53. XE BAM DABAM ALU:
(Ngaui" xeim: 27:30; Apan Aqao: 14:20b, 28:20-22)
(Gyaung: Su: 18:21,24; Malakhi 3:8,10)
| Gaug zo ngad: re ngad- shi: ngad: re ngad mug:myid mae" thug' ra" gu: alhab' daxe bam mae" dabam wa Asangmae" ngad: ra".Ailao" Abram wa yao: qo" yu: ra" lanyab daxe bam mae" dabam re Melkhizedeg re byid' ra".Ai: thao Yaku wa Asang re nao ngo we' daga" ngad mung: ngo ye" lo" ra" gyaung: khyo mae gug: gam byid' yang: zo:ve we' mai bau: ngore byid' ru we'-nga" pho" yham khyo pe" maqo lo:- ngo dam: tug' joe" lo yang: ngad: re wa nao wa nga" Mao"So ngad: li" nae".Ngo zhaug' to" ra" ce: myid: beim: nae" aso: laug baui wa nao re caung:pa" byid: nae" jo, qo boe" li" mung: nao: yang ngore byid' ra" gu: ja: khao: ngo" mae" daxe bam mae" dabam re ngo nao re qhaug' byid: nae"- ga: thao: ce' to" ra".Asangwa Israel byu qe ngore qhaug' byid: ko" ra" daxe bam mae" dabam alhab' wa Levi amyu" qere ngo byid' to: va". Ceru wa nga" qhid' kheim: Zaung mae gun caung byid' ra" yao: bam: caung da" mau" qhid' mae" aphug' jhaung qhu" ngad: ra". | Pe"mung:ga"re Israel byu qe gakai: lai alu: jhaung qhu" khyo" ngore qhaug' byid: ko" ra" daxe bam mae" dabam re yao: bam: ma jo,nho" khyo" yao: bam re ngo byid' to: va". Ai: ruyang yao: bam Israel mung" mae gyag maqui" ra" jo,nho" maqo" genae" ein: yao: bam re ngo ta" ru ngad:- ga: ta" ra".Naonhaung" re ngo myid: geli" xao su byu dayaug wa Mao"So re mhug' pyag' zo: nae" akhang" qo" i?- gai gai: yao: maqo" ngad: ra" ngadqere: naonhaung" wa ngo re mhug' pyag' zo" na: ako". Khoru: mhug' pyag'- ga: naonhaung" myid' ako". Ai wa xe bam dabam we' alu: qhaug' byid' ra" khyo jham we' sin" ru mae ngad: ako".Caung:pa" Yham khyo naonhaung" nho: xe bam dabam byang" sho' re ceim" cili" geri:- ailao" aimae zo:ve magan: mago" jo; jo; li" nae"- ngo wa mug: khaung: bao: zo: kham: jham phung" mung: gai: ra" ja: alhab' re magan: mago" vhe' khyo" byid: nae"- mavhe' khyo" byid: nae" ngad: rure ngo re jham" qu" gela,. |