Manyongo
Nkotolo
Bikapu tanu ya dibuku yayi yina mumbikudi Yelemya sonikaka, kele na dyambu yayi ya mfunu: Mwangusulu ya Yelusalemi mpe mwangusulu ya Yinzo ya nene ya Nzambi. Yawu salamaka na binwani ya Babilone na mvula 587 tekila mbutukulu ya Yesu-Klisto (2 Bantinu 25, Yelemya 39). Mwangusulu yango sukisaka kimfumu ya Yuda mpe kimpwanza ya yawu. Dibuku yayi ke na kulakisa mbote-mbote bampasi ya mingi-mingi yina bantu ya Yuda talaka. Ni yawu yina ba ke bokilaka yawu "Dibuku ya Manyongo".
Dibuku yayi ke na kuyufula mutindu yayi: Samu na yinki Nzambi me bika beto? Yandi ke ntete kwandi mbote? Mumbikudi Yelemya ke na kupesa mvutu yayi: «Bumbote ya Yave me manisa ve, luzolo ya yandi me suka ve. Yawu ke vutukilaka konso suka (Manyongo 3. 22-23)».
Dibuku yayi lenda kukabuka mutindu yayi:
Mukunga ya ntete ya kyadi: Ba me losa Yelusalemi (Manyongo 1)
Mukunga ya zole ya kyadi: Yave vwandaka mutindu mbeni (Manyongo 2)
Mukunga ya tatu ya kyadi: Kivuvu kele kwandi (Manyongo 3)
Mukunga ya yiya ya kyadi: Yelusalemi me mwangana (Manyongo 4)
Mukunga ya tanu ya kyadi: Ba ke na kulomba kyadi ya Yave (Manyongo 5)