Adama bɔnsɛ tagala Nuha ma
5
Adama bɔnsɛ la tarigu sɛbɛreŋɛ le mu kɛ la. Ala ka mɔgɛ da lun min na, a ka a da a yɛtɛ misale le la.
2 A ka anu da kayi nun musu. A la bandeŋɛ anu dala, a ka barikɛ sa anu la ko tɔ, a ka anu tɔgɛ sa: «Mɔgɛ».
3 Adama la simaya ka san kɛmɛ san bi saba bɔɔ tɛmuɛ min tɔ, a ka den kayireŋɛ sɔtɔ, min be misaliren iko ale, min mulunta a la. A ka a tɔgɔ sa Sɛti.
4 Sɛti la sɔtɔreŋɛ kɔma, Adama ka san kɛmɛ sagin ma, a ka den kayireŋɛnu anun den musereŋɛnu sɔtɔ.
5 A la simaya bɛ tabɛnta san kɛmɛ kɔnɔntɔ anun san bi saba le ma. Wo kɔma, a fagata.
6 Sɛti la simaya ka san kɛmɛ san loolu bɔɔ tɛmuɛ min tɔ, a ka den kayireŋɛ sɔtɔ, a ka a tɔgɔ sa Enosi.
7 Enosi la sɔtɔreŋɛ kɔma, Sɛti ka san kɛmɛ sagin anun san wɔrɔwila ma, a ka den kayireŋɛnu nun den musereŋɛnu sɔtɔ.
8 Sɛti la simaya bɛ tabɛnta san kɛmɛ kɔnɔntɔ san tan anun fila le ma. Wo kɔma, a fagata.
9 Enosi la simaya ka san bi kɔnɔntɔ bɔɔ tɛmuɛ min tɔ, a ka den kayireŋɛ sɔtɔ, a ka a tɔgɔ sa Kenani.
10 Kenani la sɔtɔreŋɛ kɔma, Enosi ka san kɛmɛ sagin san tan anun loolu ma, a ka den kayireŋɛnu nun den musereŋɛnu sɔtɔ.
11 Enosi la simaya bɛ tabɛnta san kɛmɛ kɔnɔntɔ anun san loolu le ma. Wo kɔma, a fagata.
12 Kenani la simaya ka san bi wɔrɔwila bɔɔ tɛmuɛ min tɔ, a ka den kayireŋɛ sɔtɔ, a ka a tɔgɔ sa Mahalali.
13 Mahalali la sɔtɔreŋɛ kɔma, Kenani ka san kɛmɛ sagin anun san bi naani ma, a ka den kayireŋɛnu anun den musereŋɛnu sɔtɔ.
14 Kenani la simaya bɛ tabɛnta san kɛmɛ kɔnɔntɔ anun san tan de ma. Wo kɔma, a fagata.
15 Mahalali la simaya ka san bi wɔɔrɔ anun loolu bɔɔ tɛmuɛ min tɔ, a ka den kayireŋɛ sɔtɔ, a ka a tɔgɔ sa Yeradi.
16 Yeradi la sɔtɔreŋɛ kɔma, Mahalali ka san kɛmɛ sagin anun san bi saba ma, a ka den kayireŋɛnu anun den musereŋɛnu sɔtɔ.
17 Mahalali la simaya bɛ tabɛnta san kɛmɛ sagin san bi kɔnɔntɔ anun loolu le ma. Wo kɔma, a fagata.
18 Yeradi la simaya ka san kɛmɛ san bi wɔɔrɔ anun fila bɔɔ tɛmuɛ min tɔ, a ka den kayireŋɛ sɔtɔ, a ka a tɔgɔ sa Enoki.
19 Enoki la sɔtɔreŋɛ kɔma, Yeradi ka san kɛmɛ sagin ma, a ka den kayireŋɛnu anun den musereŋɛnu sɔtɔ.
20 Yeradi la simaya bɛ tabɛnta san kɛmɛ kɔnɔntɔ san bi wɔɔrɔ anun fila le ma. Wo kɔma, a fagata.
21 Enoki la simaya ka san bi wɔɔrɔ nun loolu bɔɔ tɛmuɛ min tɔ, a ka den kayireŋɛ sɔtɔ, a ka a tɔgɔ sa Matisalɛmu.
22 Matisalɛmu la sɔtɔreŋɛ kɔma, Enoki ka san kɛmɛ saba ma, a be sɔren Ala la kila kɔma, a ka den kayireŋɛnu nun den musereŋɛnu sɔtɔ.
23 Enoki la simaya bɛ tabɛnta san kɛmɛ saba san bi wɔɔrɔ anun loolu le ma.
24 Wo bɛ, Enoki be sɔren Ala la kila kɔma. Wo kɔma, Ala ka a jigan, a ka a doni a kɛnna. Enoki ma yen bitugun.
25 Matisalɛmu la simaya ka san kɛmɛ san bisagin anun wɔrɔwila bɔɔ tɛmuɛ min tɔ, a ka den kayireŋɛ sɔtɔ, a ka a tɔgɔ sa Lameki.
26 Lameki la sɔtɔreŋɛ kɔma, Matisalɛmu ka san kɛmɛ wɔrɔwila san bisagin anun fila ma, a ka den kayireŋɛnu anun den musereŋɛnu sɔtɔ.
27 Matisalɛmu la simaya bɛ tabɛnta san kɛmɛ kɔnɔntɔ san bi wɔɔrɔ anun kɔnɔntɔ le ma. Wo kɔma a fagata.
28 Lameki la simaya ka san kɛmɛ san bisagin nun fila bɔɔ tɛmuɛ min tɔ, a ka den kayireŋɛ sɔtɔ.
29 A ka a tɔgɔ sa Nuha, a ko: «Alatala ka duge barikɛ bɔɔ, a ka mɔ sɔ wali bɛlɛŋɛ la anun tɔɔrɛ. Kɔnɔ kɛ deŋe le be mala mɔ juse makimala la wo wali bɛlɛŋɛ tɔ.»
30 Nuha la sɔtɔreŋɛ kɔma, Lameki ka san kɛmɛ loolu san bi kɔnɔntɔ anun loolu ma, a ka den kayireŋɛnu nun den musereŋɛnu sɔtɔ.
31 Lameki la simaya bɛ tabɛnta san kɛmɛ wɔrɔwila san bi wɔrɔwila nun wɔrɔwila le ma. Wo kɔma, a fagata.
32 Nuha ka san kɛmɛ loolu sɔtɔ tɛmuɛ min tɔ, a ka Sɛmi, Hima anun Jafasa sɔtɔ.