Mukanda ya Ntete ya
ZA
NKOTOLO
Mukanda yayi ke na kulakisa ve na pwelele nani sonikaka yawu, mpe na sika ya nani ba fidisaka yawu. Kasi bantu mingi ke kanisaka ti ni Za, ntumwa ya Yesu-Klisto, sonikaka mpe fidisaka yawu na baklisto ya kizunga yina bantu ya Loma vwandaka bokila kizunga ya Aziya. Kisoniki vwandaka na mabanza ya kukindisa baklisto na kuzinga na bundiku ya tsyelika na Nzambi mpe na Yesu-Klisto*. Yandi ke na kutumisa bawu mpe na kuzinga na luzolo mpe kunwana muzingu na milongisi ya luvunu.
Dibuku yayi kele ya kukabuka mutindu yayi:
- 1.1-4: Ndinga ya Nzambi ke pesaka luzingu.
- 1.5--2.17: Kisoniki ke na kulomba na baklisto na kuzinga na nsemo.
- 2.18-29: Kisoniki ke na kuzabisa nkwizulu ya bambeni ya nene ya Klisto, bantu ya luvunu yina ke na kumanga ti Yesu kele Masiya.
- 3: Kisoniki ke na kubambula bantu moyo na bankadulu ya mbote ya baklisto.
- 4: Kisoniki ke na kulakisa ntete wapi mutindu muntu lenda kuswasikisa mambu ya luvunu na mambu ya tsyelika. Na manima, yandi ke na kuvutukila dyaka dyambu ya luzolo.
- 5: Kisoniki ke na kumanisa mukanda ya yandi na kulakisa ti kiminu ke nungaka, mpe yandi ke na kuvutukila na nkufi mambu ya ngudi ya mukanda ya yandi.