Nyaraga cĩ ẽẽn Ramma cĩ ẽhẽẽd
Yoanẽ
Thawinet kĩ lawinit
1
Nyaraga cĩ aku ĩcannĩ Yoanẽ makayyioit cĩ meelitin cĩ lemnyiowu coo.Kẽhẽẽda na Nyaraga coo, õkkõ ngaawa ĩcĩ balna ẽbẽra Nyekuci kĩ dõõlĩ cĩgĩnĩka vẽlẽk cĩk kamĩnani na thõõtha cĩ ẽẽn dĩdĩ, ĩthõng ĩmĩnanit ĩnõõgõ eeta vẽlẽk cĩk aga thõõth cĩ ẽẽn dĩdĩ, 2 nyatarka aavu thõõth cĩ ẽẽn dĩdĩ ĩcĩnac, ĩthõng alna katĩ gõõ ĩcĩnac kũdũt.
3 Anycĩk Nyekuc Baangiet kĩ Yesu Kiristob Ngẽrĩnĩ kaanycet ageeta bũnnathĩt, kĩ tamati, kĩ ganõn, ĩthõng aavutõ katĩ nẽẽgẽ kĩ ageeta thõõtha ĩcĩ ẽẽn dĩdĩ, kĩ mĩnana.
Thõõth cĩ ẽẽn dĩdĩ kĩ mĩnan
4 Katali balna na õrrõt ngĩ kathihi mĩ athĩ ne, õwõb doolia cugunniek gwuak thõõth cĩ ẽẽn dĩdĩ, kĩ balna ngĩ aduwacet Baangietĩ cĩnac ageeta kĩdĩmanit. 5 Ĩthõng thĩ, yoko ngaa cĩ kamĩnani wo, athii cĩ kẽhẽdaci na tĩrĩthẽnĩt cĩ jõr, ĩthõng thĩ, kẽhẽdaci thõõth wũ balna kalimaneci ĩcĩ owu vẽlẽk. Kajinie balna na kathĩ ne, kĩmĩnantõy thẽk nyaguana naaga vẽlẽk. 6 Athĩ thõõth cĩ athĩ mĩnan wo ne, kĩthĩrarit tĩrĩthẽntiok cĩk Nyekucak. Ĩthõng tĩrĩthẽntĩ cĩnnẽ wũ balna athĩknu niigia ĩcĩ owu, cĩ athĩ nẽ ne, ĩmĩnantõy nyaguana.
7 Kaduwacung na agiit thõõth coo, nyatarka ĩthĩ mẽẽlĩ volongnyiaha cĩk aavutõ looca coo õrrõt. Ẽpẽkan nẽẽgẽ athĩ ne, athii balna Yesu Kiristo cĩ ayak ẽlẽ. Ẽẽn eeta cĩk õgõõn noko wo, volongnyiak, ĩthõng ẽẽn nẽẽgẽ mĩrõk cĩk Kiristo. 8 Ĩcĩnĩt jurrung, nyĩ anyiccu thõõth wũ balna iticantu niigia kithii, ma ngĩ ithii, athii woccia cĩ anyĩwothicung dũmanĩ cobbi. 9 Mĩ woccia eeti ĩmma ĩcunung ngĩ ũtũwũ thõõth cĩ Kiristo wũ balna alimanothicung agiitia, athii woccia cĩ aavĩ nẽ Nyekuca. Ĩthõng thĩ, mĩ alnanu athunnu thõõth wũ balna alimanothicung, aatĩ katĩ Baangietĩ kĩ Ngẽrĩnĩ ĩcunung. 10 Mĩ ikiyyiawung eeti ĩmma meelitina cunung ĩcĩ lemnyiowu, ĩthõng athii cĩ ayaha liman cĩ thõõth cĩ ẽẽn dĩdĩ cĩ Kiristo, nyĩ anyiccu et nĩco kẽtẽẽha korookjiok cuguk, kõdẽ nyĩ elemnyu ĩnõõnõ. 11 Eeti ĩmma cĩ ẽlẽmĩ ĩnõõnõ, õthõl nẽ kĩ ĩnõõnõ thoothonniok cĩgĩnĩk cĩk gerthek wo kõdõwẽ.
Thawinet cĩ aturna