8
ओमे मुतीई आगाडी चोडावली वास्तु इ विश्वमेहे आमू जाआतले होय का आमू आखाआ ज्ञान होय आना ज्ञान घोमोंड तीयार कोतलू होय पोन प्रोमोमेहे उन्नति उवतली होय 2 जर कोडाआ लागेहे का माहु कितेबी मोलुम होय जर जेहलो मोलुम जोवे जेहलो अमेजाआ त्याहा मोलुम नाहा 3 जर कोडु परमेश्वराआ प्रेम कोअत्लू ताहा परमेश्वर त्याहा ओलखीतलु 4 कोईत मूर्तीआगाडी चढवओल्य वस्तूआ विषयामे आमुहू मोलुम होय का मूर्ती जगुमे किबी वस्तु नाहा आना एकाहा सोडीत बिहरु कोडु परमेश्वर नाहा 5 जर जुगोम आना धोरतीपो केते परमेश्वर कोल्यो जातला जेहलो जास्तीज परमेश्वर आना जास्तीज प्रभू होय 6 तेबी आमच्यासाठी एकुच परमेश्वर होय : म्हणजे आबहू याहीरोते आखे वस्तु होय , आना आमुहू त्यांकोअता होय आना एकुच प्रभू होय , म्हणजे येशु ख्रिस्त ज्यावाही आखे वस्तु ओवल्यु, आना आमुहू पण त्याज त्यापोरत होय 7 पोन आखाहा ओ ज्ञान नाहा, पण कितेबी ओमेजा मूर्तींना किबी संमजाड्लोकाजे मूर्तीआगाडी सोड्विल्यी सामानोअ कितेबी होमजीत खायलो रोतेहे आना त्याआ बुद्धी कोम होयकोत अशुद्ध ओतगोल्यु जाहो 8 रोटू आपाहा परमेश्वराआ जागे घेऊन जात नाहा आना जर आमुहू खाले नाहा तेबी किबी नुकसान उवनारा नाहा आना जर खाले ताहा किबी फायदा उवनारा नाहा 9 पोन सावधान! एहलो उवूंहू नाहा का तुमाआगाडी ए स्वतंत्रता का निर्बलांसाठी ठेसांचे काहाके ओतगोल्यु जानारू 10 काहाके जर कोडु ताहु मूर्तीच्या मंदिरोम रोटू कोअत्लूतेहलाम पलणारू आना तो निर्बल जण होय , ताहा नाहाकोत त्याआ बुद्धी बुद्धीला मूर्तीआगाडी चढवओल्य वस्तु खाअला हीमत ओतगोल्यु जानारू नाहा? 11 याकोईत ताआ बुध्दीपरत निर्बल पायहोहो तीयाकोता ख्रिस्त मोल्यु, नाश ओतगोल्यु जानारू 12 याकोईत पाहीही विरोधाम अपराध कोलाकोता आना त्याआ निर्बल बुद्धी बुद्धीला पेलरोत पोतल्याने, तुमु ख्रिस्ताच्या विरोधाम अपराध कोअता 13 एहलो प्रकारे जर ओन माआ पायहोहो पेलरोत पोताड्नारो , ताहा आय केधीज कोडोबीही प्रकारोअओ माहा खाही नाहा आना एहलो उवूंहू नाहा का आय आपाआ पाहिकोअता पेलरोत पोचावनारो काहाके बोनहू.