Mukanda ya
YUDE
NKOTOLO
Mukanda ya Yude sonamaka ve samu na dibuundu mosi ya Nzambi kasi samu na baklisto nyonso. Mambu mingi yina kele na mukanda yayi kele mutindu mosi na mambu yina kele na Mukanda ya Zole ya Pyele. Yawu kele na mambu mingi yina kele na dibuku ya Ngwisani ya Ntama* samu na kupesa malongi na baklisto ya ntangu yayi. Yawu kele na bampova ya ngolo samu na kukanga nzila na bayina ke zabisaka malongi ya yimbi, mpe ke zingaka kidi-kidi.
Dibuku yayi kele ya kukabuka mutindu yayi:
- 1-2: Bambote
- 3-16: Yude ke na kukebisa baklisto samu na bantu ke longisaka malongi ya luvunu.
- 17-23: Yandi ke na kukindisa baklisto na kuvwanda ya kukwikama na kiminu.
- 24-25: Yandi ke na kukembisa Nzambi, samu ti yandi ke sadisaka baklisto.
Mukanda yayi ke na kulakisa beto yimbi ya bantu yina ke na kubalula nsangu ya bumbote ya Nzambi na mambu ya luvunu. Kasi yawu ke na kulakisa mpe lusalusu mpe kivuvu yina Nzambi, Yesu-Klisto* mpe Mpeve ya Longo ke pesaka na baklisto.