2
11 Agulé egoh da neubus egbael sa langun uyot da dahiya, miglikù da Lama dò Elkanah i owoy sa malayan di. Dodoo si Samuwél, endà egpeunuten da duu enù ka mangunut dé diyà si Datù Nemula danà sa ketulù i Ili sa tegesimbà.
18 Na, takà egpangunut Samuwél i diyà sa galebek igsugù i Datù Nemula owoy egginis ma sa kawal sa tegesimbà apiya di pa batà pelawà. 19 Uman palay amuk meuma sa keangay sa lukes di diyà Silo anì ihated da sa ibegay da diyà si Nemula, uwiten sa inay di ma sa magtu kawal binaelan di ibegay di diyà si Samuwél. 20 Agulé igsimbà i Ili anì metabangan i Nemula Elkanah i owoy sa sawa di, guwaen di, “Ungayà ku peanaken i Datù Nemula kiyu anì dumuen sa anak yu mekesambì diyà siini anak yu igsimbà yu owoy igbegay yu diyà si Nemula.”
Na, amuk neubus sa egbaelan da i Elkanah, lumikù da dema.
21 Agulé neketuu doo sa igsimbà i Ili denu kenagda. Tinabangan i Datù Nemula dé Hana i, hê mig-anak da uman, telu maama owoy duwa bayi. Na, miglenuk dé Samuwél i danà i Datù Nemula eg-ipat.