7
ती गोठीई विशयामेहे जी तुमु लीखलीओ हाजो होय का माटी बाईही ने सीबे 2 पोन व्याभिचाराच्या बिखीकी हरएक माट्योओ लाडी आना हरएक बोहई माटी रोहूजवे 3 डोस्या आपाआ बोहई हक्क पुरो कोईओलो; आना तेहलूज लाड़ी पोन आपाआ पतीचा 4 लाडीई डीलोपो अधिकार नाहा पण तिया पतीचा अधिकार होय तेहलूज डोहाआ पण आपाआ डीलोपो अधिकार नाहा, पण बोहई होय 5 तुमु एकाधीह्रारा अलग रोहू नाहा पण फक्त किबी टायमोपोरोत परस्पर लेतजा कोअली प्रार्थनासाठी समय मिळवा, आना फासाड़ी एकठे रो एहलो उवूंहू नाहा का तुमाआ असयंमाच्या कारनोवाही सैतान तुम्हामे पारकलु 6 पोन आय जो ओ कोतलू ते आज्ञा कोईत नाहा ताहा सवलत कोईत कोतलू 7 माआ ए इच्छा होय जेहलो आय होय तेहलूज आखे मांहु रोहू पोन प्रत्येकाहा परमेश्वारापोरोत आगेंआगें वरदान जोडयेहे होय कोडाआ कोडला प्रकारचा आना कोडाआ बिहीरा प्रकारचा 8 पोन आय वेहवाल नाकोईली आना रोडाली विषयी कोतलू का त्यांकोअता ऐहलेच रोलो हाजो होय जेहलो आय होय 9 पोन ते स्वतः संयम ओवुहू शकत नाहा ताहा वेहवाल कोईत लेदलेए काहाके वेहवाल कोअला कामातूर रोहोलोकाजे हाजो होय 10 ज्याआ वेहवाल उवे होय त्याहा आय नाहा पण प्रभू आज्ञा आपोहो का लाडी लेतजा आपाआ डोशाइरोतेए अलग रोहू नाहा 11 आना जर अलग पण उवे ताहा बिहरे वेहवाल न कोअता रोअलो किंवा आपाआ दोहाआरी फासी समेट कोईत लेवा आना डोस्या पण आपाआ लाडीही सोडीत कायना 12 बिहीरा मुळे प्रभू नाहा पण आयुच कोतलू जर कोडाआ लाडी विश्वास कोईत नाहा आना त्याआरी रोंहु खुश होय ताहा तीही सोडीत कायना 13 ज्या बईइ माटी विश्वास कोईत नाहा आना तीआरी रोंहु खुश होय ताहा तीही डोहाहा सोडीत कायना 14 काहाके एहेलू जो माटी विश्वास कोईत नाहा तो डह्लीबाहि पवित्र ओलखिणारा; नाहा ताहा तुमाआ पोऱ्ये अशुद्ध रोल्या ओते पण ओमे ताहा पवित्र होय 15 पोन जो माहु विश्वास कोईत नाहा जर तो जुदो ओतू ताहा जुदो ओवुहू दया एहलो अवस्थाम कोडु पाही किंवा बोंहि बंधनात नाहा परमेश्वराने आपाहा मिलून बालीन रोअलाकाजे हादाडये होय 16 काहाके ऐ बोयोआ ताहु नाहाकोत मोलुम होय का तू आपाआ डोहाआ तारण कोईत लेही ? आना ऐ माटी , ताहु नाहाकोत मोलुम का तू आपाआ लाडीई तारण कोईत लेही ? 17 जेहलो प्रभूऊ प्रत्येकाहा वाटीत आपिलू होय आना परमेश्वाराहा प्रत्येकाहा जेहलो हादाडये होय तेहलूज तिये सालीलो आय आखे मोडलीम ऐहलेच नियुक्त कोअत्लू 18 जो सुंता कोअल्यू गोगाडेंए गोल्यो होय तो सुंता न उवलो बोनहू कायना जो सुंता न उवलो गोगाडेंए गोल्यो होय तिये सुंता न कोईली 19 नाहा सुंता किबी होय आना नाहा सुंता न उवलो पण परमेश्वराआ आज्ञाहां कोतुलो आखे किबी होय 20 हरएक जोओ ज्या अवस्थाम गोगाडेंए गोल्यो होय त्याआ मायज रोअलो 21 जर तू नोकोराहा अवस्थाम गोगाडेंए गोल्यो होय ताहा चिंता कोहू नाहा; पण जर तू मुक्त ओवुहू शकतो ताहा तेहलूज काम को 22 काहाके जो नोकोराहा अवस्थाम हादाडल्यु गोल्यो होय ताहा -ताहा तो प्रभूआ मुक्त कोअल्यू होय तेहलूज जो हाजो अवस्थाम गोगाडेंए गोल्यो होय ताहा तो ख्रिस्ताआ पावर होय 23 तुमु किंमत आपित वेसातो लेद्लो होय तुमु मांहाआ पावर बोनहू नाहा 24 ऐ माहो , जो कोडु ज्या अवस्थाम गोगाडेंए गोल्यो होय तिये त्याहाम परमेश्वराबरोबर रोअलो 25 जुवानपोयरीबद्दल प्रभूऊ कोड्लीस आज्ञा माहु जोड़ी नाहा, पण विश्वास योग्य रोअलाकाजे जीही दया प्रभूऊ मापो कोअयी होय त्याआ प्रकारे सहमती आपोहो 26 माआ विचारोम ओ हाजो होय आजे परीस्तीतीम खोतालो मांहु जेहलो होय तेहलूज रोअलो 27 जर तुमु लाडी होय ताहा त्यापोरोत अलग रोईला प्रयत्न कोहू नाहा आना जर ताआ लाडी नाहा, ताहा बोहई होद कोहू नाहा 28 पोन जर तू वेहवाल कोअनारू पोन ताहा पाप नाहा आना कुमारीने वेहवाल कोल्यु ताहा पाप नाहा पोन एहलाहा शारीरिक दुख उवे आना माहु वासाडीतो होय 29 ऐ पाहीही, आय एहलो कोतलू का वेल कोम कोल्योओ गोल्यो होय त्यापोत जिया लाडी होय ते एहलो रोंहु जोवे का जेहेकाय त्याआ लाडी नाहा 30 आना रोडनारे एहलो रोडहू जोवे का जणूकाही रडीत नाहा आना आनंद कोनारामे एहेलू आनंद को का जेहलो का आनंद कोईत नाहा आना वेसातो लेनारा एहलो रोंहु जोवे का त्याजागे जणू किबी-किबी नाहा 31 आना जगाआरी एहलो रोंहु जोवे का हाहराआरी रोत जीवनरे नाहा काहाके आव जुगाआ रिती आना व्यवहार बद्लीलो जातेहे 32 सासोल्यू माआ एह्ली इच्छा होय का तुम्हामे चिंता ओवुहू कायना, वेहवाल नाकोईली प्रभूउ गोठीइ चिंतेमध्ये रोतलू का प्रभूहु केहलो खुश मेकीला 33 पोन वाजेवाले मांहु , जो जुगाआ गोठीइ चिंतेमध्ये रोतलू का आपाआ लाडीही कोडलाप्रकारे खुश मेकीला 34 वेहवाल कोल्यो आना वेहवाल न कामकोल्यो पण भेद होय वेहवाल कोल्यो प्रभूउ चिंतेमध्ये रोत्ले का तो शारिरीक आना आत्माआ बेनुमे पवित्र रोंहु जोवे 35 आय ए गोठी तुमाआ फायदाकोता फोसिवालाकोता नाहा, पण यकोअता का हाजो लागेहे तेहलूज कोल्यु जाहो का तुमु एक मनलागाडीलो ओतगोल्यु प्रभूउ सेवा बोणीत रोअलो 36 जर कोडु ओ होमजुत्लू आय आपाआ तियाअ जुवानी हक्क देत होयतीया जुवान पंजालो रोल्यो होय आना जरुरी पोन होय ताहा जेहलो जोवे तेहलूज कोईओलो यामे पाप नाहा ताहा तीई वेहवाल ओवुहू आपिलो 37 पोन जो मोनुमे स्थिर रोतलू आना त्याहा आवश्यक नाहा पण आपाआ इच्चेप अधिकार मेकोहो आना आपाआ मोनुमे ए गोठी ठेरवीत लेदि होय का तो आपाआ जुवान पोरीही वेहवाल नाकोईली मेकही, ताहा तो हाजो कोअत्लू 38 त्याकोता जो आपाआ जुवान्याहा वेहवाल कोईत आपोहो, तो हाजो कोअत्लू आना जो आपाआ जुवान्याहा वेहवाल कोईत आपित नाहा तो फासी जाखो हाजो कोअत्लू 39 जोपोरोत कोडा बईइ माहु जिवंत रोतलू तोपोरोत ती त्याआरी बांधीतमेकली होय ; पोन जर तीई माटी मोल्यु होय ताहा जे तीही गोमे वेहवाल कोहू सेकोहो पण फक्त प्रभूमध्येच 40 पोन जीही होय जर तेहलीज रोहुताहा माआ विचारोम फासी धन्य होय ; आना आय होमजीत्लू का परमेश्वराआ आत्माआ मामेह पण होय.