Kareba Kasalamatan nauki'
Yahya
Kada dipajolo
Ia tee Kareba Kasalamatan nauki' Yahya mpangpeissenanni to Puang Isa kumua Iamo Kadan-Na Puang Allataala to tuo te'da cappa'na. Mangkami mentolino na torro lan tangnga-tangngata'. Ia to patunna tee Kareba Kasalamatan diuki' dikua anna ia to tombacai wa'ding matappa' kumua Raja Mangpasalama' to Puang Isa. Dikua too anna ia to tomatappa' lako Puang Isa nnampa' katuoan melo te'da cappa'na.
Ia to curitanna to baine manggauk sala (8:1-11) diuki' lan tanda sapa' matonggo, nasaba' den buda sura' sola pangpalembah tonna anu', te'da nauki'i joo, apa den una to laenna nnuki'i.
Ia tee sura'na Yahya mpupenggaronto' katuoan melo te'da cappa'na to napangben Puang Allataala, nasaba' Puang Isa Almaseh. Inda-inda to ntarima Puang Isa nakatappa'i, iamo la nnampa' katuoan melo te'da cappa'na.
Ia tee sura'na Yahya mpangpeissenan pangngajaran tongan mpake pangpasusian to wa'ding dikita keallo-keallo, susinna: wai, kande, arrang, tomangrewa, garonto' kaju sola buanna.
Issinna
Pamula sura' 1:1-18
Nabi Yahya sola to tobungah nturu' Puang Isa 1:19-51
Jaman-Na Puang Isa lan tangnga-tangngana tobuda 2:1-12:50
Pangngajah-Na Puang Isa tonna bongi la dijokko 13:1-17:26
Puang Isa dijokko nadipampang 18:1-19:42
Tuo pole'mi Puang Isa na mpangpekitan kalena 20:1-31
Pissenpi mpangpekitan pole' kalena jio Galilea 21:1-25