Itmatromlawanni Ray miaka kodi liarni inhatta
93
Itmatromlawanni de Makdenreri E'a.
E' de Ray inhatta.
E Nodi plolli-ntaryatu,
me ruri-lai mak penpuenu tetema pa emeknekama ray ida mak kamrehi-kamda'ar nohora ray naniayarni de.
Itmatromlawanni Nhi' pa nohkerna-rai miarna nayarir die npitu-nkora,
me edonna nlika-nwo'la la genni.
2 Matroma,
liwangenmu naniohora la ululu genni.
La' ler maka noha gergera-tatiah ma'ta de O' ed olek la wa.
3 La' hletan lawna-yoir lawan de nayetni-nawaran la yo'or lawna-anin lawna.
Matroma!
Anni meranni pa yo'ora ndudmu-ndudmu!
4 Mere Itmatromlawanni Nodi plolli la Ilyamou-Watyatoha de Nareh mieman la yo'or lawna-anin lawna yetanni
la hletna-yoir maka kame'eta-ka'anni.
5 Matroma,
O deulu-tatarmu riormu-liaimu rden nek la pa nodi liarni.
La' O rommu de nmou rieri-nwitan reri ululu genni pa nodi liarni.