ยอห์น
บทนำ
คริสตจักรสมัยยุคแรกยอมฮับว่า ผู้เขียนจดหมายฉบับนี้คือ ยอห์นผู้เป๋นอัครทูต ต้านเขียนจดหมายฉบับนี้ขึ้นหละหว่างปี๋ ค.ศ. 85-90
ยอห์นเขียนจดหมายฉบับนี้ แล้วฝากไว้กับเปื้อนบางคนของต้านตี้ได้มาแอ่วหาต้าน หมู่เขาได้บอกต้านเถิงเรื่องก๋านสอนผิดในคริสตจักรของหมู่เขา ในข้อตี้นึ่ง ยอห์นได้อ้างเถิงแม่ญิงตี้พระเจ้าได้เลือกไว้ แม่ญิงคนนี้คงอ้างเถิงผู้เจื้อในคริสตจักรของเปื้อนต้าน เซิ่งอยู่ในแคว้นเอเชีย เซิ่งในสมัยนี้อยู่ในประเทศตุรกี
ยอห์นเขียนจดหมายฉบับนี้เปื้อเตื๋อนเรื่องก๋านสอนของผู้สอนผิดตี้เตียวตางไปต๋ามคริสตจักรต่างๆ แล้วสอนว่า ตั๋วพระเยซูบ่ใจ้ตั๋วของคน แต่เป๋นวิญญาณตี้ผ่อเหมือนคน เป๋นภาพลวงต๋าบ่ดาย