Zhã
sábá nə̀lyè nyân dɛ́ ń kɛ̃ mɔ́
Sɛ́bɛ́ rɛ́ tɛ̀bɛ́ myɛ wɔ́ Zhã ń kɛ̃ dɛ. Sə ń byẽ̀ ń cìn rə̀ wẽ́ bə̀ “Kristə-lyì gùlú w yé né cə́bal”. Ń kɛ̃ sɛ́bɛ́ rɛ́ n pə “kɛ̃ mə̀dù ǹdə́ ń byâ” nɛ. Kɛ̃ mɔ́ wɔ́ Yi rə̀ cír mo. Lwarna bʼè də̀ kɛ̃ páá nɛ ń kɛ̃ sɛ́bɛ́ rɛ́ n pə yé. Wɔ́ Kristə-lyì gùlú òdù ń byẽ̀ bə̀ “kɛ̃”, ò lyì bí zɛ̃̀ bə̀ wɔ́ “kɛ̃ mɔ́ byâ bɛ́”.
Lyì yʼà tú Kristə-lyì gùlú w wẽ́ bə̀ nʼê byili ò lyì bí zɔ̀mà nyɛ̀bɛ́ nə̀myɛ́ ǹdə́ yò-ècɔ̀nɔ̀ nyí rí nyə̀ná nɛ́ də̀ rə̀dù. Wɔ́ rə̀myɛ́ è ce n kɛ̃ sɛ́bɛ́ rɛ́ n pə bɛ mùnì bə dɛ̃̀ bə̀ cìn ǹdə́ lyì bí bə̀myɛ́ mɔ́. N cící bi bə̀ bə̀ swéné dwã, sə bə zə kɔn dɛ̀bɛ́ gakó bə̀ cèrhè bè Yezu Kristə shò-kwã nɛ́ mɔ́ kẽkẽ.