8 Pondre ne soaamba
Daar a yembre,
weoogã pʋga,
m ba pondr yãa pʋg-sad ning a sẽn da baood n dat n maan a pagã.
M ba soaamb yã-a-la ne pʋg-sadã n sok a pondre :
« Hey,
pondre,
yaa bõe la fo maand ne pʋg-sad-kãngã »?
Tɩ pondr leoke :
« Yaa m arzaka,
a na n lebga mam paga » !
Tɩ soaamb yeel tɩ yẽnda me rata bi-puglã n maan a paga.
B yiibã sʋka,
bi-puglã ra tõe n datẽ-la a soaamba,
la pondr n yɩ pipi n wilg a raabo.
Maanda a wãn n welg yel-kãngã ?
« Hey,
yãmb y yiibã !
Sẽn ya woto wã,
mam pa tõe n tõdg ned ba a ye ye,
la m na n kuilame,
n tɩ togs m baaba.
Tɩ beoog yibeoog pĩnda,
bɩ y lebg n wa kelg m nin-kẽemã sẽn na n yeel-yã.
M ba soaamb ne m ba pondr sʋkã,
yaa ned ning sẽn na n yɩ-a pipi n ta mam yirã la m na n kẽ ne kãadem».
« Ay,
pondre !
» Soaamb sẽn yeele,
« fo miime ?
Mosã tɛka,
bi-pug-kãngã yaa mam soolem :
fo pa tʋʋl wɛ » !
« Mam pa tʋʋle ?
La m tara roagdb wʋsgo.
M na n maana tẽeb ne m roagdbã,
tɩ f ges m sẽn na n maanega »!
Zĩig sobgame.
A vẽk-n-beoogã,
nebã a yiibã ra togame n kẽng n tɩ yã bi-puglã roagdba.
Pondr tigma a zak rãmb fãa n togs-b yellã.
La,
a zakã rãmb zãng tonga taab n tn tãag bi-puglã roog noore.
M ba soaamb sẽn tʋʋl yĩnga,
a pa tol n tags n na n tigim a zak rãmb ye.
A vẽk-n-beoogã yibeoogo,
a yikame n yeel pondre :
« Pondre !
»
« Naaba » .
« F beeme bɩ »?
« N-ye » !
« Mam loogame » !
« Aoo » !
La,
pondr paasame :
« Kẽnge,
kẽnge,
m watame » !
M ba soaamb sɩnga zoees a pãng tɛka,
a wa n tɩ yãkame n yalse :
« Pondre,
f bee yɛ » ?
Tɩ pondr leok-a :
« Fo taoore ».
Tɩ soaamb maneg n na n zoe tʋʋlɩ n paase,
n wa tɩ ta bi-puglã rig-noorẽ.
La a sẽn wa n dat n ta wã bala,
ad pondr sẽn be beenẽ.
Yɩɩ woto tn soaamb pa paam bi-puglã ye.
Zak sã n bedma, zu-loees paamda tɩt nana-nana.