𖼽𖽕𖾑 𖼍𖽗𖾐 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐
5
1 𖼈𖽝 𖼍𖽕𖾑 𖽂𖽚 𖼍𖽙𖾑 𖼺𖽪𖾐 𖼦𖽑𖽺𖾑 𖼹𖽻𖾐，𖼽𖽕𖾑 𖼍𖽗𖾐 𖼞𖽳𖾐 𖼻𖽙 𖼮𖽑𖽡 𖼖𖽡𖾑 𖼖𖽦𖾐 𖼄𖽡𖾐 𖼣𖽻𖾐．𖽂𖽙 𖼺𖽙𖾐 𖼂𖽙𖾐 𖼷𖽑𖽻𖾐 𖼹𖽸𖾑 𖼞𖽑𖽶𖾑 𖼮𖽶𖾐，𖼽𖽻 𖼖𖽙𖾐 𖼺𖽶𖾑 𖼹𖽸𖾑 𖼺𖽪𖾐 𖼣𖽻𖾐． 2 𖼽𖽻 𖼻𖽙 𖼐𖽜𖾐 𖼹𖽸𖾑，𖼻𖽙 𖼄𖽳 𖼹𖽸𖾑．𖼽𖽻 𖼈𖽳𖾐 𖼊𖽑𖽺 𖼹𖽸𖾑 𖼊𖽑𖽧 𖼖𖽻𖾐 𖼞𖽑𖽶𖾑 𖼮𖽶𖾐，𖽂𖽙 𖼺𖽙𖾐 𖼂𖽙𖾐 𖼄𖽢 𖼖𖽪 𖼽𖽻 𖼈𖽳𖾐 𖼊𖽑𖽺 𖼄𖽻𖾑，𖼽𖽻 𖼈𖽳𖾐 𖼊𖽑𖽺 𖼷𖽑𖽻𖾐 𖼰𖽕𖾐．3 𖼽𖽕𖾑 𖼍𖽗𖾐 𖼊𖽑𖽡 𖼦𖽑𖽙𖾐 𖼺𖽙𖾐 𖼷𖽑𖽡𖾐 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼻𖽙 𖼊𖽑𖽡 𖼽𖽚𖾐 𖼮𖽻𖾐，𖼽𖽻 𖼽𖽚 𖼽𖽕𖾑 𖼍𖽗𖾐 𖼖𖽙𖾐 𖼺𖽶𖾑．𖽃𖽔𖾐 𖼺𖽺𖾑，𖼽𖽻 𖼊𖽑𖽺 𖼺𖽦𖾑 𖼊𖽑𖽴𖾑 𖼄𖽡𖾐． 4 𖼺𖽦𖾑 𖼊𖽑𖽴𖾑 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼽𖽕𖾑 𖼍𖽗𖾐 𖼹𖽦𖾑 𖼦𖽑𖽦 𖼦𖽑𖽙𖾐 𖼞𖽑𖽚 𖼠𖽙𖾑 𖼦𖽑𖽙𖾐，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑． 5 𖼽𖽕𖾑 𖼍𖽗𖾐 𖼠𖽶𖾐 𖼦𖽑𖽙𖾐 𖼺𖽙𖾐 𖼷𖽑𖽡𖾐 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐 𖼳𖽶𖾐 𖼦𖽑𖽙𖾐．
6 𖼺𖽦𖾑 𖼊𖽑𖽴𖾑 𖼊𖽑𖽡 𖼦𖽑𖽙𖾐 𖼐𖽺𖾐 𖼣𖽙 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼽𖽡 𖼐𖽚 𖼳𖽸𖾑 𖼊𖽑𖽺 𖼽𖽚𖾐． 7 𖼽𖽡 𖼐𖽚 𖼳𖽸𖾑 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼺𖽦𖾑 𖼊𖽑𖽴𖾑 𖼹𖽦𖾑 𖼦𖽑𖽦 𖼦𖽑𖽙𖾐 𖼐𖽺𖾐 𖼳𖽶 𖼞𖽑𖽚 𖼠𖽙𖾑 𖼦𖽑𖽙𖾐，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑． 8 𖼺𖽦𖾑 𖼊𖽑𖽴𖾑 𖼠𖽶𖾐 𖼦𖽑𖽙𖾐 𖼷𖽑𖽡𖾐 𖼐𖽑𖽡 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐 𖼳𖽶𖾐 𖼦𖽑𖽙𖾐
9 𖼽𖽡 𖼐𖽚 𖼳𖽸𖾑 𖼠𖽶𖾐 𖼷𖽑𖽡𖾐 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼠𖽺𖾐 𖼐𖽕 𖼊𖽑𖽺 𖼽𖽚𖾐． 10 𖼠𖽺𖾐 𖼐𖽕 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼽𖽡 𖼐𖽚 𖼳𖽸𖾑 𖼹𖽦𖾑 𖼦𖽑𖽦 𖼦𖽑𖽙𖾐 𖼷𖽑𖽡𖾐 𖼣𖽙 𖼞𖽑𖽚 𖼠𖽙𖾑 𖼦𖽑𖽙𖾐，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑． 11 𖼽𖽡 𖼐𖽚 𖼳𖽸𖾑 𖼠𖽶𖾐 𖼦𖽑𖽙𖾐 𖼐𖽺𖾐 𖼣𖽙 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐 𖼳𖽶𖾐 𖼦𖽑𖽙𖾐．
12 𖼠𖽺𖾐 𖼐𖽕 𖼳𖽶 𖼷𖽑𖽡𖾐 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼄𖽔 𖼖𖽴𖾑 𖼖𖽡𖽦𖾑 𖼊𖽑𖽺 𖼽𖽚𖾐． 13 𖼄𖽔 𖼖𖽴𖾑 𖼖𖽡𖽦𖾑 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼠𖽺𖾐 𖼐𖽕 𖼹𖽦𖾑 𖼦𖽑𖽦 𖼦𖽑𖽙𖾐 𖼖𖽡𖾐 𖼷𖽑𖽡𖾐 𖼞𖽑𖽚 𖼠𖽙𖾑 𖼦𖽑𖽙𖾐，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑． 14 𖼠𖽺𖾐 𖼐𖽕 𖼠𖽶𖾐 𖼦𖽑𖽙𖾐 𖼷𖽑𖽡𖾐 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐 𖼳𖽶𖾐 𖼦𖽑𖽙𖾐．
15 𖼄𖽔 𖼖𖽴𖾑 𖼖𖽡𖽦𖾑 𖼮𖽑𖽡𖽚 𖼷𖽑𖽡𖾐 𖼣𖽙 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼽𖽔 𖼖𖽡𖽦𖾑 𖼊𖽑𖽺 𖼽𖽚𖾐．
16 𖼽𖽔 𖼖𖽡𖽦𖾑 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼄𖽔 𖼖𖽴𖾑 𖼖𖽡𖽦𖾑 𖼹𖽦𖾑 𖼦𖽑𖽦 𖼦𖽑𖽙𖾐 𖼺𖽙𖾐 𖼷𖽑𖽡𖾐 𖼞𖽑𖽚 𖼠𖽙𖾑 𖼦𖽑𖽙𖾐，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑．
17 𖼄𖽔 𖼖𖽴𖾑 𖼖𖽡𖽦𖾑 𖼦𖽑𖽦 𖼦𖽑𖽙𖾐 𖼠𖽶𖾐 𖼷𖽑𖽡𖾐 𖼣𖽙 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐 𖼳𖽶𖾐 𖼦𖽑𖽙𖾐．
18 𖼽𖽔 𖼖𖽡𖽦𖾑 𖼊𖽑𖽡 𖼦𖽑𖽙𖾐 𖼮𖽑𖽡𖽚 𖼷𖽑𖽡𖾐 𖼐𖽑𖽡 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼽𖽡 𖼐𖽚𖾑 𖼊𖽑𖽺 𖼽𖽚𖾐． 19 𖼽𖽡 𖼐𖽚𖾑 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼽𖽔 𖼖𖽡𖽦𖾑 𖼹𖽦𖾑 𖼦𖽑𖽦 𖼦𖽑𖽙𖾐 𖼞𖽑𖽚 𖼠𖽙𖾑 𖼦𖽑𖽙𖾐，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑． 20 𖼽𖽔 𖼖𖽡𖽦𖾑 𖼠𖽶𖾐 𖼦𖽑𖽙𖾐 𖼮𖽑𖽡𖽚 𖼷𖽑𖽡𖾐 𖼐𖽑𖽡 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐 𖼳𖽶𖾐 𖼦𖽑𖽙𖾐．
21 𖼽𖽡 𖼐𖽚𖾑 𖼮𖽑𖽡𖽚 𖼷𖽑𖽡𖾐 𖼣𖽙 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐， 𖼄𖽔 𖼊𖽑𖽪 𖼺𖽔 𖼖𖽔𖾐 𖼊𖽑𖽺 𖼽𖽚𖾐． 22 𖼄𖽔 𖼊𖽑𖽪 𖼺𖽔 𖼖𖽔𖾐 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼽𖽡 𖼐𖽚𖾑 𖼺𖽙𖾐 𖼦𖽑𖽙𖾐 𖼞𖽑𖽚 𖼄𖽙𖾐 𖽂𖽙 𖼺𖽙𖾐 𖼂𖽙𖾐 𖼊𖽑𖽺 𖼊𖽻 𖼮𖽶𖾐 𖼮𖽻𖾑 𖼊𖽴，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑． 23 𖼽𖽡 𖼐𖽚𖾑 𖼺𖽙𖾐 𖼦𖽑𖽙𖾐 𖼮𖽑𖽡𖽚 𖼷𖽑𖽡𖾐 𖼣𖽙 𖼞𖽑𖽚 𖼊𖽺𖾐 𖼊𖽑𖽺 𖼮𖽻𖾐， 24 𖼽𖽻 𖽂𖽙 𖼺𖽙𖾐 𖼂𖽙𖾐 𖼊𖽑𖽺 𖼊𖽻 𖼮𖽶𖾐 𖼮𖽻𖾑 𖼊𖽴 \fr 5．24 \ft “𖼊𖽻 𖼮𖽶𖾐 𖼮𖽻𖾑 𖼊𖽴 ” 𖼳𖽡𖾐 𖼂𖽚 𖼖𖽦 𖼈𖽪𖾐 𖼞𖽑𖽶𖾐 “𖽂𖽙 𖼺𖽙 𖼂𖽙𖾐 𖼖𖽙𖾐 𖼮𖽑𖽻𖾐 𖼺𖽜 ” 𖼀𖽦𖾐 𖼺𖽪𖾐 𖼣𖽻𖾐．．𖽂𖽙 𖼺𖽙𖾐 𖼂𖽙𖾐 𖼽𖽻 𖼊𖽑𖽺 𖼹𖽶𖾐 𖼂𖽡𖾐 𖼽𖽡𖾐 𖼺𖽺𖾑，𖼽𖽻 𖼊𖽺𖾐 𖼊𖽑𖽺 𖼄𖽔 𖼮𖽻𖾐 𖼦𖽑𖽙𖾐．
25 𖼄𖽔 𖼊𖽑𖽪 𖼺𖽔 𖼖𖽔𖾐 𖼊𖽑𖽡 𖼦𖽑𖽙𖾐 𖼦𖽑𖽦 𖼷𖽑𖽡𖾐 𖼳𖽶 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼖𖽔𖾐 𖼄𖽦𖾑 𖼊𖽑𖽺 𖼽𖽚𖾐． 26 𖼖𖽔𖾐 𖼄𖽦𖾑 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼄𖽔 𖼊𖽑𖽪 𖼺𖽔 𖼖𖽔𖾐 𖼹𖽦𖾑 𖼳𖽶 𖼦𖽑𖽙𖾐 𖼦𖽑𖽦 𖼷𖽑𖽡𖾐 𖼐𖽑𖽡 𖼞𖽑𖽚 𖼠𖽙𖾑 𖼦𖽑𖽙𖾐，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑． 27 𖼄𖽔 𖼊𖽑𖽪 𖼺𖽔 𖼖𖽔𖾐 𖼠𖽶𖾐 𖼦𖽑𖽙𖾐 𖼮𖽑𖽡𖽚 𖼷𖽑𖽡𖾐 𖼠𖽶𖾐 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐 𖼳𖽶𖾐 𖼦𖽑𖽙𖾐．
28 𖼖𖽔𖾐 𖼄𖽦𖾑 𖼊𖽑𖽡 𖼦𖽑𖽙𖾐 𖼦𖽑𖽦 𖼷𖽑𖽡𖾐 𖼐𖽑𖽡 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼻𖽙 𖼊𖽑𖽡 𖼽𖽚𖾐 𖼮𖽻𖾐． 29 𖽃𖽔𖾐 𖼺𖽺𖾑，𖼽𖽻 𖼊𖽑𖽺 𖼐𖽚 𖼽𖽕𖾑 𖼄𖽡𖾐，𖼀𖽦𖾐：“𖼽𖽺𖾐 𖼦𖽴 𖼦𖽫 𖼄𖽡𖾑 𖼐𖽦𖾐 𖼊𖽑𖽺 𖼮𖽙 𖼰𖽪𖾑 𖼦𖽑𖽻𖾐 𖼺𖽺𖾑，𖼣𖽙𖾐 𖼈𖽳𖾐 𖼄𖽡𖽻 𖼄𖽪𖾐 𖽂𖽙 𖼞𖽶𖾐，𖼳𖽚𖾑 𖼞𖽑𖽪 𖼠𖽻𖾐 𖼰𖽡𖽳𖾐．𖽃𖽔𖾑 𖼄𖽳𖾐 𖼻𖽙 𖼦𖽑𖽺𖾑 𖼽𖽚𖾐 𖼷𖽑𖽜𖾑 𖼷𖽑𖽜𖾐 𖼣𖽙𖾐 𖼈𖽳𖾐 𖼞𖽜 𖼦𖽑𖽺𖾑 𖼠𖽻𖾐 𖼞𖽑𖽶𖾐 𖼮𖽑𖽻𖾐 𖼐𖽑𖽧𖾐 𖼍𖽡𖾐 𖽂𖽙𖾐 𖼊𖽻𖾐．” 30 𖼐𖽚 𖼽𖽕𖾑 𖼊𖽑𖽺 𖼽𖽚𖾐 𖼠𖽙𖾑 𖼍𖽻𖾐，𖼖𖽔𖾐 𖼄𖽦𖾑 𖼹𖽦𖾑 𖼣𖽙 𖼦𖽑𖽙𖾐 𖼠𖽶𖾐 𖼷𖽑𖽡𖾐 𖼣𖽙 𖼞𖽑𖽚 𖼠𖽙𖾑 𖼦𖽑𖽙𖾐，𖼦𖽑𖽔𖾐 𖼖𖽺𖾑 𖼻𖽙 𖼦𖽑𖽨𖾐 𖼐𖽜𖾐 𖼖𖽡𖾑． 31 𖼖𖽔𖾐 𖼄𖽦𖾑 𖼳𖽶 𖼦𖽑𖽙𖾐 𖼳𖽶 𖼷𖽑𖽡𖾐 𖼳𖽶 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐 𖼳𖽶𖾐 𖼦𖽑𖽙𖾐．
32 𖼐𖽚 𖼽𖽕𖾑 𖼣𖽙 𖼦𖽑𖽙𖾐 𖼞𖽑𖽚 𖼖𖽚 𖼞𖽑𖽶𖾑 𖼮𖽶𖾐，𖼽𖽻 𖼻𖽙 𖼺𖽙𖾐 𖼽𖽚𖾐 𖼮𖽻𖾐，𖼳𖽔、 𖼦𖽕 𖼐𖽺𖾐 𖼽𖽔 𖼇𖽮 𖼄𖽡𖾐．