Profeta yej ito̱ka̱ꞌ Habacuc
Habacuc 1:1‑2:8
101
Habacuc kitaꞌ iga ige̱ntej kichijtóyajsan poxsan yej aye̱kti; iwá̱n kitajtanilij Dios iga makicastiga̱ro̱ka̱n ino̱mej, iwá̱n Dios kijtoj iga miaꞌ gente de Babilonia yawij wi̱tzetij iwá̱n kita̱lkui̱li̱skej israeli̱tajmej. Iwá̱n Habacuc kijlij israeli̱tajmej yej igé̱ntejpa:—ToTe̱ko ne‑ijlij iga wi̱tzej yej icha̱mej Babilonia iga te̱ki̱xti̱kij ipan iní̱n topaí̱s iga amejemej ankichijkej yej aye̱kti iyi̱xtaj Dios. Eꞌ má̱j má̱j yawi kipolo̱ti inewi gente de Babilonia iga te‑ikno̱chij tejemej yej te̱tapejpen Dios.
’Yej kichi̱waj yej aye̱kti, moweyimatij, kijtowaj iga wel moma̱nawiáj ima̱tikamej; eꞌ ta̱gaꞌ yej ye̱ꞌnemi, moconfia̱rowa ipan Dios iwá̱n iga kisenta̱lijtoꞌ iya̱lmaj ipan yéj, nochipa onos.