19 Pondre ne vũnuvũugu.

Daar a yembre,

pondr yeela vũnuvũugu,

t'a sã n data,

zĩiga sa n wa yaa sõma,

b tõe n tũu taab n yi n gõ.

Woto wã,

daar a ye zĩigã sẽn yaa sõma,

pondr yeelame t'a na n tɩ gesa a reem-dãmba,

tɩ vũnuvũug yi ne-a n na n kẽnge,

n zomb a poorã.

B sẽn ta tɩ b na n kõ-b rɩɩbo,

pondr yɩɩ pipi n zĩndi.

Vũnuvũug da ratẽ lame n zĩnd a sɛɛgẽ,

la a yeel-a lame :

« Ha,

m zoa,

maan sugr la f ti.

rɩgl f bendrã »,

vũnuvũug pɛgsã sẽn maand bʋrg wʋsgã yell la a sẽn gomdã »,

« rẽ mosã,

f tõe n wa rɩɩme ».

Vũnuvũug sã n lebg n wa zaoonde,

a pɛgsã le sɩngda bʋrg maaneg tɩ pondr le yeel-a t'a kẽng n tɩ rɩgl a bendrã kɛɛng la a yaooɩ n wa rɩ.

La sẽn yaa vũnuvũug pɛgsã n da maand bʋʋrã a woto wã,

a pa tõog n tɩ « rɩgl a bendrã kɛɛng ye ».

Yɩɩ woto tɩ pondr rɩ,

rɩɩbã zãng n pa kell-a ba fʋɩ ye.

Loogrã wakat wa n taame,

ti,

vũnuvũug ra ket n pa paam bũmb sẽn na dɩ ye,

a sẽn da yaool n tũ pondr n kẽngã ra yaa rɩɩbã yĩnga.

Sẽn wa n beẽ,

vũnuvuug wa n yeela pondre :

« bõ ondre nindaarẽ mam sẽn yãag foom f reem-tẽngã tɩ ra yɩ sõma wã,.

rũndã,

mam kota foom tɩ f wa yãag-m tɩ m tɩ ges m reem-dãmba».

B sẽn ta,

vunuvuug reem dãmbã segla rɩɩb sẽn yaa sõma n kõ-b tɩ na n naag taab n dɩ.

Pondr tʋgd n peka a nusã,

la rẽ poore,

yɩl n ta rɩɩbã zĩigẽ,

a le rɩgend-b-la tẽnga.

Tɩ vũnuvũug yeele :

« Ayo,

kal tɩ f lebge !

Ges fo nusã »!

Tɩ pondr le lebe.

Talla woto tɩ vũnuvũug rɩ rɩɩbã zãnga tɩ pondr pa tol n tõog n pek a nusã ye.

Vũnuvũug roka a samdã pondr zugu.