye mongwana a go gapeletsa kgorong go nyoko go tseyela kobo,
mo neye le kobo ye nngwana fote.
41 Ho ye mongwana a go gapeletsa go sepela kilometara,
sepela naye dikilometara ka dipedi
42 Neya ye a go kgopelang,
ye a nyakang go yadima ho selo gago wo sa mo tlhanogele.
Jesu wo tjhutisa ka go rata manaba
43 “Le kwele ho ba yitse:
‘Rata moyagisane wo tlhoye lenaba lago.’
44 Mara nna ke le botsa gore ratang manaba ya lune le rapelele bo ba le tlhorisang,
45 gore le be bana ba Papa wa lune wa legedimong,
ye a makang gore letjatji lage le tlhabele ba babe le ba babutji,
a romela pula yage ga baloki le ba go sa loka.
46 Ho wo rata bo ba go ratang ke kabelo ya mohuta mang ye wo nyoko ye kerayang?
Anthe ba go patedisa mothelo a ba make tsona tsotsone?
47 Ho wo dumedisa bo ye leng bongwaneno hela,
keying so wo se makang go phala ba bangwana?
Naa le baheteng a ba make tsona tsotsone?
48 Ka lebaka lolone le sa be le bosodi ka gore Papa wa lune wa legedimong a sa solege.”