Zwidə i

Sagɩ tə

Zwidə

nə pʋ́pʋ́nɩ́

Zwidə sagɩ tə yuu wa sʋgʋ

Lìù tə, ʋ nə pʋ́pʋ́nɩ́ sagɩ kʋ tə

Kʋ yɩ Zwidə nə pʋ́pʋ́nɩ́ kʋ. Ʋ yɩ Zwakə nubiu, kʋ wàá kʋ pɩn ʋ yɩ Zwezi nyánʋ́.

Lɩ̀à tə nə, ʋ nə pʋ́pʋ́nɩ́

Zwidə pʋ́pʋ́nɩ́ sagɩ kʋ tə ʋ pa *Zwifə-ba nə, ba nə jigə *Kərisə lɩ̀à.

Sagɩ tə wa sʋgʋ

Yìə̀n zʋa *Kərisə lɩ̀à təntə tətəŋi wa. Ba wa lɩ̀à duən yà kàrɩ̀ kʋnkʋn yìə̀n, ba ga tʋŋa kʋ tə mama, ba nə swə. Ba pwɛ̀ Kərisə lɩ̀à púlí tə duən nə. Ba twɩn *malɩkɛ tə, ba ga vɩ Zwezi tə, ʋ cɩcɩ nə yɩ karnyɩna, ʋ ga yɩ *Yuu-Tiu də.

Zwidə pìí ʋ kàrɩ̀ Yɩɩ sagɩ nədwan tə wa yìə̀n duən, də *Zwifə-ba yìə̀n duən, ba nə yə̀ə́ tə, ba dwíí tə saga tə wa, ʋ ma kàrɩ̀ Kərisə lɩ̀à təntə, ʋ nə pʋ́pʋ́nɩ́ ba nə. Ʋ bɩrɩ nətʋ tə, Yɩɩ nə cʋ̀gʋ̀ Sodɔmə tɩ̀án də Gomɔrə tɩ̀án *Yɩzərayɛlə lɩ̀à fuən tə nə. Kʋ kwa nə, ʋ daŋa Kərisə lɩ̀à tə jɩ̀àn, sə ba bɩrɩ də, ba swə lɩ̀à tə, ba nə jɛ́n tə, sə ba ga dəri ba yinəgə.