Kamarioanna tomatappaꞌ
16
Kelongna Raja Daud.Oo Puang Allataala, jagainaꞌ,
sabaꞌ Kitaꞌ mandara kunii mentilendung.
2 Kukua mangkada, “Kitaꞌmo Puangkuꞌ,
sininna to kupumelona pole jio mai Kitaꞌ.”
3 Liwaꞌ kutaratteꞌ to ummaꞌ malaꞌbih-Na Puang Allataala llan tee kampong,
na kukabudai torro sola.
4 Akeꞌ nasakerangan-ranganna kamasussanna
to tossompa dewata.
Ia ke akuꞌ, ciaꞌnaꞌ mangkaroba lako dewata,
moi mpau sanganna ciaꞌ toonaꞌ.
5 Oo Puang Allataala, Kitaꞌmo to kumanah.
Kitaꞌmo mbennaꞌ sininna to apa kuparallui,
na ia to katuoankuꞌ, llan kuasan-Taꞌ.
6 Liwaꞌ makassing to tana manahkuꞌ,
gaja kupumasannang joo tawakuꞌ.
7 Mpakalaꞌbihnaꞌ Puang Allataala to mpatujunaꞌ llan katuoankuꞌ.
Moi ke bongii, napatuju rampaꞌnaꞌ penawangkuꞌ.
8 a Tuli kuingaran kumua tattaꞌnaꞌ Nasisolan Puang Allataala.
Jio-I saꞌde kanankuꞌ na teꞌda kutiapa-apa.
9 Iamo nagaja sannang penawangkuꞌ kupukelong pangpujian,
namanyaman batang kalekuꞌ,
10 b sabaꞌ teꞌda Taelorannaꞌ mentama lino tomate,
na teꞌda Taeloranni tee to-Tapakamojaꞌ mendoꞌ lamunan.
11 Mangkamoꞌ Tapakitan lalan mangnguju lako katuoan tongan.
Jio olo-Taꞌ kunii nnampaꞌ kamarioan laꞌdaꞌ
sola kamasannangan teꞌda anggena.