ยอห์น
บทนำ
ผู้เขียนจดหมายฉบับนี้คือ ยอห์นผู้เป๋นอัครทูต ต้านเขียนจดหมายฉบับนี้ต๋อนตี้ต้านเฒ่าแล้ว จดหมายฉบับนี้เขียนขึ้นหละหว่างปี๋ ค.ศ. 85-90
ยอห์นเขียนจดหมายฉบับนี้เถิงป้อจายคนนึ่งจื้อกายอัส ในจดหมายฉบับนี้ ยอห์นอ้างเถิงตี้กายอัสต้อนฮับผ่อกอยผู้เจื้อตี้เตียวตางสอนความจริงเกี่ยวกับพระเจ้า ยอห์นยกย่องต้านตี้มีน้ำใจ๋ในเรื่องนี้ กับบอกกายอัสว่า ถ้ามา จะรายงานคริสตจักรเรื่องตี้คนจื้อ ดีโอเตรเฟส บ่ต้อนฮับผ่อกอยผู้เจื้อ แหมยังไล่คนอื่นตี้ใค่เยียะอย่างอั้นออกจากคริสตจักรตวย ยอห์นก็เอาตั๋วอย่างของดีโอเตรเฟสหื้อตักเตื๋อนว่า บ่ดีเยียะต๋ามสิ่งบ่ดี แต่หื้อเยียะสิ่งตี้ดี สุดต๊ายยอห์นก็แนะนำเดเมตริอัส หื้อกายอัสต้อนฮับผ่อกอยเป๋นแขก