1 Samuel
Kada dipajolo
Ia tee boq 1 Samuel, dinii ncurita katuoanna to-Israel tonna parentai tomangraqtah kara-kara, namaneq raja mparentai. Ia to mpasilaenan katuoanna to-Israel, dikita llan curitanna tee tau tallu, iamo to Nabi Samuel, Raja Saul na Raja Daud. Ia to curitanna Daud tonna malolleqpa, nateqdapa namenjaji raja, siumpuqi curitanna Nabi Samuel na Raja Saul.
Ia to kaminang parallu dipahang llan tee boq, iamo to kumua la keasseleq melo to tau ke matappaqi lako Puang Allataala, apa la masolang ke nnewai Puang Allataala, susi to diukiq llan 1 Samuel pasalaq 2 ayaq 30 tonna mangkada Puang Allataala lako Imang Eli nakua, <<Inda-inda to tonnanggaq-Naq la Kuanggaq todai, na inda-inda toteqda naanggaq-Naq teqda toda Kuanggaqi.>>
Llan tee boq, waqding dinii nnissenni to kasilaenan pahangna Nabi Samuel na tobuda, umbonnara to kaparentan melo, Puang Allataalaraka mparentai iarika tolino mparentai. Sitonganna Puang Allataalamo rajana to-Israel, apa metaqdai to tobuda na tolino menjaji rajana, Natarimai Puang Allataala to petaqdanna, Nasuai to Nabi Samuel mpileanni mesaq raja.
Ia to parallu dipahang kumua, Puang Allataalara ngkuasaii to katuoanna la raja la tobuda, na Ia toomo rraqtah kara-karana.
Issinna
Samuel mparenta to-Israel 1:1–7:17
Saul diangkaq raja 8:1–10:27
Pamula kaparentanna Raja Saul 11:1–15:35
Daud na Raja Saul 16:1–30:31
Kamateanna Raja Saul sola anakkana muane 31:1-31