Kajajian
Kada dipajolo
Ia tee Suraq Kajajian dinii mpaui kumua Puang Allataala mpaden langiq sola lino, tolino, na umbo nakua Puang Allataala siumpuq tolino. Dipau too to pamulanna dosa na kamaparrisan llan lino. Ia tee Suraq Kajajian den duang tawan.
1. Llan Pasalaq 1-11 curitanna lino sola langiq na issinna dipaden, curitanna tolino dikabuaq, iamo to Adam sola Hawa. Na curitanna too Kain sola Habel, Nuh sola wai ssamboi lino na menara Babel.
2. Llan Pasalaq 12-50 curitanna tojolona to-Israel. Ia to pamula tojolona to-Israel disanga Ibrahim. Kaissenan to Ibrahim, sabaq kamatapparanna na kamenturusanna lako Puang Allataala. Namaneq Ishak anakkana Ibrahim, na Yakub disanga tooi Israel, anakkana Ishak. Namaneq curitanna sangpulo dua anakkana Yakub. Iamo nanii jaji to sangpulo dua suku to-Israel. Ia to tonnukiqi tee suraq napamanassai to curitanna Yusuf, sala mesaqna anakkana Yakub, sola to apa jaji, napusabaqi Yakub sola anakkana mellele doq tana Mesir.
Moiraka na ia to tojolona tolino tonna anuq dicurita llan tee suraq, apa ia to gaja parallu iara to apa Napugauk Puang Allataala. Ia to pamulanna tee suraq mpamanassai kumua, Puang Allataala mangka mpaden langiq sola lino na issinna, na cappaqna kumua daqtan bang Puang Allataala mparinawa ummaq-Na. Na ia to gaja parallu to diukiq llan tee suraq, iamo to kumua Puang Allataala mpattantui kumua salai baqtu tonganni to tolino, Nasessai to tosala. Na Ia too mparakai sola mpatuju ummaq-Na, Napemeloi poleqi to katuoanna. Ia tee suraq ncurita kamatapparanna mesaq bangsa, napangngingarankiq tadaqtan bang matappaq lako Puang Allataala.
Isinna tee suraq
Langiq na lino sola tolino dipaden 1:1–2:25
Pamulanna dosa na kamaparrisan 3:1-24
Nunnungan mangpamula jio mai Adam ratu lako Nuh4:1–5:32
Nuh na wai ssamboi lino 6:1–10:32
Menara Babel 11:1-9
Nunnungan mangpamula jio mai Sem ratu lako Nabi Ibrahim 11:10-32
Tojolona to-Israel: Nabi Ibrahim, Ishak na Yakub 12:1–35:29
Batiqna Esau 36:1-43
Yusuf sola sileqtona37:1–45:28
To-Israel jio tana Mesir 46:1–50:26