Kelong pangpujian kapataloanna to-Israel
149
Halleluya!Pakkelongan-Ni kelong baru to Puang Allataala,
pakalaꞌbih-Hi llan kasirempunan totattaꞌ mpugauk pakkaeloran-Na!
2 Ee to-Israel, mario kamuꞌ mpumario to mpaden kamuꞌ.
Ee to-Sion, mearrak-arrak kamuꞌ lako Rajami.
3 Pakalaꞌbih-Hi Puang Allataala, mimanggelluꞌ,
mimakkelong mpannoni cuꞌbekan sola gandang biccuꞌ!
4 Nakabudai Puang Allataala to ummaꞌ-Na,
Nabenni kapataloan to tompamajiong penawanna.
5 Melo ke masannang-sannangngi to totattaꞌ mpugauk pakkaeloran-Na Puang Allataala,
namario makkelong ratu lako makaleꞌ,
mpumario kamalaꞌbiran-Na Puang Allataala.
6 Melo ke mpematonggoii gamaranna mpakalaꞌbih Puang Allataala,
namukkun sitoe paꞌdang mataran patomali,
7 la mangpabalahhi lako sininna bangsa,
nasessai to sininna suku bangsa,
8 napumpungngi rante bassi to rajana,
sola tomangparentana.
9 Ia to diukiꞌ llan atoran-Na Puang Allataala, iamo disessanni.
Susimi joo to kapataloanna ummaꞌ-Na to-Napakamojaꞌ.
Halleluya!