10 Yam yɩɩd m zoa.

Daar a yembre,

weoogã rũms tigma taaba.

B tikrã wakato,

b yãka yam n yeel tɩ ned pa le tõe n wɩd a to ye.

Tɩ ned sã n wɩd a to,

a soab na n lʋɩɩme n ki.

Ned sẽn wɩd-a a tũud-n-taag fãa na n lʋɩɩme n ki.

M ba soaamb sẽn yaa rũng sɩlem sẽn yɩɩd rũms a taabã,

daar a yembre,

a tʋg n baoo kʋmba n kẽng n tɩ send pĩig kugr zugu.

B yaool n yeelame :

fo sã n wɩd f yaka,

f na n lʋɩɩme n ki.

La,

ned sa n da yaool n yã a,

a soab ra na n sokame :

"Hey,

m ba soaamba,

yaa bõe la f maanda ?

F Senda kʋmb pĩigã kugr zug la ?

Yaa b sẽn yet tɩ b ra wɩdã kae,

ka rẽ kʋmb pa tõe n sel pĩig kugr zug

ye "!

Wakat kãnga,

a lʋɩtame n ki,

tɩ m ba soaamb rɩk n tɩ wãbe.

La,

sẽn be,

ka tõe n wɩd ye,

tɩ f sã n pa rat n lʋɩ n ki.

Yɩɩwoto tɩ m ba kãoong daar a yembre - yẽ la sẽn pa tar zoobd la- tʋk kaam n kẽnda.

A ra miime tɩ m ba soaamb ra sela kʋmb pĩig kugr zugu,

t'a tees n dabd a nengẽ.

M ba soaamb sẽn yã m ba kãoong sẽn watã,

a sok-a lame:

Hey,

m ba kãoongo,

yaa ya la f rabda ?

Ay,

yell kae ye,

m dabda m zug pãnengo a boto ?

Yaa b sẽn yet tɩ b ra wɩdã kae,

wã yẽ pa zems ye :

" kãoong sẽn dabd n na n tɩ pãnem a zugu "?

La a sẽn yeel gom-kãngã tɛkã,

m ba soaamb lʋɩɩme n ki tɩ m ba kaoong rɩk-a n tɩ wãbe.

Fo sã n yet tɩ f yaa sɩlem soaba,

wakat fãa ned n be t'a sɩlem yɩɩd foo.