ยูดา
บทนำ
จดหมายฉบับนี้เขียนโดยยูดา ต้านเป๋นน้องบ่าวของยากอบกับพระเยซู ยูดาคงเขียนจดหมายฉบับนี้ขึ้นหละหว่างปี๋ ค.ศ. 70-80
ยูดาเขียนจดหมายนี้เถิงหมู่ผู้เจื้อ เซิ่งผู้เชี่ยวชาญพระคัมภีร์ส่วนใหญ่กึ๊ดว่าเป๋นผู้เจื้อจาวยิวตี้อยู่ในดินแดนปาเลสไตน์ ย้อนยูดาได้อ้างอิงหลายข้อในพระคัมภีร์พันธสัญญาเก่า
ยูดาเตื๋อนเรื่องก๋านสอนผิดเหมือนตี้เปโตรเตื๋อนในจดหมายฉบับตี้สองของเขา ผู้สอนผิดหมู่นี้เตียวตางไปคริสตจักรหลายตี้ แล้วสอนหื้อหมู่ผู้เจื้อบ่ต้องใจ๊จีวิตอย่างบริสุทธิ์กับมีศีลธรรมย้อนหมู่เขาได้ฮับความรอดป๊นบาปโต้ษโดยพระคุณของพระเจ้าผ่านตางพระเยซูคริสต์แล้ว ยูดาห์ก็เขียนจดหมายฉบับนี้เปื้อเตื๋อนผู้เจื้อนั้นบ่หื้อหลงไปเจื้อกำสอนผิด กับขออ้อนวอนจ้วยคนตี้ได้หลงแล้วหื้อป๊น