𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼷𖽑𖽻𖾐
11
1 𖼞𖽑𖽶𖾑 𖼮𖽶𖾐， 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐 𖼞𖽳𖾐 𖼈𖽪𖾑 𖼷𖽪𖾐 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐， 𖼷𖽑𖽻𖾐 𖼀𖽺 𖼷𖽑𖽺𖾐 𖼞𖽻𖾐 𖼺𖽺𖾑， 𖼷𖽑𖽡𖾐 𖼀𖽜𖾐 𖼊𖽑𖽡 𖼀𖽜𖾐 𖼖𖽻𖾐 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐， 𖼷𖽺 𖼷𖽺𖾐 𖼞𖽑𖽶𖾑 𖼠𖽶𖾐 𖼀𖽜𖾐 𖼞𖽑𖽻𖾐 𖼂𖽻𖾑 𖼖𖽪𖾐 𖼐𖽺𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐． 2 𖼐𖽑𖽧𖾐 𖼺𖽳 𖼄𖽙𖾐 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐， 𖼷𖽑𖽻𖾐 𖼀𖽺 𖼄𖽳𖾑 𖼄𖽳 𖼄𖽢 𖼦𖽙𖾐 𖼽𖽻 𖼈𖽳𖾐 𖼊𖽑𖽺 𖼞𖽜．3 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐、 𖼍𖽡𖾐 𖼄𖽻、 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐、 𖼺𖽡 𖼮𖽡𖾐 𖼦𖽑𖽺𖾐 𖼞𖽑𖽶𖾐 𖼠𖽙𖾐 𖼳𖽙𖾐 𖼺𖽪𖾐 𖼐𖽺𖾐 𖼺𖽙 𖼖𖽚 𖼄𖽴 𖼮𖽜𖾐 𖼀𖽑𖽙 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐， 𖼽𖽻 𖼈𖽳𖾐 𖼽𖽚 𖼍𖽕𖾑 𖼄𖽡𖾐 𖼊𖽺𖾐 𖼞𖽳𖾐 𖼖𖽪𖾐 𖼞𖽑𖽙𖾐 𖼣𖽻𖾐 𖼐𖽺𖾐 𖼽𖽻 𖼄𖽳𖾑 𖼄𖽡𖾐 𖼀𖽜𖾐 𖼊𖽑𖽺 𖼮𖽻𖾐． 𖼽𖽚 𖼍𖽕𖾑 𖼄𖽡𖾐 𖼊𖽺𖾐 𖼞𖽳𖾐 𖼈𖽪𖾑 𖼷𖽪𖾐 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼞𖽑𖽶𖾑 𖼍𖽕𖾑 𖽂𖽚 𖼦𖽑𖽺𖾑 𖼹𖽻𖾐 𖼣𖽻𖾐： 4 𖼽𖽚 𖼍𖽕𖾑 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼊𖽑𖽡 𖼹𖽻𖾐 𖼐𖽺𖾐 𖼂𖽡𖽦𖾑 𖼽𖽔 𖼄𖽡𖽺 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼊𖽑𖽡 𖼹𖽻𖾐， 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐．
𖼽𖽺𖾐 𖼖𖽪𖾑 𖼺𖽔 𖼖𖽜\gn* 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼽𖽚 𖼍𖽕𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼞𖽑𖽶𖾑 𖼈𖽪𖾐 𖼳𖽡𖾐 𖼽𖽔 𖼞𖽳𖾐 𖼻𖽙 𖼽𖽕𖾑 𖼊𖽑𖽔𖾐 𖼽𖽔 𖼣𖽻𖾐， 𖼈𖽪𖾐 𖼳𖽡𖾐 𖼽𖽔 𖼦𖽑𖽺𖾑 𖼺𖽔 𖼰𖽡𖽔𖾐 𖼖𖽡𖾑 𖼽𖽔 𖼞𖽳𖾐 𖼻𖽙 𖼣𖽻𖾐， 𖼺𖽔 𖼰𖽡𖽔𖾐 𖼖𖽡𖾑 𖼽𖽔 𖼦𖽑𖽺𖾑 𖼽𖽕𖾑 𖼄𖽔 𖼖𖽡𖾑 𖼽𖽔 𖼞𖽳𖾐 𖼻𖽙 𖼣𖽻𖾐， 𖼽𖽕𖾑 𖼄𖽔 𖼖𖽡𖾑 𖼽𖽔 𖼦𖽑𖽺𖾑 𖼳𖽶𖾑 𖼇𖽕 𖼊𖽑𖽧 𖼽𖽔 𖼞𖽳𖾐 𖼻𖽙 𖼣𖽻𖾐， 𖼳𖽶𖾑 𖼇𖽕 𖼊𖽑𖽧 𖼽𖽔 𖼦𖽑𖽺𖾑 𖼄𖽔 𖼖𖽴𖾑 𖼖𖽡𖽦𖾑 𖼞𖽳𖾐 𖼻𖽙 𖼣𖽻𖾐．
5 𖼹𖽦𖾑 𖼂𖽔𖾐 𖼖𖽮𖾑 𖼞𖽳𖾐 𖼻𖽙 𖼄𖽔 𖼳𖽡𖾐 𖼽𖽔 ， 𖼂𖽔𖾐 𖼖𖽮𖾑 𖼦𖽑𖽺𖾑 𖼠𖽮 𖼦𖽴 𖼳𖽡𖾐 𖼞𖽳𖾐 𖼻𖽙 𖼣𖽻𖾐， 𖼠𖽮 𖼦𖽴 𖼳𖽡𖾐 𖼦𖽑𖽺𖾑 𖼦𖽔𖾐 𖼺𖽦𖾑 𖼽𖽔 𖼞𖽳𖾐 𖼻𖽙 𖼣𖽻𖾐， 𖼦𖽔𖾐 𖼺𖽦𖾑 𖼽𖽔 𖼦𖽑𖽺𖾑 𖼽𖽕𖾑 𖼍𖽕𖾑 𖼽𖽔 𖼞𖽳𖾐 𖼻𖽙 𖼣𖽻𖾐， 𖼽𖽕𖾑 𖼍𖽕𖾑 𖼽𖽔 𖼦𖽑𖽺𖾑 𖼽𖽱𖾐 𖼽𖽔 𖼖𖽧𖾑 𖼞𖽳𖾐 𖼻𖽙 𖼣𖽻𖾐， 𖼽𖽱𖾐 𖼽𖽔 𖼖𖽧𖾑 𖼦𖽑𖽺𖾑 𖼺𖽔 𖼰𖽡𖽔𖾐 𖼖𖽡𖾑 𖼽𖽔 𖼞𖽳𖾐 𖼻𖽙 𖼣𖽻𖾐， 𖼺𖽔 𖼰𖽡𖽔𖾐 𖼖𖽡𖾑 𖼽𖽔 𖼦𖽑𖽺𖾑 𖼳𖽶𖾑 𖼖𖽚 𖼐𖽑𖽧 𖼞𖽳𖾐 𖼻𖽙 𖼣𖽻𖾐． 6 𖼇𖽕 𖼖𖽴𖾑 𖼺𖽶𖾐 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐， 𖼄𖽳𖾑 𖼄𖽳 𖼖𖽡𖾐 𖼦𖽑𖽙𖾐 𖼮𖽑𖽡𖽚 𖼷𖽑𖽡𖾐 𖼦𖽑𖽦 𖼽𖽚𖾐 𖼮𖽻𖾐， 𖼽𖽻 𖼈𖽳𖾐 𖼄𖽳𖾑 𖼄𖽳 𖽂𖽙 𖼐𖽑𖽡𖾐 𖼈𖽳 𖼮𖽻𖾐 𖼺𖽪𖾐 𖼄𖽦 𖼀𖽑𖽙 𖼣𖽻𖾐．
7 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼂𖽡𖽦𖾑 𖼽𖽔 𖼄𖽡𖽺 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐， 𖼞𖽑𖽶𖾑 𖼄𖽡 𖼳𖽪𖾐 𖼖𖽕 𖼞𖽳𖾐 𖼻𖽙 𖼺𖽔 𖼖𖽪𖾑 𖼣𖽻𖾐， 𖼄𖽡 𖼳𖽪𖾐 𖼖𖽕 𖼦𖽑𖽺𖾑 𖼽𖽱𖾐 𖼽𖽦𖾑 𖼞𖽳𖾐 𖼻𖽙 𖼣𖽻𖾐， 𖼽𖽱𖾐 𖼽𖽦𖾑 𖼦𖽑𖽺𖾑 𖼀𖽑𖽧 𖼍𖽕𖾑 𖼽𖽔 𖼞𖽳𖾐 𖼻𖽙 𖼣𖽻𖾐， 𖼀𖽑𖽧 𖼍𖽕𖾑 𖼽𖽔 𖼦𖽑𖽺𖾑 𖼠𖽜𖾐 𖼖𖽦𖾑 𖼽𖽔 𖼞𖽳𖾐 𖼻𖽙 𖼣𖽻𖾐， 𖼠𖽜𖾐 𖼖𖽦𖾑 𖼽𖽔 𖼦𖽑𖽺𖾑 𖼄𖽔 𖼳𖽡𖾐 𖼽𖽔 𖼞𖽳𖾐 𖼻𖽙 𖼣𖽻𖾐， 𖼄𖽔 𖼳𖽡𖾐 𖼽𖽔 𖼦𖽑𖽺𖾑 𖼽𖽡 𖼊𖽑𖽡𖽦 𖼞𖽳𖾐 𖼻𖽙 𖼣𖽻𖾐， 𖼽𖽡 𖼊𖽑𖽡𖽦 𖼦𖽑𖽺𖾑 𖼽𖽺𖾐 𖼳𖽺𖾐 𖼽𖽕𖾑 𖼞𖽳𖾐 𖼻𖽙 𖼣𖽻𖾐． 8 𖼽𖽻 𖼞𖽳𖾐 𖼐𖽑𖽳𖾐 𖼄𖽻 𖼄𖽳𖾑 𖼄𖽳 𖽂𖽙 𖼐𖽑𖽡𖾐 𖼈𖽳 𖼮𖽻𖾐 𖼺𖽪𖾐 𖼄𖽦 𖼀𖽑𖽙 𖼣𖽻𖾐， 𖼄𖽳𖾑 𖼄𖽳 𖼠𖽶𖾐 𖼦𖽑𖽙𖾐 𖼐𖽑𖽡 𖼷𖽑𖽡𖾐 𖼦𖽑𖽦 𖼽𖽚𖾐 𖼮𖽻𖾐． 9 𖼳𖽡𖾑 𖼰𖽡𖾐 𖼖𖽡𖾑 𖼞𖽳𖾐 𖼻𖽙 𖼽𖽱𖾐 𖽃𖽳 𖼞𖽑𖽶𖾑 𖼽𖽻 𖼈𖽳𖾐 𖼊𖽑𖽺 𖼠𖽕 𖼺𖽪𖾐 𖼷𖽶 𖼄𖽻 𖼈𖽪𖾑 𖼣𖽻𖾐， 𖼦𖽔𖾐 𖼳𖽡𖾐 𖼐𖽪 𖼽𖽕𖾑 𖼞𖽳𖾐 𖼻𖽙 𖼽𖽚 𖼍𖽕𖾑 𖼞𖽑𖽶𖾑 𖼖𖽪𖾐 𖼞𖽳𖾐 𖼷𖽶 𖼄𖽻 𖼣𖽻𖾐．
10 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼍𖽡𖾐 𖼄𖽻， 𖼞𖽑𖽶𖾑 𖼽𖽔 𖼰𖽡𖽺𖾐、 𖼽𖽱𖾐 𖼽𖽔 𖼖𖽧𖾑 𖼞𖽳𖾐 𖼻𖽙 𖼽𖽺𖾐 𖼍𖽕𖾑 𖼽𖽔 𖼣𖽻𖾐， 11 𖼹𖽦𖾑 𖼺𖽡 𖼮𖽡𖾐 𖼦𖽑𖽺𖾐 𖼞𖽑𖽶𖾐 𖼠𖽕 𖼺𖽪𖾐 𖼳𖽡𖾐 𖼖𖽦𖾐 𖼽𖽔 ， 𖼳𖽡𖾐 𖼖𖽦𖾐 𖼽𖽔 𖼦𖽑𖽺𖾑 𖼳𖽡𖾐 𖼖𖽴𖾑 𖼰𖽡𖽔𖾐 𖼞𖽳𖾐 𖼻𖽙 𖼣𖽻𖾐， 𖼳𖽡𖾐 𖼖𖽴𖾑 𖼰𖽡𖽔𖾐 𖼦𖽑𖽺𖾑 𖼄𖽡 𖼳𖽪𖾐 𖼖𖽕 𖼞𖽳𖾐 𖼻𖽙 𖼣𖽻𖾐， 𖼄𖽡 𖼳𖽪𖾐 𖼖𖽕 𖼦𖽑𖽺𖾑 𖼺𖽔 𖼍𖽮 𖼞𖽳𖾐 𖼻𖽙 𖼣𖽻𖾐， 𖼺𖽔 𖼍𖽮 𖼦𖽑𖽺𖾑 𖼄𖽡 𖼖𖽔𖾐 𖼽𖽱𖾐 𖼞𖽳𖾐 𖼻𖽙 𖼣𖽻𖾐， 𖼄𖽡 𖼖𖽔𖾐 𖼽𖽱𖾐 𖼦𖽑𖽺𖾑 𖼽𖽕𖾑 𖼳𖽡𖾐 𖼊𖽑𖽪𖾐 𖼞𖽳𖾐 𖼻𖽙 𖼣𖽻𖾐． 12 𖼦𖽑𖽔𖾐 𖼖𖽺𖾑 𖼺𖽡 𖼮𖽡𖾐 𖼦𖽑𖽺𖾐 𖼞𖽑𖽶𖾐 𖼠𖽙𖾐 𖼳𖽙𖾐 𖼺𖽪𖾐 𖼽𖽻 𖼈𖽳𖾐 𖼞𖽳𖾐 𖼈𖽧 𖼐𖽑𖽳𖾐 𖼞𖽑𖽻𖾑 𖼮𖽑𖽻𖾐， 𖼄𖽳𖾑 𖼄𖽳 𖼦𖽑𖽦 𖼦𖽑𖽙𖾐 𖼐𖽑𖽡 𖼷𖽑𖽡𖾐 𖼐𖽑𖽡 𖼽𖽚𖾐 𖼮𖽻𖾐． 𖼹𖽦𖾑 𖼽𖽺𖾐 𖼖𖽚 𖼦𖽕 𖼞𖽳𖾐 𖼻𖽙 𖼽𖽕𖾑 𖼍𖽕𖾑 𖼽𖽔 ， 𖼽𖽺𖾐 𖼖𖽚 𖼦𖽕 𖼦𖽑𖽺𖾑 𖼀𖽑𖽧 𖼖𖽔𖾐 𖼖𖽡𖾑 𖼞𖽳𖾐 𖼻𖽙 𖼣𖽻𖾐， 𖼀𖽑𖽧 𖼖𖽔𖾐 𖼖𖽡𖾑 𖼦𖽑𖽺𖾑 𖽃𖽕𖾑 𖼳𖽡 𖼞𖽳𖾐 𖼻𖽙 𖼣𖽻𖾐， 𖽃𖽕𖾑 𖼳𖽡 𖼦𖽑𖽺𖾑 𖼺𖽔 𖼰𖽡𖽔𖾐 𖼖𖽡𖾑 𖼽𖽕𖾑 𖼞𖽳𖾐 𖼻𖽙 𖼣𖽻𖾐， 𖼺𖽔 𖼰𖽡𖽔𖾐 𖼖𖽡𖾑 𖼽𖽕𖾑 𖼦𖽑𖽺𖾑 𖼂𖽔𖾐 𖼳𖽶𖾐 𖼦𖽪𖾑 𖽃𖽳 𖼞𖽳𖾐 𖼻𖽙 𖼣𖽻𖾐， 𖼂𖽔𖾐 𖼳𖽶𖾐 𖼦𖽪𖾑 𖽃𖽳 𖼦𖽑𖽺𖾑 𖼄𖽔 𖼰𖽡𖾐 𖼽𖽔 𖼞𖽳𖾐 𖼻𖽙 𖼣𖽻𖾐． 13 𖼦𖽑𖽔𖾐 𖼖𖽺𖾑 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼂𖽺𖾐 𖼺𖽪𖾐 𖼽𖽻 𖼞𖽳𖾐 𖼈𖽧 𖼐𖽑𖽳𖾐 𖼞𖽑𖽻𖾑 𖼮𖽑𖽻𖾐， 𖼄𖽳𖾑 𖼄𖽳 𖼐𖽑𖽡 𖼦𖽑𖽙𖾐 𖼖𖽡𖾐 𖼷𖽑𖽡𖾐 𖼐𖽑𖽡 𖼽𖽚𖾐 𖼮𖽻𖾐． 𖼹𖽦𖾑 𖼽𖽕𖾑 𖼺𖽕𖾑 𖼖𖽡𖽦𖾑 𖼞𖽳𖾐 𖼻𖽙 𖼽𖽕𖾑 𖼄𖽔 𖼳𖽪𖽦𖾑， 𖼽𖽕𖾑 𖼺𖽕𖾑 𖼖𖽡𖽦𖾑 𖼦𖽑𖽺𖾑 𖼽𖽕𖾑 𖼦𖽔𖾐 𖼺𖽦𖾑 𖼞𖽳𖾐 𖼻𖽙 𖼣𖽻𖾐， 𖼽𖽕𖾑 𖼦𖽔𖾐 𖼺𖽦𖾑 𖼦𖽑𖽺𖾑 𖼄𖽡 𖼳𖽸 𖼖𖽡𖾑 𖼄𖽚𖾑 𖼞𖽳𖾐 𖼻𖽙 𖼣𖽻𖾐， 𖼄𖽡 𖼳𖽸 𖼖𖽡𖾑 𖼄𖽚𖾑 𖼦𖽑𖽺𖾑 𖼽𖽺𖾐 𖼄𖽦𖾑 𖼞𖽳𖾐 𖼻𖽙 𖼣𖽻𖾐． 14 𖼹𖽦𖾑 𖼽𖽻 𖼈𖽳𖾐 𖼞𖽳𖾐 𖼈𖽧 𖼐𖽑𖽳𖾐 𖼐𖽑𖽧𖾐 𖼈𖽳 𖽂𖽙 𖼐𖽑𖽡𖾐 𖼈𖽳 𖼮𖽻𖾐 𖼺𖽪𖾐 𖼄𖽦 𖼀𖽑𖽙 𖼊𖽑𖽡 𖼦𖽑𖽙𖾐 𖼐𖽑𖽡 𖼷𖽑𖽡𖾐 𖼦𖽑𖽦 𖼽𖽚𖾐 𖼮𖽻𖾐． 𖼦𖽔𖾐 𖼰𖽡𖾐 𖼍𖽙𖾐 𖼖𖽧 𖼞𖽳𖾐 𖼻𖽙 𖼺𖽔 𖼂𖽔𖾐 𖼍𖽧𖾑 𖼽𖽦𖾑 𖼞𖽑𖽶𖾑 𖼽𖽻 𖼈𖽳𖾐 𖼊𖽑𖽺 𖼠𖽕 𖼺𖽪𖾐 𖼷𖽶 𖼄𖽻 𖼣𖽻𖾐．
15 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐， 𖼞𖽑𖽶𖾑 𖼦𖽔𖾐 𖼳𖽪𖾑 𖼞𖽳𖾐 𖼻𖽙 𖼳𖽶𖾑 𖼄𖽔 𖼽𖽔 𖼣𖽻𖾐， 𖼦𖽔𖾐 𖼳𖽪𖾑 𖼦𖽑𖽺𖾑 𖼽𖽔𖾐 𖼖𖽡𖾑 𖼠𖽔𖾐 𖼞𖽳𖾐 𖼻𖽙 𖼣𖽻𖾐， 𖼽𖽔𖾐 𖼖𖽡𖾑 𖼠𖽔𖾐 𖼦𖽑𖽺𖾑 𖼦𖽔𖾐 𖼳𖽔𖾐 𖼂𖽡 𖼽𖽔 𖼞𖽳𖾐 𖼻𖽙 𖼣𖽻𖾐， 𖼦𖽔𖾐 𖼳𖽔𖾐 𖼂𖽡 𖼽𖽔 𖼦𖽑𖽺𖾑 𖼂𖽪𖾑 𖼐𖽑𖽧 𖼞𖽳𖾐 𖼻𖽙 𖼣𖽻𖾐． 16 𖼹𖽦𖾑 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼞𖽳𖾐 𖼮𖽑𖽪𖾐 𖼳𖽶 𖼈𖽪𖾑 𖼷𖽪𖾐 𖼳𖽔𖾐 𖼂𖽡 𖼊𖽑𖽦𖾑 𖼐𖽺𖾐 𖼽𖽱𖾐 𖼺𖽔 𖼂𖽚 ， 𖼽𖽻 𖼈𖽳𖾐 𖼺𖽡 𖼮𖽡𖾐 𖼦𖽑𖽺𖾐 𖼊𖽦 𖼀𖽙 𖼞𖽳𖾐 𖼄𖽡𖽻 𖼠𖽕． 17 𖼄𖽡 𖼰𖽡𖽔𖾐 𖼞𖽳𖾐 𖼻𖽙 𖼄𖽔 𖼊𖽑𖽔𖾐 𖼐𖽑𖽧 ， 𖼷𖽑𖽻𖾐 𖼦𖽳 𖽂𖽙 𖼺𖽙𖾐 𖼂𖽙𖾐 𖼊𖽑𖽺 𖼞𖽑𖽪𖾐 𖼮𖽑𖽳， 𖼊𖽑𖽡 𖼞𖽔𖾐 𖼞𖽜 𖼞𖽳𖾐 𖼮𖽑𖽡 𖼮𖽡𖽺𖾐 𖼂𖽺𖾐；𖼄𖽡 𖼰𖽡𖽔𖾐 𖼦𖽑𖽺𖾑 𖼺𖽔 𖼍𖽡 𖼞𖽳𖾐 𖼻𖽙 𖼣𖽻𖾐， 𖼺𖽔 𖼍𖽡 𖼦𖽑𖽺𖾑 𖼽𖽕𖾑 𖼺𖽕𖾑 𖼞𖽳𖾐 𖼻𖽙 𖼣𖽻𖾐；𖼂𖽕 𖼂𖽪𖾑 𖼰𖽡𖽔𖾐 𖼽𖽻 𖼈𖽧 𖼐𖽑𖽳𖾐 𖼠𖽻𖾐 𖼞𖽑𖽶𖾐 𖼂𖽻𖾐 𖼮𖽨𖾐 𖼺𖽪𖾐 𖼂𖽺𖾐；𖼹𖽦𖾑 𖼳𖽔𖾐 𖼄𖽪 𖼽𖽕𖾑 𖼞𖽳𖾐 𖼻𖽙 𖼽𖽔𖾐 𖼍𖽕𖾑 ， 𖼳𖽔𖾐 𖼄𖽪 𖼽𖽕𖾑 𖼦𖽑𖽺𖾑 𖼰𖽡𖽔𖾐 𖼖𖽔𖾐 𖼞𖽳𖾐 𖼻𖽙 𖼣𖽻𖾐， 𖼰𖽡𖽔𖾐 𖼖𖽔𖾐 𖼦𖽑𖽺𖾑 𖼽𖽺𖾐 𖼍𖽪𖾑 𖼍𖽪𖽺𖾑 𖼞𖽳𖾐 𖼻𖽙 𖼣𖽻𖾐． 18 𖼺𖽡𖾐 𖼮𖽡𖾐 𖼖𖽪𖾐 \fr 11．18 \ft “𖼺𖽡 𖼮𖽡𖾐 𖼖𖽪𖾐 ” 𖼦𖽑𖽺𖾑 “𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 ” 𖼣𖽻𖾐． 𖼞𖽑𖽶𖾐 𖼞𖽑𖽙𖾐 𖼮𖽻𖾐 𖼺𖽪𖾐 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐， 𖼄𖽳𖾑 𖼄𖽳 𖼐𖽑𖽡 𖼦𖽑𖽙𖾐 𖼦𖽑𖽦 𖼷𖽑𖽡𖾐 𖼖𖽡𖾐 𖼽𖽚𖾐 𖼮𖽻𖾐．
19 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼮𖽻𖾐 𖼺𖽡 𖼮𖽡𖾐 𖼦𖽑𖽺𖾐 𖽃𖽔𖾑 𖼊𖽪 𖼞𖽑𖽶𖾑 𖼹𖽻𖾐 𖼊𖽑𖽺 𖼳𖽪𖾐 𖼺𖽪𖾐， 𖼞𖽑𖽶𖾑 𖼽𖽕𖾑 𖼠𖽮、 𖼍𖽕 𖼄𖽜𖾐 𖼐𖽺𖾐 𖼽𖽻 𖼈𖽳𖾐 𖼞𖽳𖾐 𖼈𖽧 𖼐𖽑𖽳𖾐 𖼣𖽻𖾐， 𖽃𖽔𖾑 𖼊𖽪 𖼊𖽑𖽡 𖼀𖽑𖽦𖾑 𖼀𖽑𖽦𖾐 𖼊𖽑𖽺 𖼳𖽪𖾐， 𖼄𖽳𖾑 𖼄𖽳 𖼊𖽑𖽡 𖼦𖽑𖽙𖾐 𖼳𖽶 𖼷𖽑𖽡𖾐 𖼐𖽑𖽡 𖼽𖽚𖾐 𖼮𖽻𖾐．
20 𖼠𖽳𖾐 𖼖𖽪𖾐 𖼞𖽳𖾐 𖼽𖽡 𖼺𖽴𖾑 𖼖𖽡𖽦𖾑 𖼺𖽪𖾐 𖼷𖽑𖽻𖾐、 𖼍𖽡𖾐 𖼄𖽻 𖼐𖽺𖾐 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐， 𖼽𖽻 𖼈𖽳𖾐 𖼽𖽚 𖼍𖽕𖾑 𖼄𖽡𖾐 𖼊𖽺𖾐 𖼞𖽳𖾐 𖼖𖽪𖾐， 𖼽𖽻 𖼄𖽳𖾑 𖼄𖽡𖾐 𖼀𖽜𖾐 𖼊𖽑𖽺 𖼮𖽻𖾐． 21 𖼦𖽑𖽻𖾐 𖼊𖽑𖽻𖾐， 𖼺𖽡 𖼮𖽡𖾐 𖼦𖽑𖽺𖾐 𖼞𖽑𖽶𖾐 𖼠𖽙𖾐 𖼳𖽙𖾐 𖼺𖽪𖾐 𖼞𖽑𖽻𖾑 𖽃𖽴 𖼇𖽺 𖼖𖽴𖾑 𖽂𖽙 𖼰𖽡𖽺𖾐 𖼊𖽑𖽺 𖼮𖽻𖾐， 𖼳𖽡𖾐 𖼦𖽔𖾐 𖼐𖽺𖾐 𖼰𖽡𖾐 𖼺𖽶𖾐 𖼀𖽑𖽕𖾑 𖼽𖽻 𖼈𖽳𖾐 𖼊𖽑𖽺 𖼠𖽕．
22 𖼽𖽺𖾐 𖼖𖽪𖾑 𖼺𖽔 𖼖𖽜 𖼖𖽪𖾐 𖼞𖽳𖾐 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼊𖽑𖽺 𖼠𖽕 𖼺𖽪𖾐， 𖼞𖽑𖽶𖾑 𖼂𖽔𖾐 𖼐𖽑𖽧 𖼞𖽳𖾐 𖼻𖽙 𖼈𖽪𖾐 𖼳𖽡𖾐 𖼣𖽻𖾐， 𖼂𖽔𖾐 𖼐𖽑𖽧 𖼦𖽑𖽺𖾑 𖼦𖽔𖾐 𖼳𖽔𖾐 𖼂𖽡 𖼽𖽔 𖼞𖽳𖾐 𖼻𖽙 𖼣𖽻𖾐， 𖼦𖽔𖾐 𖼳𖽔𖾐 𖼂𖽡 𖼽𖽔 𖼦𖽑𖽺𖾑 𖼄𖽔 𖼊𖽑𖽔𖾐 𖼐𖽑𖽧 𖼞𖽳𖾐 𖼻𖽙 𖼣𖽻𖾐， 𖼄𖽔 𖼊𖽑𖽔𖾐 𖼐𖽑𖽧 𖼦𖽑𖽺𖾑 𖼄𖽡 𖼰𖽡𖽔𖾐 𖼞𖽳𖾐 𖼻𖽙 𖼣𖽻𖾐， 𖼽𖽻 𖼦𖽑𖽺𖾑 𖼽𖽕𖾑 𖼺𖽕𖾑 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼣𖽻𖾐， 𖼷𖽑𖽻𖾐 𖼦𖽑𖽺𖾑 𖼹𖽻𖾐 𖼺𖽪𖾑 𖼮𖽻 𖼺𖽪𖾐 𖼣𖽻𖾐， 𖼽𖽻 𖼈𖽳𖾐 𖼺𖽡 𖼮𖽡𖾐 𖼦𖽑𖽺𖾐 𖼞𖽑𖽶𖾐 𖼄𖽡𖽻 𖼠𖽕． 23 𖼽𖽕𖾑 𖼍𖽕 𖼳𖽡𖽱𖾐 𖼳𖽡𖾐 𖼈𖽪𖾐 𖼍𖽦 𖼄𖽡𖽻 𖼍𖽻𖾑， 𖼀𖽦𖾐：“𖼺𖽪𖾑 𖼮𖽻 𖼺𖽪𖾐 𖼞𖽜 𖼊𖽑𖽡 𖼐𖽑𖽡𖾑 𖼐𖽑𖽡𖾐 𖼞𖽑𖽙𖾐 𖼂𖽺𖾐 𖼖𖽡𖾐 𖼺𖽪𖾐 𖼄𖽡𖽻 𖼂𖽺𖾐 𖼖𖽡𖾐．”
24 𖼽𖽚 𖼍𖽕𖾑 𖼞𖽳𖾐 𖼻𖽙 𖼳𖽡𖽺𖾑 𖼖𖽔𖾐 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼠𖽻𖾐 𖼞𖽑𖽶𖾐， 𖼄𖽡 𖼳𖽶𖾑 𖼺𖽕𖾑 𖼂𖽡𖽦 𖼞𖽳𖾐 𖼻𖽙 𖼀𖽑𖽧 𖼊𖽑𖽔 𖼳𖽡𖾐 𖼽𖽔 𖼞𖽑𖽶𖾑 𖼽𖽕𖾑 𖼍𖽕 𖼳𖽡𖽱𖾐 𖼳𖽡𖾐 𖼈𖽪𖾐 𖼍𖽦 𖼞𖽳𖾐 𖼖𖽦 𖼂𖽦𖾐 𖼂𖽺𖾐 𖼺𖽪𖾐 𖼷𖽑𖽻𖾐 𖼣𖽻𖾐， 𖼽𖽻 𖼷𖽑𖽻𖾐 𖼀𖽺 𖼊𖽑𖽡𖾑 𖼮𖽪 𖼈𖽦 𖼍𖽦 𖽃𖽙𖾑 𖼄𖽺 𖼮𖽑𖽡𖽺 𖼄𖽡𖽻 𖼮𖽨𖾐 𖼀𖽦𖾐 𖼊𖽑𖽧．
𖼠𖽳𖾐 𖼖𖽪𖾐 𖼮𖽑𖽡𖽦𖾐 𖼠𖽻𖾐 𖼐𖽺𖾐 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼷𖽑𖽻𖾐
25 𖼠𖽳𖾐 𖼖𖽪𖾐 𖼮𖽑𖽡𖽦𖾐 𖼠𖽻𖾐 𖼐𖽺𖾐 𖼖𖽪𖾐 𖼞𖽳𖾐 𖼮𖽻𖾐 𖼺𖽪𖾐 𖼞𖽑𖽶𖾑 𖼍𖽕𖾑 𖽂𖽚 𖼦𖽑𖽺𖾑 𖼹𖽻𖾐 𖼣𖽻𖾐： 𖼽𖽚 𖼍𖽕𖾑 𖼺𖽪𖾐 𖼷𖽑𖽻𖾐 𖼊𖽑𖽡 𖼹𖽻𖾐 𖼰𖽡𖾑 𖼖𖽡𖽦𖾑 𖼽𖽕𖾑 𖼂𖽔𖾐 𖼖𖽪𖾐 𖼐𖽺𖾐 𖼽𖽻 𖼖𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐， 𖼊𖽑𖽡 𖼹𖽻𖾐 𖼍𖽡 𖼂𖽜 𖼖𖽪𖾐 𖼐𖽺𖾐 𖼽𖽻 𖼖𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐， 𖼊𖽑𖽡 𖼹𖽻𖾐 𖼽𖽦𖾑 𖼰𖽡𖽕 𖼳𖽡𖽱𖾐 𖼖𖽪𖾐 𖼐𖽺𖾐 𖼽𖽻 𖼖𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐， 26 𖼊𖽑𖽡 𖼹𖽻𖾐 𖼽𖽺𖾐 𖼳𖽪𖾐 𖼽 𖽕𖾑 𖼖𖽪𖾐、 𖼄𖽚 𖼍𖽕𖾑 𖼖𖽔𖾐 𖼖𖽪𖾐、 𖼂𖽚 𖼀𖽑𖽔𖾑 𖼖𖽡𖽦𖾑 𖼖𖽪𖾐、 27 𖼦𖽔𖾐 𖼺𖽕𖾑 𖼳𖽪𖾐 𖼽 𖽕𖾑 𖼖𖽪𖾐、 𖼂𖽡𖽦 𖼳𖽶𖾑 𖼂𖽔𖾐 𖼖𖽪𖾐 𖼐𖽺𖾐 𖼂𖽡𖽦 𖼳𖽶𖾑 𖼂𖽔𖾐 𖼖𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐， 28 𖼊𖽑𖽡 𖼹𖽻𖾐 𖼳𖽡 𖼠𖽴 𖼖𖽔𖾐 𖼖𖽪𖾐、 𖼄𖽡 𖼠𖽜𖾐 𖼐𖽕 𖼖𖽪𖾐 𖼐𖽺𖾐 𖼄𖽡 𖼠𖽜𖾐 𖼐𖽕 𖼖𖽪𖾐 𖼖𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐， 29 𖼊𖽑𖽡 𖼹𖽻𖾐 𖼽𖽺𖾐 𖼖𖽧 𖼄𖽴 𖼖𖽪𖾐、 𖼺𖽙 𖼖𖽔𖾐 𖼖𖽪𖾐 𖼐𖽺𖾐 𖼽𖽺𖾐 𖼄𖽚𖾑 𖼖𖽪𖾐、 30 𖼺𖽔 𖼐𖽚 𖼽 𖽕𖾑 𖼖𖽪𖾐、 𖼽𖽕𖾑 𖼍𖽪𖾑 𖼖𖽕 𖼖𖽪𖾐 𖼐𖽺𖾐 𖼖𖽪𖾐 𖼦𖽑𖽺𖾑 𖼐𖽑𖽡 𖼊𖽝𖾐 𖼖𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐， 𖼹𖽦𖾑 𖼖𖽔𖾐 𖼰𖽧 𖼖𖽪𖾐 𖼐𖽺𖾐 𖼖𖽪𖾐 𖼖𖽙𖾐 𖼊𖽴 𖼺𖽪𖾐 𖼄𖽡𖾐 𖼊𖽺𖾐， 𖼽𖽕𖾑 𖼳𖽡𖾐 𖼰𖽡𖽔𖾐 𖼖𖽪𖾐 𖼐𖽺𖾐 𖼽𖽕𖾑 𖼳𖽡𖾐 𖼰𖽡𖽔𖾐 𖼖𖽪𖾐 𖼖𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐． 𖼽𖽻 𖼈𖽳𖾐 𖼮𖽻𖾐 𖼞𖽳𖾐 𖼄𖽡𖾐 𖼊𖽺𖾐， 𖼞𖽑𖽶𖾑 𖼂𖽡𖽦 𖼳𖽶𖾑 𖼂𖽔𖾐 𖼖𖽪𖾐 𖼞𖽳𖾐 𖼮𖽑𖽻𖾐 𖼺𖽺𖾑 𖼳𖽡𖽺𖾐 𖼐𖽜𖾑 𖼖𖽻𖾐 𖼞𖽑𖽪 𖼖𖽙𖾐 𖼮𖽑𖽡𖾐．
31 𖼂𖽡𖽦𖾑 𖼽𖽔 𖼄𖽡𖽺 𖼮𖽑𖽪𖾐 𖼳𖽶 𖼷𖽑𖽻𖾐 𖼊𖽑𖽡 𖼹𖽻𖾐 𖼰𖽡𖽔𖾐 𖼂𖽔𖾐 𖼖𖽪𖾐、 𖼄𖽧𖾑 𖼄𖽙 𖼖𖽪𖾐、 𖼽𖽕𖾑 𖼽𖽔 𖼖𖽪𖾐、 𖼂𖽚 𖼊𖽑𖽴𖾑 𖼖𖽡𖾑 𖼖𖽪𖾐 𖼐𖽺𖾐 𖼂𖽚 𖼊𖽑𖽴𖾑 𖼖𖽡𖾑 𖼖𖽪𖾐 𖼖𖽙𖾐 𖼊𖽴 𖼺𖽪𖾐 𖼮𖽑𖽡𖽦𖾐 𖼠𖽻𖾐 𖼞𖽳𖾐 𖼮𖽻𖾐， 32 𖼊𖽑𖽡 𖼹𖽻𖾐 𖼽𖽕𖾑 𖼐𖽕 𖼊𖽑𖽪𖾐 𖼖𖽪𖾐、 𖼐𖽚 𖼂𖽚 𖼖𖽪𖾐、 𖼽𖽕𖾑 𖼐𖽕 𖼽𖽔 𖼖𖽪𖾐、 33\gn 𖼳𖽡𖽕𖾑 𖼺𖽙\gn* 𖼖𖽪𖾐、 𖼖𖽔𖾐 𖼄𖽔 𖼖𖽪𖾐、 𖼰𖽡𖾐 𖼊𖽑𖽔𖾐 𖼽𖽺𖾐 𖼖𖽪𖾐、 34 𖼦𖽔𖾐 𖼍𖽡𖽦 𖼖𖽪𖾐、 𖼳𖽡 𖼂𖽡𖽺𖾐 𖼖𖽪𖾐、 𖼐𖽑𖽧 𖼂𖽔𖾐 𖼖𖽔𖾐 𖼖𖽪𖾐、 35 𖼖𖽚 𖼍𖽴 𖼖𖽪𖾐、 𖽃𖽔𖾐 𖼐𖽚 𖼖𖽪𖾐 𖼐𖽺𖾐 𖼖𖽦 𖼠𖽸𖾑 𖼖𖽻𖾐 𖼞𖽑𖽪 𖼞𖽳𖾐 𖼮𖽻𖾐． 36 𖼖𖽡𖾑 𖼈𖽪𖽺𖾑 𖼮𖽑𖽪𖾐 𖼳𖽶 𖼷𖽑𖽻𖾐 𖼊𖽑𖽡 𖼹𖽻𖾐 𖽃𖽙𖾑 𖼄𖽺 𖼊𖽑𖽙 𖼽𖽚 𖼍𖽕𖾑 𖼄𖽡𖾐 𖼊𖽺𖾐 𖼞𖽳𖾐 𖼮𖽻𖾐， 𖽃𖽔𖾑 𖼄𖽳𖾐 𖼂𖽡𖽦𖾑 𖼽𖽔 𖼄𖽡𖽺 𖼮𖽑𖽪𖾐 𖼳𖽶 𖼷𖽑𖽻𖾐 𖼖𖽙𖾐 𖼮𖽑𖽻𖾐 𖼮𖽻𖾐 𖼽𖽡𖾐 𖼦𖽑𖽙𖾐．