यहूदियेन के सोथाएक दिना के परभु
( मत्ती 12:1-8; मरकुस 2:23:-28)
6
1 फिरो ईसु मसीह यहूदियेन के सोथएक दिनाम खेतेन दने से जाएब करे हले, तखने उन्खर चेलवेन धानाला बल्लीया तोएर के आर हाथा से मेड़-मेड़ के खेएले जा हले। 2 ताब फरिसियेन में से कुछु गोटेन कहे लागले, “तोहनी इरंग कहिल करा ही ? यहूदियेन के सोथएक दिना के नियमा में ई कामा करेक ठीक नाञ हो।” 3 ईसु ओकरा जबाब दलके,“तोहनी पवितर कितबाम नाञ पढ़लेहीं कि दाऊद, जखने ऊ आर ओकर संगेन भूखल हले तखने की करले हले ? 4 ऊ किरंग परमेसर के घराम गले, आर चढ़ेलका रोटिया जे यजकवा के छोएड़के ककरो खाएक नाञ बनते, यजकवा से मांएग के खेलके, आर अपन संगेन के दलके ? 5 आर ईसु उसभिन से कहलके, “हाम सरगा के अदमिया यहूदियेन के सोथयोक दिना के परभु हके।”टेढ़ियाहा हाथा अदमिया के बेस करेक
(मत्ती 12:9-14; मरकुस 3:1-6)
6 कोन्हो आर यहूदियेन के सोथाएक दिना ईसु मसीह यहूदियेन के सभाघराम जाएके वचनवा पढ़ावे हले; आर ऊ जुगुर एगो अदमिया हले जकर देहनका हाथा एठीयाए गेल हले। 7 यहूदी धरमगुरवेन आर फरीसी अदमियेन उन्खर पर दोस लगावे खतिर मोका खोजेक चकर में हले कि दखये ईसु यहूदी सोथएक दिना में बेस करे कि नाञ करे। 8 परंतु ऊ उसभिन के मनाक बाता जाने हले; येहे खतिर ऊ एठियाहा हाथावला अदमिया के कहलके,“उठ, माझाम ठढ़ा हो।” ऊ अदमिया उइठ के ठढ़ भेगले। 9 ईसु ओकर से कहलके, “हाम तोरास ई पूछा हीयो कि यहूदी सोथाएक दिना में भल काम करेक ठीक हके या खराप काम करेक ठीक हके ; जाना बचावेक चाही या जाना नास करेक चाही ? ” 10 ताब ईसु उसभिन के एकेक गोटेक घुइर के दखलके, आर ऊठियेला अदमिया के कहलके,”अपन हाथा आगू कर।”ऊ एसने करलके, आर ओकर हाथा बेस भेगले। 11 परंतु ईसु के दुसमनेन उठले आर बहार जाएके कुड़कुड़ाए लागले कि हमनी इसू के जोरे की करबी ?
बारह चेलवेन के चुनाव
(मत्ती 10:1-4; मरकुस 3:13-19)
12 एग दिना ईसु पराथना करेल एग पहड़िया पर गले, आर परमेसवर से राएत भेर पराथना करते रहले। 13 जखने बिहान भेगले तखने ऊ अपन चेलवेन के बोलएके उसभिन में से बारह गोटाक चुइन ललके, आर उसभिन के परेरितत कहलके; 14 आर ऊसभीन ई हके: सीमोन जकर नामा ऊ पतरस राखलके, आर ओकर भेइवा अन्तियास, आर याकूब, आर युहन्ना, आर फिलिप्पु, आर बरतुल्मी, 15 आर मत्ती, आर थोमा, आर अलफई के बेटवा याकूब, सीमोन जे जेलोतेस कहला हले, 16 आर यकूब के भेइवा यहूदा, आर यहूदा इस्करियोती जे ईसु के पकरावेवले हले।
सिछा दियेक आर बिमरियेन बेस करेक
17 ताब ईसु उन्खर चेलवेन पहड़ियास निचु नाएभ के चिकनाहा जघावाम ठढ़ भेले आर उन्खर चेलवेन के ढेरी भिड़िया लागल हले, आर
आसीरवाद आर दुख के वचनवा
(मत्ती 4:23-25)
20 तखने ईसु मसीह अपन चेलवेन दने देख के काहलके, “ धेइन हीं तों जे गरीब हीं, कहेकि परमेसवर के राज तोर हको, 21 धेइन हीं तों जे अभी भूखल हीं, कहेकि तोरा मना भेर मिलतो, धेइन हीं तों जे कान्दे हीं, कहेकि तों आगु हांसबी। 22 धेइन हीं तों जखनी अदमियेन हमर खतिर तोहनीक घिन करतो, आर खराप अदमियेन बुझके निकाएल दतो , आर बेजत करतो आर नकारल जीतो। 23 ऊ दिनाम खुस होए के उछलियों, कहेकि दख, तोहनी खतिर सरगा में बड़का इलाम हो; ऊ सभीन बोवा के पीढ़येन झूठकेन भविसदक्तेन जोरे इरंगे करले हो। 24 “परंतु हाय तोहनी पर जे रहीस हीं, कहेकि तोहनी सुख पाए लले हीं। 25 हाय तोहनी पर जेकर मना भोएर गलो, कहेकि तोहनी भूखेबी। हाय तोहनी पर जे बिन फिकीर के हांसे ही, कहेकि तोहनी कांदबी आर कलबी। 26 हाय तोहनी पर जखने साभे गोटेन तोहनी के भल कहे हलो, कहेकि ऊ सभिन के बोवा के पीढ़येन झूठकेन भविसदक्तेन जोरे इरंगे करे हले।
दुसमनेन से परेम
27 “लकिन जे हमर बाता सुना ही उखनीन से हाम कहा हियो, “अपन दुसमनेन से परेम राख; जे तोहनी के दुधकारे हो,उखनिन के भला कर। 28 जे तोहनीन के सराप दतो, उखनीन के आसीरवाद दिहीं; जे तोहनीन के बेज्जती करतो, उखनीन खतिर परारथना करीयों। 29 जे तोरा एग गालाम झापड़ मारी हो ओकर दन दोसरका गाला आएड़ दिहीं; आर जे तोर चदरिया छिनली हो, ओकर कमीजवा लीयेस नाञ रोकीये। 30 जे कुछु तोरास मांगतो ऊ दिहीं; आर जे तोर समनवा छिनली हो, ओकरास नाञ मांगी। 31 तों अपन खतिर जिरंग बोली-चाली दोसर से खोजा हीं, तोर दोसराक जोरे उरंगे बोली-चाली करेक चाही।