Batwa nii sagɩ tə,
Zwan
nə pʋ́pʋ́nɩ́
Zwan batwa nii sagɩ tə yuu wa sʋgʋ
Lìù tə, ʋ nə pʋ́pʋ́nɩ́ sagɩ kʋ tə
Lɩ̀à zənzən bʋŋa də, kʋ yɩ *tʋntʋnʋ Zwan nə pʋ́pʋ́nɩ́ kʋ. Zwan tə, ʋ nə pʋ́pʋ́nɩ́ saga bələ tə duən tə, mə ʋ mʋ̀ nə pʋ́pʋ́nɩ́ kʋ tə də. Ʋ yà boŋə ʋ tɩ̀àn “nəkwɩa.”
Lìù tə nə, Zwan nə pʋ́pʋ́nɩ́
Zwan pʋ́pʋ́nɩ́ sagɩ kʋ tə, ʋ pa lìù don nə, ba nə boŋə Gayisə.
Sagɩ tə wa sʋgʋ
Ʋ pʋ́pʋ́nɩ́ kʋ, ʋ ma bʋ Gayisə nə, ʋ nə twá Yɩɩ cɩ́gá tə nə, ʋ ga saŋa *Kərisə lɩ̀à tə nə yɩrɩ. Kʋ kwa nə, ʋ swɩ̀n bɛɛ don yoo, ba nə boŋə Diyotərɛfə. Ʋ bɩrɩ də, bɛɛ təntə wà zəni fwa, ʋ nə wà ʋ sʋgʋ tə jon, ʋ ga wà sɛ̀ ʋ pa, Kərisə lɩ̀à tə zʋrɩ ʋ dìə̀ wa yɩrɩ.
Kʋ mʋ̀ təntə də kwa nə, ʋ kʋ́ʋ̀ bʋ̀à lìù don də nə, ba nə boŋə Demetəriyisə. Ʋ mʋ̀ bɛɛ təntə yɩ ləzwənzəŋu, ʋ ga ya cɩ́gá tíú lɩ̀à tə mama yáá con.