Johanese Motlungwetsi wo lokisa tsela
3
Ka wona matjatji wonone Johanese Motlungwetsi,
wo tlile a rera tlhageng ya Juda
2 a re:
“Sokologaneng,
ka gore mmusho wa legedimo wo thina.”
3 Ye ke yene go bolabodiwuweng ka yene ke Moporofeta Jesaya a re:
“Lentsu la ye a bitsang a le tlhageng,
‘Lokisang pata ya Morena,
Le wotlollwe ditsela tsage.’”
4 Dikobo tsa Johanese ke ho di rokiwuwe ka boya bya kamela,
masekeng a tetlemme ka lepanta la mokgopa.
Tsa godya tsage ke ho ye le ditjiya le dinose tsa tlhaga.
5 Batho ba go tjwa Jerusalema le Juda ka moka le ba tukologo ya mosekola wa Jordane ba ya gage.
6 Ba tepolabola dibe tsa bona,
a ba kolobetsa ka go ba tlungwetsa nokeng ya Jordane.
7 Mara ho a bona Bafaraseyi ba go tlala le Basaduseyi ba tla ho ke ho a ba tlungwetsela gona ka go ba tlungwetsa,
a re ga bona:
“Lune bana ba dinoga!
Ke mang ye a le lemoseyeng gore le tjhabe bogale byo bo tlang?
8 Yengwaneng diyengwa tsa go yelana le go sokologa.
9 Le sa nagane lune beng la re:
“Re na le Aborahama byalo ka papa wa rune”.
Ke ya le botsa gore go tjwa ho matlapeng wo Modimo a ka tsosela Aborahama bana.
10 Selepe se shele se le medung ya ditlhare,
setlhare so se sa yengweng diyengwa tse dibutji se nyoko remiwa sa latlhediwa mollong.
11 “Nna ke le tlungwetsa ka meetjing go ya tshokologong.
Mara ka morago ga ka go tla ye a nang le matla go mfeta,
ye bomamphashane bage ke sa tshwanelang go ba rwala.
Wo nyoko le tlungwetsa ka Moya wo mokgetwa le ka mollo.
12 Tshelo ya go fefera ye diyatleng tsage,
wo nyoko sowela lebato la seboya,
a kgobaketsa korong yage ka gare ga setende le go tjhuba mooko ka mollo wa go sa time.”
Go tlungwetsiwa ga Jesu
13 Ke moka Jesu a tla a ye tjwa Galeliya a ya Jordane go tlungwetsiwa ke Johanese.
14 Mara Johanese a leka go mo thibela a re:
“Ke nna nka ka tlungwetsiwang ke wene ka go ntlungwetsa meetjing,
byalo wene wo tla gaka?”
15 Jesu a fetola a re:
“A go be ka mokgwa wone gona byalo,
re tshwanele go maka tsa go phetagatsa go loka ka moka.”
Ke moka Johanese a kwana naye.
16 Ho Jesu a fetsa go tlungwetsiwa a tjwa ka meetjing.
Ka nako yo none legedimo la bulega,
a bona Moya wa Modimo wo thewoga nkare ke leba wa dula gedimo gage.
17 Ke moka Lentsu la tjwa legedimong la re:
“Ye ke Morwayi wa ka,
ye ke mo ratang,
ka yene ke ya dyabula.”