Rsumbain pa rwaka tniulla-sniayn la Itmatromlawanni Makdenrer die
123
Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni la'a letlawna Yerusalem (Nhiara Ziarah):
Awuatniar la heyanan pa awuewiei O wniahlamu Matroma!
Yoma O' e Mumtatan la Ilyamou-Watyatoha pa Muodi plolli-mneheni.
2 Emeknekama hopopna e rawniair to'ola matromni,
emkade nekpa am mpei reria O tniulanmu-sniayanmu mai ami.
Matroma!
O de a Uplerlawan mamni,
Makdenrer die!
3 Mtiulla-msiayn ami Matroma!
Mtiulla-msiayn ami!
Yoma lawan rehi oleka la rira rapolu-raliella ami Matroma.
4 Ne mak kre'a-mak taru rhi' am lia punyaini-nernerni.
Mak kpo'ona-kraka re rwahi wikni la mai ami
pa ampak de hadewa,
Matroma!