Weoogẽ wã,

kʋɩl-kẽeng sẽn da tar rasãnd n da be,

tɩ rũmsã fãa tʋgd n yũud be.

D mi tɩ rũmsã fãa sʋka,

b fãa zoeta bõnyẽega,

ba wobg meng bedrem sẽn yɩɩd b fãa wã zoet-a lame.

Daar a yembre,

b taa kʋɩlgẽ wã n na n yũ koom,

n yã,

ne lingr sẽn ya kasenga,

tɩ kʋɩlgã kʋɩɩme,

tɩ ko-beell meng ka be ye.

Tɩ rũmsã ra tigim taab n sokd b mens n getẽ :

« Yaa yɛɛnẽ la d na n kẽng n tɩ paam koom n yũ »?

B sẽn da tigim taab n baood yellã tɩɩmã,

la bõnyẽeg sẽn poog n sɩng kʋnkʋma :

« Yaa ãnd n sa kʋɩlgã koom zãnga »?

M ba katr sẽn da yasã,

bõnyẽeg kẽesa-la rabeem-sablga,

t'a yeele :

« Ges-y-yã,

tõnd sokd d mens n na n bãng ned ning sẽn kʋɩɩs-a kʋɩlgã tɩ reoog be ka n laadẽ »!

« Ayo,

katre »,

reoog rabaamã sẽn yeele,

 » yaa m ba naaf la y tog n gese,

bala a yõyã madgame.

Tõe tɩ yaa yẽ n sa koomã »!

Tɩ bõnyẽeg yɩk n zomb naaf n wãb-a.