Rsumbain pa rwaka Uplerlawna tniulla-sniayanni
54
Daud kieheni-nhiarni maka ha rala la mak khi' o'tani la mak kwatunu-kwahniara.
Rwahniar de rlernohora hitara-fiolaa tnietni.
La' nhiar di Daud nsumbaini
2 me nakot nohora la'pa makden Sifi rmai pia rod lir la Saul,
niwra Daud nade'a la ir genni:
3 Matromlawnu ne!
Orgahamu Muala rurmu-laimu pa ma Mumori-mulewn a'u!
O' ed mak kodi plolli!
Muodnian a lia riy mak kaklak a'u gaini ralamni.
4 Uplerlawnu ne!
Mhueri tlinmu la a polpuo'lu-wakwa'ku di.
Mtiulan pa Mutail mai a'u.
5 Yoma riy mak kpo'ona-kraka ri rwatikil pa riwra rler temna a'u.
Riy maklekla-makdiaini re rwaror pa rwenn a'u.
Ir edonna rwadan nohora Uplerlawna.
6 Mere Uplerlawna ed maka ktulan la mai a'u.
Matro'mu ed mak kodnian a'u.
7 Hota E' ed maka kukmua a' arwa'lu de Nnair owa'ana ir yatni-halli,
ne Nwunu-nwenna re,
yoma E Nden rer pia Ntulla-nsayn reri a'u.
8 Agala a ralma plele'eru pa agala nhioi-tniani la O'a,
me a'u'uli-uwedi O'a,
yoma O kalwiedmu mai a'u Matroma.
Makdenreri O'a!
9 O' ed mak kahal doinia kropna-krieutu lui-nuhru polpuol ina-wakwak ama mai a'u,
ne amueh'a umkek memna la' a ma'tu de arwa'lu re rla' yawa.