Puponogo ka bambanzʉ katʉkya ka Adhamʉ kadhwɛ ka Nʉa
5
1 Puponogo ka bomika Adhamʉ na bomiko-mikakɨ nɨyɨ :Lɨsyɛ li nɨlɔ Kunzi ʉgya ndɨ mino bambanzʉ, ʉgya ndɨ ka likingyosi kakɨ bɨkpɛ. 2 Agya ndɨ mʉlʉkʉ ɨbʉ na muko. Lɨsyɛ li nɨlɔ aka lɔ, udukulyo ndɨ bʉbʉnga na ʉlʉka bɛ « bambanzʉ. »
3 Nɨyɔ Adhamʉ odhwiso byanga mɨya bemoti na batɛkɛbɛ basaa, abʉkʉta miki mʉlʉkʉ yi nɨnɔ abyɛ ndɨ kʉgbɛ. Alʉka bɛ Seti. 4 Kumbuso kabʉkʉta Seti, Adhamʉ asyɛsyɛ ndɨ bata byanga bamɨya bʉgɨna. bʉkʉtaga ndɨ gɔnɨ bomiki balʉkʉ na boko bi bagɔgɔ. 5 Ka mulibo, okwo ndɨ nɨ otulyosini byanga bamɨya kʉbɔmʉ na batɛkɛbɛ basaa.
6 Nɨyɔ Seti odhwiso byanga mɨya bemoti na kubukumuti, abʉkʉta kʉwa ndɨ Enosi. 7 Kumbuso kabʉkʉta Enosi, Seti asyɛsyɛ ndɨ bata byanga bamɨya bʉgɨna na madɨya na ɨka. bʉkʉtaga ndɨ gɔnɨ bomiki balʉkʉ na boko bi bagɔgɔ. 8 Ka mulibo, okwo ndɨ nɨ otulyosini byanga bamɨya kʉbɔmʉ na tɛkɛbɛ na bɨba.
9 Nɨyɔ Enosi odhwiso byanga batɛkɛbɛ kʉbɔmʉ, abʉkʉta kʉwa ndɨ Kenani. 10 Kumbuso kabʉkʉta Kenani, asyɛsyɛ ndɨ bata byanga bamɨya bʉgɨna na tɛkɛbɛ na kubukumuti. bʉkʉtaga ndɨ gɔnɨ bomiki balʉkʉ na boko bi bagɔgɔ. 11 Ka mulibo, Enosi okwo ndɨ nɨ otulyosini byanga bamɨya kʉbɔmʉ na kubukumuti.
12 Nɨyɔ Kenani odhwiso byanga batɛkɛbɛ madɨya na ɨka, abʉkʉta kʉwa ndɨ Mahalaleli. 13 Kumbuso kabʉkʉta Mahalaleli, Kenani asyɛsyɛ ndɨ bata byanga bamɨya bʉgɨna na batɛkɛbɛ bakwanganya. bʉkʉtaga ndɨ gɔnɨ bomiki balʉkʉ na boko bi bagɔgɔ. 14 Ka mulibo, Kenani okwo ndɨ nɨ otulyosini byanga bamɨya kʉbɔmʉ na tɛkɛbɛ.
15 Nɨyɔ Mahalaleli odhwiso byanga batɛkɛbɛ madɨya na kubukumuti, abʉkʉta kʉwa ndɨ Yaledhi. 16 Kumbuso kabʉkʉta Yaledhi, Mahalaleli asyɛsyɛ ndɨ bata byanga bamɨya bʉgɨna na batɛkɛbɛ basaa. bʉkʉtaga ndɨ gɔnɨ bomiki balʉkʉ na boko bi bagɔgɔ. 17 Ka mulibo, Mahalaleli okwo ndɨ nɨ otulyosini byanga bamɨya bʉgɨna batɛkɛbɛ kʉbɔmʉ na kubukumuti.
18 Nɨyɔ Yaledhi odhwiso byanga mɨya bemoti batɛkɛbɛ madɨya na bɨba, abʉkʉta kʉwa ndɨ Enoki. 19 Kumbuso kabʉkʉta Enoki, Yaledhi asyɛsyɛ ndɨ bata byanga bamɨya bʉgɨna. bʉkʉtaga ndɨ gɔnɨ bomiki balʉkʉ na boko bi bagɔgɔ. 20 Ka mulibo, Yaledhi okwo ndɨ nɨ otulyosini byanga bamɨya kʉbɔmʉ batɛkɛbɛ madɨya na bɨba.
21 Nɨyɔ Enoki odhwiso byanga batɛkɛbɛ madɨya na kubukumuti, abʉkʉta kʉwa ndɨ Metusela. 22 Enoki a ndɨ wakɨgʉmya ka Kunzi. Kumbuso kabʉkʉta Metusela, Enoki asyɛsyɛ ndɨ bata byanga bamɨya basaa. bʉkʉtaga ndɨ gɔnɨ bomiki balʉkʉ na boko bi bagɔgɔ. 23 Ka mulibo, Enoki asyɛsyɛ ndɨ byanga bamɨya basaa batɛkɛbɛ madɨya na kubukumuti. 24 Enoki a ndɨ wakɨgʉmya ko Kunzi. Kumbuso yi olimikogo ndɨ bɨpɛlɛ kyɛ Kunzi ava ndɨ kaiko pa imoti na ɨyɨ.
25 Nɨyɔ Metusela odhwiso byanga mɨya bemoti batɛkɛbɛ bʉgɨna na madɨa na ɨka, abʉkʉta kʉwa ndɨ Lameki. 26 Kumbuso kabʉkʉta Lameki, Metusela asyɛsyɛ ndɨ bata byanga bamɨya madɨya na ɨka batɛkɛbɛ bʉgɨna na bɨba. bʉkʉtaga ndɨ gɔnɨ bomiki balʉkʉ na boko bi bagɔgɔ. 27 Ka mulibo, Matusela okwo ndɨ nɨ otulyosini byanga bamɨya kʉbɔmʉ batɛkɛbɛ madɨya na kʉbɔmʉ.
28 Nɨyɔ Lameki odhwiso byanga mɨya bemoti batɛkɛbɛ bʉgɨna na bɨba, abʉkʉta kʉwa ndɨ miki mʉlʉkʉ yi. 29 Abɨkya bɛ : « Miki yi nɨmʉ nɔ atɨkpaga ndɛkɛ bamomiso-miso katʉkya ka mogubho kusu mapʉpʉ nɨmɔ tagyaga ndɛkɛ na mabɔkʉ kyɛ Kunzi agbongoni ndɨ ɔbɨlɨ. » Alʉka ndɨ bɛ Nʉa. 30 Kumbuso kabʉkʉta Nʉa, Lameki asyɛsyɛ ndɨ bata byanga bamɨya kubukumuti batɛkɛbɛ kʉbɔmʉ na kubukumuti. bʉkʉtaga ndɨ gɔnɨ bomiki balʉkʉ na boko bi bagɔgɔ. 31 Ka mulibo, Lameki okwo ndɨ nɨ otulyosini byanga bamɨya madɨya na ɨka batɛkɛbɛ madɨya na ɨka na madɨya na ɨka.
32 Nɨyɔ Nʉa odhwiso byanga bamɨya kubukumuti, ʉbʉkʉtaga kʉwa ndɨ Semu, Hamu na Yafeti.