लूका लिखल बेस समचरवा
परिचय
लूका लिखल बेस समचरवा एगो यूनानी बेदा लूका से लिखल ईसु मसीह के जिनगिया के बातेन हको। ई कितबा में ईसु के जलम, उन्खर सेवा, उन्खर मोरेक, आर उन्खर फिरो जिन्दा उठेक के बारे में बेस तरी लिखल गेल हो।
ईसु मसीह अदमीयां के रूपा में सरगा से आएल परमेसवर हके। ऊ पापी अदमियेन के परमेसवर के जोरे मिलावे खतीर धरतिया पर आएल हे। पापा के चलतीस परमेसवर से दूर होएके हराएल अदमियेन के खोएजके मुकती दिये खतीर ऊ आएल हे। ऊ अपन जाना देके साभे अदमियेन के पापा के सजा मरन से कींद ललके। ऊ अदमियेन के परमेसवर के असलका परेम के अपन सेवा से परकट करलके। उन्खर बप्पा नियर परेम के उन्खर बतावे-सिखावे में आर खिसवेन में पावल जा हे। ऊ ढेर दफी गरिबहेन आर समाज से फरक करल अदमियेन पर दया करलके। ईसु अपन सेवा के पवितर आतमा के सकतिया से करलके आर मुकती के बेस समचरवा के परचारन करलके।
ई कितबा गेर यहूदियेन के परमेसवर के बेस समचरवा जाने खतीर लिखल गेल हो। लूका लिखल बेस समचरवा ईसु के खली इसराएल के मुकतीदियेवला नाञ, लकिन साभे जतियेन के अदमियेन के मुकतीदियेवला के रुपो में दखीले हे। ईसु मसीह के मोरेक आर फिरो जिन्दा होएक करीबन साएठ बरस के बादे लूकें ई कितबा लिखले हे।
रुप-रेखा:
थियोफिलुस के सोंपेक 1:1-4
यूहन्ना बपतिस्मा दियेवला आर ईसु के जलम आर चेंगेरघरी 1:5-2:52
यूहन्ना बपतिस्मा दियेवला के सेवा 3:1-20
ईसु के बपतिस्मा आर परीछवा 3:21-4:13
गलील में ईसु के सेवा 4:14-9:50
गलील से यरुसलेम तकले जाएक 9:51-19:27
यरुसलेम में याखिरी हपता 19:28-23:56
परभु के जिन्दा उठेक, दखार दियेक, आर सरगा में उठावेक 24:1-53