Jɔn Opyeng-Assi Oddo Eden
3
1 So owem itso tsi ri Tiberius ɔdaw evaar tsi ititam tse Rom, muma wɔ Pɔntiyɔs Pailet utɨma Judiya. Hɛrɔd utɨma Galili, unwɔkka kwɛ Filip utɨma Ituriya ɔttara Trakonitis, Lisaniyas utɨma Abilɛnɛ. 2 Ki ibɛ ndo Annas ɔttara Kayafas aba de affɔnɛzza pi ititam pu Ubɨnɔkpaabyi, Ubɨnɔkpaabyi ɔnang Jɔn unwa kwɛ Zakariya ɛkkawa kɛ ɛkpa tsɔ ɔnang unu urɨg. 3 Jɔn oseng oto oteg ɛkkawa nzo ki ifon ki ifon ɔbawa Jɔdan, noteg bɛ abɛ, “Atte npyuwa ɔbɔg abanga pyenga assi fasɛ Ubɨnɔkpaabyi ubɨna ɔnang banga ki ilom ra abanga kassa.” 4 Tse kwɛ aba kɛr ku nnwɛr kwa Azaya, otegɛkkawa kwu Ubɨnɔkpaabyi:“Ɛmang sɔ ɔnang ne gwon kɛ ɛkpa tsɔ ɔnang unu urɨg,
‘Abanga addo eden atsog Ɔvaar,
do nden va ndɔ nnem ɛnɛng-ɛ.
5 Abɛ na kpa alɨm kwidede,
akpetso dɨm ɔttara akpetso va abɛ na tsar pyɛ ɛraga.
Addo nden wanga arɛ nnem,
addo nden pyiwa arɛ izuw.
6 Ɔnang kwidede no se ɛnnanga tsu Ubɨnɔkpaabyi.’ ”
7 Jɔn oteg anang pa abɛ kwu abɛ ɛma opyeng bɛ asi, “Abangama uva pa azɔk pyiwa! Anɛwɔ ɔnang banga ikamana abɛ abanga araw ki irem re mi kwu? 8 Assi idɨg rɛ mɛ kɔga abɛ abanga ka akpen awaga. Abanga nanga abangama oyen ateg abɛ, ‘Amana ankam Ebraham kwo ode otte kwa mana.’ Nnɨm bebɛ nteg banga abɛ, Ubɨnɔkpaabyi okkema ɔwag nta nda ussi uva ɔnang Ebraham. 9 Ebar kitɨma ka aranga pi tsi, itsi tsi idede tsɛ ɛna adwug ɔkka nɛwɔma abɛ na akpar tsɛ ataga ake ke ekpon.”
10 Anang mbo aba bɔw Jɔn abɛ, “Ma ma anssi yan?”
11 John ɔpɔn bɛ, “Ɔnang kwɔ ɔkam anɔma affa oreng wan ɔnang oyog kwɔ nɔkam, ɔttara odesɛ akam utsapfɛ nang ɔnang kwɔ ɔnɔkam.”
12 Adɛgɛ, abɔwatasi ban aba kwu ma ka Jɔn abɛ opyeng bɛ asi, “Okpew-nnwer, amana ma si yan pɛrɛ apyeng mana asi?” Aba abɔw.
13 Oteg bɛ abɛ “Abanga adaga akpog kataga ka anang ɔyɔnga tse kwa abɛ aben abɛ abanga ataga.” 14 Ɔttara asɔza ban aba bɔw-ɛ Jɔn abɛ, “Amana masiyan?”
“Nanga akpog pa anang nataga kɛ ɛffa, nang anang udɨg abbal kwa aba nanasa, akpog pa abanga nataga aba gba banga.”
15 Anang mbo abɛ na tsog itsen attara aba atan kɨ nttem rabɛ abɛ Jɔn wode Krais. 16 Jɔn ɔpɔn bɛ ibɨng abɛ, “Amma ntɨm assi npyeng anang assi, ɔnang kwɔ ɔkam ɛffa ɔyɔnga amma ukwuma, ndig rɨntwag ro oke amma nɨngba kwɛ mɨntsar:a ɛma nutɨm Ɔkpakpa kwu Ubɨnɔkpaabyi opyeng banga asi ɔttara ke ekpon.b 17 Utɨm ɔkpangkpang kɔ ɔbɔg odo ɛkpakpa tsɛ mu uguma atsifog, ɔtaga amama okka otsog kɔ ɔtsɔm, ɔtaga affog oke ke ekpon tsi inidɨma ɛkam.” 18 Muma wɔ kwɛ Jɔn utum nden rɨ nsaw-ɔsaw ɔnang bɛ ɔkpakpa kpɔg ɔttara oteg bɛ ɛkkawa zuwa tsu Ubɨnɔkpaabyi. 19 Ki ibɛ kuma dan, Jɔn ɔkpɛm ɔvaar Hɛrɔd abɛ udɨg kwusi akwɛ kuzuw ukwurabɛ ɔtaga Hɛrɔdiyas, ukwa kwu unwɔkka ɔttaga ɔba masɛ ukwa kwɛ. Ɔkpɛmɛ adɛgɛ ki idig ndo ga ibɨng pyiya pyiya rɛ kussa abɛ arɛ ki izuw. 20 Hɛrɔd ussi ipyiwa ɔdwag-ɔdwag tsɛ, ɔtaga Jɔn oke ngbakkɔw.
Jɔn Opyenga Jisɔs Assi
21 Jisɔs opyenga assi sɛ Jɔn ka anang bo ibɨng assi opyenga. Mase Jisɔs nɔ ɔzɔm atɨm ɛrrang egwonga, 22 Ɔkpakpa kwu Ubɨnɔkpaabyi ubɨna ga ɛrang ukwu dambɛ ikpowuga ɛkwɛ ɛnana Jisɔs, ɔtɔnga kwu Ubɨnɔkpaabyi ubɨna kɛ ɛrang ɔraga, oben abɛ, “Ɔma wɔ ade unwa kwam kwɔ ɔdag-m, ettem kame ellewa tɔng.”
Effona tsɛ Jisɔs
23 Mase Jisɔs ukwu owem itso ɛraw ukuma zow muma wɔ kwu utitso kɔ ɔtɔm pfu Ubɨnɔkpaabyi ɔnang-ɛ. Anang aba atan abɛ Jisɔs unwa kwɛ Josɛf wɔ, Josɛfc unwa kwɛ Hɛli, 24 Heli unwa kwɛ Mattat,
Mattat unwa kwɛ Levi, Levi unwa kwɛ Mɛlki,
Mɛlki unwa kwɛ Jannai, Jannai unwa kwɛ Josɛf,
25 Josɛf unwa kwɛ Mattatiyas, Mattatiyas unwa kwɛ Emɔs, Emɔs unwa kwɛ Nahum, Nahum unwa kwɛ Esli,
Maat unwa kwɛ Mattatiyas, Mattatiyas unwa kwɛ Sɛmein,
Sɛmein unwa Josɛk, Josɛk unwa kwɛ Joda,
27 Joda unwa kwɛ Joanan, Joanan unwa kwɛ Rɛsa,
Rɛsa unwa kwɛ Zɛrubabɛl, Zɛrubabɛl unwa kwɛ Shealtiyel,
Mɛlki unwa kwɛ Addi, Addi unwa kwɛ Kosam,
Kosam unwa kwɛ Ɛlmadam, Ɛlmadam unwa kwɛ Ɛr,
29 Ɛr unwa kwɛ Joshuwa, Joshuwa unwa kwɛ Ɛlieza,
Ɛlieza unwa kwɛ Jorim, Jorim unwa kwɛ Mattat,
Simyon unwa kwɛ Judah, Judah unwa kwɛ Josɛf,
Josɛf unwa kwɛ Jonam, Jonam unwa kwɛ Ɛliyakim,
31 Ɛliyakim unwa kwɛ Mɛlea, Mɛlea unwa kwɛ Mɛnna,
Mɛnna unwa kwɛ Mattata, Mattata unwa kwɛ Natan,
Jɛssɛ unwa kwɛ Obed, Obed unwa kwɛ Bowaz, Bowaz unwa kwɛ Salmon, Salmon unwa kwɛ Nashon,
33 Nashon unwa kwɛ Amminadab, Amminadab unwa kwɛ Admin,
Admin unwa kwɛ Arni,
Arni unwa kwɛ Hɛzron, Hɛzron unwa kwɛ Pɛriz,
Jekɔb unwa kwɛ Azik, Azik unwa kwɛ Ebraham,
Ebraham unwa kwɛ Tɛrah, Tɛrah unwa kwɛ Nahɔ,
35 Nahɔ unwa kwɛ Sɛrug, Sɛrug unwa kwɛ Riwu,
Riwu unwa kwɛ Pɛlɛg, Pɛlɛg unwa kwɛ Ɛbɛr,
Kainan unwa kwɛ Arfasad, Arfasad unwa kwɛ Shɛm,
Shɛm unwa kwɛ Nowa, Nowa unwa kwɛ Lamɛk,
37 Lamɛk unwa kwɛ Mɛtusɛla, Mɛtusɛla unwa kwɛ Ɛnɔk,
Ɛnɔk unwa kwɛ Jarɛd, Jarɛd unwa kwɛ Mahalalɛl,
Ɛnɔsh unwa kwɛ Sɛt, Sɛt unwa kwɛ Adam,
Adam unwa kwu Ubɨnɔkpaabyi.