5
इही जाआ होमलुहू आव्यो का तुमु मेहे व्यभिचारी बी ओवे ओ एहलो व्यभिचारी जो बिहरी जाती में ओ बी ने ओतु होय का एक माइहु आपाआ आबहाआ लाडीही राखतु होय 2 आना तुमु दुख ताहा कोईत नाहा याहीरोते एहलो काम कोअनारू तुमामेहेरोत लाडयु ओतलू पोन तुमु गर्व कोअता 3 आय ताहा डीलोओ पायाहोवांही सेटे ओतू पण आत्माआ च्या पायाहोवांही जणू नाहाकोत तुम्हाआरी रोत उपस्थितांच्या अवस्थाम एहलो काम कोईलाकोता ए आज्ञा आप्यी होय 4 का जाहा तुमु आना माआ आत्माआ आम्हा प्रभू येशूउ सामर्थ्याआ आरी एकठे उवे ताहा एहेलू मांहु आमु प्रभू येशूउ नावामेहे, 5 डीलोओ नाशिलो सैतानाहो होफहोपिन आपिलो म्हणजे त्याआ आत्माआ प्रभू येशू दिहोमे तारण मिलवीही 6 तुमाआ गर्व कोअला हाजो नाहा; नाहाकोत तुम्हामे मोलुम नाहा का थोडूज खमीर पुरो मळवाओल्ये लोट खमीर कोईत आपोहो 7 जुनो खमीर काढीत स्वतःहा शुद्ध को म्हणजे नवो कुह्निलेल्यो ओतगोल्यु जानारू म्हणजे तुमु बेखमीर होय काहाके आमाआ पण वाल्हाडनाचा यज्ञ जनावरे जो ख्रिस्त होय अर्पण पोयो होय 8 त्याकोता आव तीवारोमे आपु आनंद कोहू नहाते जुनो खमिराने आना चुकीबी पोन आना दुष्टाच्या खमिराने पोन नाहा पोन ऐहल्लोज आना सत्त्याआ अखमिरेने 9 आय आपाआ पत्रामेह तुम्हामे लेखिलो होय का व्याभिचार कओनारारी हेगांति तोहुं नाहा 10 ओ नाहा का तुमु बिलकुल आव जुगाआ पापकोनारू, लोभ कोअनारे, वित्तहरण कोअनारे, मूर्ती पुजारो होबती तोहुं नाहा काहाके आव अवस्थाम ताहा तुम्हामे जगोमरोत निहीतगोयो जालो लागे 11 पोन माआ कोईओलो ओ होय का जर कोडु ख्रीस्तात पाही कोअही आना पापकोनारू किंवा लोभी किंवा देवपुजीलो किंवा वित्त हरिन कोअनारू किंवा गाई आपणारो किंवा पिनारू होय ताहा त्याआ होबती तोहुं नाहा पण एहलो मांहाआरी रोटू सुद्धा कोहू नाहा 12 काहाके माहु बिहरे जातीई माहुहु न्याय कोईओलो नाहाकोत काम ? नाहाकोत तुमु विसमे होय त्याआ न्याय कोईत नाहा? 13 पोन बिहरे माहुहु न्याय परमेश्वर कोअत्लू त्यापोत तियाअ पाप कोआनाराहा आपामेहे काढीत टाका.