Kareba Kasalamatan nauki'
Lukas
Kada dipajolo
Ia tee sura' Kareba Kasalamatan nauki' Lukas, ncuritai kumua Puang Isa iamo Raja Mangpasalama' to nabassean Puang Allataala lako to-Israel na sininna tolino. Dipangpekitan lan tee sura'na Lukas kumua wa'ding parannu to tau, sanga la ratumi tama lino to Tomangpasalama', dikita jio pasala' pamula to karatuan-Na Puang Isa, na jio tampakkana to katiangkasan-Na de' suruga. Ia to apa jaji tonna mangkamo diangka' Puang Isa nauki' too Lukas lan sura' Curitanna Jamanna Rasulu'.
Lan pasala' 2, 10 na 15 den curita to diuki' lan manda ntee sura'na Lukas, susinna: curita kelongna malaeka', tomangrewa male ngkita Puang Isa tonna mane' jaji, Puang Isa lan Bola Puang Allataala tonna peapa, pangpasusian to-Samaria mamase, na pangpasusian anak to ta'de. Ia too tee sura' mpamanassa passambajang, Roh Allataala, jamanna baine mparakai Puang Isa na Puang Allataala ndampangan tomadosa.
Issinna
Pamula sura' 1:1-4
Kajajianna Nabi Yahya na Puang Isa 1:5-2:52
Pangjamanna Nabi Yahya 3:1-20
Puang Isa dijio' na passede lako kale-Na 3:21-4:13
Puang Isa lan tangnga-tangngana to-Galilea 4:14-9:50
Jio mai tana Galilea male de' kota Yerusalem 9:51-19:27
Minggu tampakkana jao kota Yerusalem 19:28-23:56
Katuoan-Na Puang Isa jio mai kamatean, mpangpekitan kalena na katiangkasan-Na de' suruga 24:1-53