วิวรณ์
บทนำ
คริสตจักรยุคแรกยอมฮับว่าพระธรรมวิวรณ์เป๋นก๋านบันทึกนิมิตตี้เขียนโดยยอห์นผู้เป๋นอัครทูตของพระเยซู เขาคงเขียนพระธรรมเล่มนี้ขึ้นหละหว่างปี๋ ค.ศ. 95-96 ในสมัยของจักรพรรดิโดมิเตียน
ยอห์นหันนิมิต ก็เลยเขียนจดหมายเถิงหมู่ผู้เจื้อตี้โดนค่ำเขในแคว้นเอเชีย เซิ่งในสมัยนี้อยู่ในประเทศตุรกี จดหมายนี้ได้ก๋านบันทึกไว้และนำมาใจ๊สำหรับผู้เจื้อกู้คนตี้ก่ำลังตุ๊กทรมานใคว่โลก ยอห์นเขียนนิมิตนี้ไว้ต๋อนตี้เขาเป๋นนักโต้ษบนเกาะปัทมอสย้อนความเจื้อของเขาในพระเยซูคริสต์
จากนิมิตนี้ตี้ยอห์นได้หัน เขาสอนว่าพระเยซูจะปิ๊กมาเป๋นเตื้อตี้สองเปื้อปกครองคนกู้จ้าดใคว่โลก เถิงแม้ว่าผู้เจื้อจะโดนค่ำจากผู้ปกครองโลกนี้ แต่หมู่เขาก็ตั้งต๋ากอยด้วยความหวังเถิงเวลาตี้พระเยซูจะมาปาไปอยู่กับพระองค์