Yoweli
Nkotolo
Na kati ya dibuku yayi kele ya kusonama bambikululu ya Yoweli. Nkumbu ya Yoweli zola kutuba "Yave kele Nzambi". Beto zaba ve na wapi ntangu yandi zingaka. Mumbikudi Yoweli ke na kuzonzila bampasi yina salamaka na Yuda mpe na Yelusalemi.
Mukangu ya makonko kwizaka fulusa yinsi nyonso mutindu nkonga ya nene ya binwani ya ngolo. Yawu ke na kulakisa ti kilumbu ya Yave ke na kukwiza. Yave ke na kulomba bantu ya yandi na kuvutuka na sika ya yandi. Yandi ke na kusadila bawu nsilulu ya kukuula mpe kusakumuna bawu. Yave ke fundisa bayinsi nyonso, kasi yandi ke zangula bantu ya yandi.
Dibuku yayi kele ya kukabuka mutindu yayi:
Mukangu ya makonko fulukaka na yinsi nyonso (Yow 1)
Yave ke na kubokila bantu na kuviluka (Yow 2.10-17)
Yave ke sakumuna bantu ya yandi (Yow 2.18-3.5)
Lufundusu ya bayinsi mpe lusakumunu ya bantu ya Yave (Yow 4)