Filemon i

Sura i Paulus ka

i Filemon

Vamba nu Tesa

Sura hitu nipakatu i Paulus ka i Filemon. I Filemon topomparasaya anu nakalumana bo nadea batuana. Ia nonturo ri ngata Kolose bo todea topomparasaya hamai nasiromu nosambaya ri banuana. Naria saito batuana nosanga i Onesimus. I Onesimus nalai lako nte madikana i Filemon, bo hau ri ngata mbaso Roma. Tempo haitu i Paulus nitarunggu ri ngata Roma sabana nompatolele Kareba Belo. Ledo nisanita berimba, tapi i Onesimus nosinggava nte i Paulus ri ngata Roma, bo ante pepatuduki bo petulungi i Paulus, i Onesimus nomparasaya i Yesus.

Naupu sia, i Paulus nantudu i Onesimus manjili hau nte madikana i Filemon, bo nipakatu muni sura hitu. Riara sura hitu, i Paulus nerapi i Filemon mantarima mpanjili batuana i Onesimus. I Paulus nerapi i Filemon mantarima i Onesimus ante mabelo, domo aga mpo batuana tapi mpo sampesuvuna sampomparasaya.

Isi nu Sura

Petabe (1-3)

I Paulus nantoiya i Filemon sabana pepotovena bo pomparasayana (4-7)

I Paulus nerapi ala i Filemon mombaampungi i Onesimus mpanjili (8-22)

Petabe Kaupuna (23-25)