Kadənu tə də lìù tə, ʋ nə bʋ̀rɩ̀ bʋra tə zwansɩsara tə
18
1 Zwezi kʋ́ʋ̀ sɩsarɩ zwansɩsara kʋ tə.
Ʋ bɩrɩ ʋ karbɩa tə nə,
sə ba ma lwarɩ də,
ba jɩ̀àn mɛ,
sə tə dàn máŋá mama yɩjʋnɩ wa.
2 Ʋ ma swɩ̀n,
ʋ wʋ́:
«Lìù don nə wulə,
ʋ nə bʋ̀rɩ̀ bʋra tɩʋ don nə.
Ʋ ba Yɩɩ zìlí,
ʋ ga ba ləzwənə tì,
ʋ ma fwa won tətə.
3 Kʋ mʋ̀ tɩʋ təntə wa,
kadənu don də wulə lá nə,
ʋ twi,
máŋá mama,
ʋ yí wá,
sə ʋ bʋ̀rɩ̀ ʋ bʋra.
Ʋ yàá swɩ̀n bɛɛ tə con nə,
ʋ wʋ́:
“Bʋ̀rɩ̀ à də à jarɩ don tə bʋra tə!”
4 Lìù nə bʋ̀rɩ̀ bʋra tə vɩga kʋ nɛɛ kapʋpʋ.
Kʋ kwa nə,
ʋ ma bà ʋ swɩ̀n ʋ tɩ̀àn con nə,
ʋ wʋ́:
“À cɩ́gá ba Yɩɩ zìlí,
à ga ba ləzwənə tì,
à ma fwa won tətə.
5 Yá kadənu wà tə nə wʋwalɩ nə tə yɩrɩ,
à wá bʋ̀rɩ̀ ʋ bʋra tə.
Kʋ nə tà kʋ mʋ̀,
ʋ wá bà máŋá mama,
ʋ ja à bɩan nə.” »
6 Kʋ kwa nə,
*Yuu-Tiu tə ma swɩ̀n,
ʋ wʋ́:
«Á cʋga kʋ tə,
lìù wʋlʋnyɩn tə nə bʋ̀rɩ̀ bʋra nə swɩ̀n!
7 Mə Yɩɩ wá twá nətʋ,
ʋ ma pa cɩ́gá tə,
á nə lòrì ʋ con tɩtɩn də yɩcaʋ.
Ʋ bá dɩ́án,
ʋ ma san ba.
8 À mʋ̀ nə swɩ̀n kʋ á con nə də,
ʋ wá pa ba cɩ́gá tə,
ba nə pɩ̀à tə lala.
Yá máŋá tə,
*Ləzwənə-Biu*f1* tə nə wá bà,
ʋ wá na lɩ̀à,
ba nə kəni ba waa Yɩɩ nə lɩ̀à tə wa,
ba nə wulə tɩa yuu naaa>>»
Farɩzɩan tə də lanpolɩnʋ tə zwansɩsara tə
9 Zwezi sɩsarɩ zwansɩsara kʋ tə,
ʋ pa lɩ̀à tə nə,
ba nə bʋŋa də,
ba yɩ cɩ́gá tíú Yɩɩ yáá nə,
ba ga ba ba duən tə jələ.
10 Ʋ swɩ̀n,
ʋ wʋ́:
«Bara bələ vələ *Zwifə-ba Yɩɩ *dìə̀ wa,
sə ba jʋn Yɩɩ.
Ʋ don yɩ *Farɩzɩan,
ʋ don ma yɩ lanpolɩnʋ.
11 Farɩzɩan tə zɩga ʋ cɩcɩ,
ʋ ga jʋ̀nɩ̀ Yɩɩ,
ʋ wʋ́:
“Yɩɩ,
à kəni n lɛ̀ɛ̀,
à nə tà ndə ləzoni tə duən nə,
ba nə yɩ lɩ̀à tə,
ba nə vɩrɩ lɩ̀à wiən də dɩ̀àn,
də lɩ̀à,
ba nə tʋŋa kʋnkʋn yoo,
də lɩ̀à,
ba ga cwàrɩ̀ tə yɩrɩ.
À kəni n lɛ̀ɛ̀,
à nə tà ndə lanpolɩnʋ ʋ tə nə yɩrɩ.
12 À vwe à nii nɛɛ bələ dɩan barpɛ wa.
Yá à ga pɩn mʋ́ won mama,
à nə nɩ fugə nii nyiən.”
13 Lanpolɩnʋ tə mʋ̀ ga zɩga dìə̀ tə vàn don nə.
Ʋ wàrɩ̀ ʋ yáá tətə ʋ zɩ̀n,
ʋ kəni yɩɩ nə.
Yá ʋ dàń yɩ ʋ wulə ʋ zɛ ʋ jɩ̀àn,
ʋ ga swɩ̀n,
ʋ wʋ́:
“Yɩɩ dəri à yinəgə à yɩ cʋna lìù!” »
14 Zwezi ma kʋ́ʋ̀ swɩ̀n,
ʋ wʋ́:
«À mʋ̀ nə swɩ̀n kʋ á con də,
kʋ mʋ̀ bɛɛ təntə nɩ cɩ́gá Yɩɩ yáá con,
ʋ ja pìí ʋ va ʋ dìə̀.
Yá kʋ nə tà Farɩzɩan tə mʋ̀.
Lìù tə mama,
ʋ nə wá zɩ̀n ʋ tɩ̀àn kʋ tíú wá cú.
Yá lìù tə,
kʋ tíú nə wá kə ʋ tɩ̀àn tɩa,
Yɩɩ wá zɩ̀n kʋ tíú yɩɩ nə.»
Zwezi də bìsɩ́ná yoo
15 Lɩ̀à yà jɩn bìsɩ́ná ba bà Zwezi con,
sə ʋ dwen ba yɩra.
Zwezi karbɩa tə nə nɩ kʋ nətʋ,
ba dàń wulə ba caga ba nii nə.
16 Yá Zwezi pɩn ba ja bìsɩ́ná tə,
ba fàrʋ́ ba yí lá,
ʋ ga swɩ̀n,
ʋ wʋ́:
«Á yágá bìsɩ́ná tə,
sə ba bà à con nə!
Á dànà ká cɩ̀ ba nə!
Yɩɩ pàrɩ̀ tə nə yɩ ba tə,
ba nə yɩ ndə ba nə nyiən.
17 Cɩ́gá mama,
à mʋ̀ nə swɩ̀n kʋ á con:
Də lìù nə bá sɛ̀,
ʋ jì ndə bisɩmaa,
ʋ ba wànɩ́ Yɩɩ pàrɩ̀ tə wa ʋ zʋ.»
Jɩjə balandʋrʋ don yoo
18 *Zwifə-ba yuu tíú don lòrì Zwezi,
ʋ wʋ́:
«Karnyɩna n yɩ pubwanʋ tíú.
Bɛ̀ɛ̀ nə à mɛ,
sə à fwa,
sə à ma na mɩɩ tə,
kʋ nə ba zwɛ̀ Yɩɩ con>>»
19 Zwezi ma le wá,
ʋ wʋ́:
«Bɛ̀ɛ̀ nə pɩn,
n ma boŋə pubwanʋ tíú>> Lìù tə̀lə́,
ʋ nə yɩ pubwanʋ tíú,
də kʋ nə tà Yɩɩ cɩcɩ.
20 N yə̀ə́ Yɩɩ *nii yìə̀n tə,
ʋ nə pɩn *Moyizə:
“Dàn ká cwàrɩ̀!
Dàn ká gʋ!
Dàn ká ŋʋ!
Dàn ká kʋna kʋnkʋn,
n kə lìù nii nə!
Zìlí n nuu də n nyɩna nii!” »
21 Bɛɛ tə le,
ʋ wʋ́:
«À twá tə mʋ̀ Yii nii yìə̀n təntə mama nii nə,
də à tə ya bisɩmaa.»
22 Zwezi nə nì kʋ mʋ̀ təntə nətʋ,
ʋ swɩ̀n ʋ con,
ʋ wʋ́:
«Won nədʋ tə nə ga,
sə n fwa:
Yə̀ tə tə mɛ,
n nə jə,
n ga tara səbiu tə n pa zʋra nə.
Yá n wá na wiən tə,
kwənə nə dáá,
Yɩɩ *sàń nə.
Kʋ kwa nə,
n dàń bà,
n twá à nə.»
23 Yá máŋá tə wa,
bɛɛ tə nə nì tə sʋ̀ràn təntə,
ʋ pùə́ cʋ̀gʋ̀ mɩ́ámɩ́án,
ʋ yà nə yɩ jɩjə nəfarʋ tíú yɩrɩ.
24 Zwezi nə na də,
ʋ pùə́ cʋ̀gʋ̀ tə,
ʋ swɩ̀n,
ʋ wʋ́:
«Kʋ cà zəni,
kʋ pa jɩjə tɩ̀án nə,
sə ba zʋ Yɩɩ pàrɩ̀ tə wa.
25 Nyʋgʋma ka twá gancɩɩn bʋʋ kʋ nan,
yɩ mwálɩ́,
kʋ doni jɩjə tíú nə pɩ̀à,
sə ʋ zʋ Yɩɩ pàrɩ̀ tə wa.»
26 Lɩ̀à tə,
ba nə cʋga Zwezi tə,
swɩ̀n,
ba wʋ́:
«Kʋ nə yɩ nətʋ,
wàà nə wá na mɩɩ tə,
kʋ nə ba zwɛ̀ Yɩɩ con>>»
27 Zwezi ma le,
ʋ wʋ́:
«Won tə,
ləzoni nə wàrɩ̀ ba fwa,
Yɩɩ mʋ̀ wàá kʋ ʋ fwa.»
28 Piyɛrə dàń ma swɩ̀n,
ʋ wʋ́:
«Ywàń,
nə dʋgʋ nə wiən mɛ,
nə ga twá n nə.»
29 Zwezi ma swɩ̀n ba con,
ʋ wʋ́:
«Cɩ́gá mama,
à mʋ̀ nə swɩ̀n kʋ á con:
Lìù nə taa Yɩɩ pàrɩ̀ tə yɩrɩ,
ʋ nan ʋ ga yá ʋ sàń,
nə à yə̀ə́ ʋ kan,
də ʋ nubɩa,
də ʋ nuu,
də ʋ nyɩna,
də ʋ bɩa,
30 kʋ tíú wá na ʋ doni kʋ tə,
ʋ nə dʋgʋ tɩa yuu wa yəbə.
Yá máŋá ka tə wa,
də máŋá tə mɛ,
kʋ nə bɩ̀àn,
ʋ wá na mɩɩ tə,
kʋ nə ba zwɛ̀ Yɩɩ con.»
Zwezi kʋ́ʋ̀ pìí ʋ swɩ̀n ʋ tɩan, də ʋ ka pìí ka bwin ka nan tə yoo
31 Zwezi jɩn ʋ karbɩa fugə bələ tə,
ʋ kə ʋ con,
ʋ ga swɩ̀n ba con,
ʋ wʋ́:
«Á cʋga zəni,
nə wulə cwəŋə wa,
nə vələ *Zwerizalɛmə,
yá mə lá nə,
Yɩɩ nii *sʋ̀sʋ̀nà tə níə́ sʋ̀ràn tə mama,
ba nə swɩ̀n *Ləzwənə-Biu*f1* tə yuu wá,
nii wá sú.
32 Ba wá ja wá,
ba pa lɩ̀à tə nə,
ba nə ba nə yəri Yɩɩ.
Ba wá mʋn wá,
ba twɩn wá,
ba pi mɩmɩan,
ba kə ʋ yuu wa.
33 Ba wá mà wá,
ʋ yɩra lá,
ba ga gʋ wá.
Yá dɩan batwa nii nə,
Yɩɩ wá pìí ʋ bwin wá,
ʋ lɩ tɩan wa.»
34 Karbɩa tə wà kʋ də̀ń nì mancɩn də.
Tə sʋ̀ràn təntə də̀ń yà sə̀gə̀.
Yá ba yà ga yəri yoo tə,
Zwezi nə swɩ̀n.
Zwezi pɩn liliu don yɩ́á súrí
35 Dɩɩn don nə,
Zwezi bwə́lə́ tɩʋ,
ba nə boŋə “Zweriko.”
Liliu don yà jə̀ə́ cwəŋə yuu,
ʋ lòrì.
36 Ʋ nì də,
lalʋʋ tə nə lɛ tə,
ʋ ma bwe,
ʋ wʋ́:
«Bɛ̀ɛ̀ nə>>»
37 Ba ma swɩ̀n ʋ con də,
kʋ yɩ Zwezi,
ʋ nə yɩ *Nazarɛtə tíú tə nə twá lá nə ʋ lɛ.
38 Ʋ dàń ma bubwi,
ʋ kə ʋ nə,
ʋ wʋ́:
«Pɩ̀ʋ́ *Davidə nàʋ́,
Zwezi,
dəri à yinəgə!»
39 Ba tə,
ba nə wulə yáá nə,
ba vəli tə caga ʋ nii nə,
ba wʋ́,
ʋ pú ʋ nii lá.
Yá ʋ tə kwɛn ʋ bubwi zənzən,
ʋ wʋ́:
«Davidə nàʋ́ dəri à yinəgə!»
40 Zwezi ma zɩgɩ,
ʋ ga pa,
ba ja wá ba bà ʋ con.
Máŋá tə nə,
ba nə jɩn wá,
ba yí lá,
Zwezi bwe wá,
ʋ wʋ́:
41 «Bɛ̀ɛ̀ nə n pɩ̀à,
sə à fwa à pa mʋ́>>» Ʋ ma le,
ʋ wʋ́:
«*Yuu-Tiu pa,
sə à kʋ́ʋ̀ na.»
42 Zwezi ma swɩ̀n ʋ con,
ʋ wʋ́:
«N kəni n waa à mʋ̀ nə.
Kʋ mʋ̀ yɩrɩ nə,
sə n yɩ́á tə pìí tə na lá.
Yɩɩ jon mʋ́.»
43 Naa nədʋ,
də ʋ na lá,
ʋ ga twá Zwezi kwa,
də ʋ bwɩ Yɩɩ nə.
Lɩ̀à tə mama nɩ kʋ nətʋ.
Yá ba dàń ga wulə ba bwɩ Yɩɩ nə.