ས༌
4
སད༌དུ༌ཀི༌པ༌གུན༌ སད༌དུ༌ཀི༌པ༌གུན༌ནི༌ ཞལ༌ཆད༌ སྙིང༌པའེ༌ སྤེ༌ཆ༌ 39 ནང༌ནེ༌ དཀོན༌མཆོག༌གི༌ མོ༌ཟེས༌ལ༌ བྲི༌ཅུག༌ག༌ ཛད༌ཁན༌ནི༌ གོ༌མའེ༌ སྤེ༌ཆ༌ ལྔ༌ ཅིག༌པོའེ༌ཀ༌ ཏད༌པ༌ ཅོའད༌པིན༌ ཏེན༌ན༌བོ༌ མི༌གུན༌ལ༌ ལབ༌ཞ༌ ཏང༌ངད༌པིན༌།
ཁོང༌གུན༌ནི༌ ཕོ༌ཉ༌ དང༌ མི༌ ཤི༌ཏེ༌ སོན༌ཏེའ༌ ལང༌ཅེས༌པོའེ༌ ནང༌ང༌ ཏད༌པ༌ མ༌ཅོས༌པ༌,
ཕ༌རུ༌ཤི༌པ༌གུན༌ ཉམ༌པོ༌ ཛིང༌མོ༌ ཆའད༌པིན༌།
ས༌མར༌རི༌ཡཱ༌པ༌ ཡ༌ཧུ༌དཱ༌པ༌,
ཡ༌ཧུ༌དཱ༌པ༌ མན༌ཁན༌གུན༌ ཉམ༌པོ༌ ན༌མ༌ ཅོ༌ཁན༌གུན༌ནི༌ པུར༌གྱུད༌གུན༌ ས༌མར༌རི༌ཡཱ༌པ༌ ཨིན༌པིན༌ ཡང༌ ཡ༌ཧུ༌དཱ༌པ༌ ཙོགས༌ལ༌ ཁོང༌གུན༌ནི༌ དཀོན༌མཆོག༌ག༌ ཡེ༌རུ༌ཤ༌ལེམ༌མི༌ ནང༌ང༌ ཅོལ༌ལ༌ མེད༌པིན༌།
ཏེན༌ན༌བོའེ༌ ཕིའ༌ ཡ༌ཧུ༌དཱ༌པ༌གུན༌ནི༌ ཁོང༌གུན༌ལ༌ ཚི༌ཏུ༌ ཐེས༌ཏེ༌ ཁོང༌གུན༌ ཉམ༌པོ༌ བྲེལ༌ བོར༌ར༌ མེད༌པིན༌།
སམ༌སོན༌ ༼ཆག༌ལས༌གུན༌ 3:24, 13:20,
ཨིབ༌རི༌པ༌ 11:32༽,
ཨིས༌ར༌ཨེལ༌པའེ༌ གྱལ༌པོ༌གུན༌ནི༌ ཀེ༌ནན༌ ཡུལ༌ལི༌ ནང༌ང༌ ཝང༌སྲུལ༌ཅེས༌ གོ༌ཟུག༌གི༌ སང༌ སྔུན༌ལ༌,
སམ༌སོན༌ ཁོང༌གུན༌ནི༌ འུ༌སྐྱོང༌གུན༌ནི༌ ནང༌ནེ༌ ཅིག༌ཅིག༌ ཨིན༌པིན༌།
ཟུགས༌པོའེ༌ ཐོག༌ནེ༌ ཁོ༌ ཧ༌ལས༌ཤེས༌སི༌ ཤེད༌ཅན༌ ཡོད༌པིན༌ ཀ༌བོ༌ ཁོའ༌ དཀོན༌མཆོག༌གི༌ ཅིན༌ལབས༌ཤིག༌ ཨིན༌པིན༌།
ལན༌ མང༌པོ༌ ཁོ༌ ཁོ༌རང༌ ཅིག༌པོའེ༌,
ཨིས༌ར༌ཨེལ༌པའེ༌ གྲ༌འོ༌གུན༌ ཉམ༌པོ༌ ནོལས༌,
ཡང༌ ཕམ༌ སྲན༌ཏྲེ༌ ཀལས༌།
སཱ༌ར༌ ༼རོམ༌པ༌ 4:19, 9:9,
ཨིབ༌རི༌པ༌ 11:11,
པི༌ཏྲར༌ ཏང༌པོ༌ 3:20༽,
ཨབ༌ར༌ཧམ༌མི༌ སྐོར༌ལ༌ བྲིས༌ཁན༌བོའེ༌ཀ༌ ཟིགས༌།
སི༌ནཱའི༌ དཀོན༌མཆོག༌གི༌ ཨིས༌ར༌ཨེལ༌པ༌གུན༌ ཉམ༌པོ༌ ཆད༌དོན༌ ཅོའ༌ ཛད༌ཏེ༌,
མོ༌ཟེས༌ལ༌ བཀའ༌རྒྱ༌ རྕུ༌ རྡོའེ༌ཀ༌ བྲིས༌ཏེ༌ སལ༌ལ༌ ཛད༌ཁན༌ནི༌ རི༌བོའ༌ སི༌ནཱའི༌ རི༌ ཟེར༌ར༌ནོག༌།
སུན༌ནད༌ ཅུ༌ཅུའི༌ གོའེ༌ཀ༌ ཡོད༌ཁན༌ནི༌ ཐེ༌བ༌ པགས༌པ༌བོ༌ ཅད༌ཅེས༌པོའ༌ སུན༌ནད༌ ཅོ༌ཅེས༌ ཟེར༌ར༌ནོག༌།
ཡ༌ཧུ༌དཱ༌པའེ༌ ལུག༌སྲོལ༌ ནང༌ཞིན༌ ཕྲུ༌གུ༌ བུ༌ཚ༌གུན༌ལ༌ སྐྱེས༌ཏེ༌ ཞག༌མ༌ རྒྱད༌པའེ༌ ཞག༌ག༌ སུན༌ནད༌ ཅོ༌གོས༌སད༌པིན༌ ཅིའ༌ཟེར༌ན༌ དཀོན༌མཆོག༌གི༌ ཨབ༌ར༌ཧམ༌མ༌ ཏེ༌ཟུག༌ ཅོ༌ཅེས༌ལ༌ བཀའ༌ སལས༌།
ཏེ༌ཟུག༌ ཅོ༌ཅེས༌པོའེ༌,
ཡ༌ཝ༌ ཁོང༌གུན༌ནི༌ དཀོན༌མཆོག༌ ཡང༌ ཁོང༌གུན༌ ཡ༌ཝ༌ དཀོན༌མཆོག༌གི༌ མི༌ ཨིན༌ཁན༌ནི༌ སྟགས༌ སྟན༌ནད༌པིན༌།
སོ༌ལོ༌མོན༌ ༼མད༌ཐཱ༌ 1:6,7, 6:29; 12:42;
ལུ༌ཀ༌ 11:31; 12:27;
ཆག༌ལས༌གུན༌ 7:47༽,
སོ༌ལོ༌མོན༌ ནི༌ གྱལ༌པོ༌ དཱ༌བིད༌དི༌ བུ༌ཚ༌ ཡང༌ ཨིས༌ར༌ཨེལ༌པའེ༌ གྱལ༌པོ༌ ཀྲག༌པོ༌ཞིག༌ ཨིན༌པིན༌།
དཀོན༌མཆོག༌གི༌ ཁོའ༌ མི༌གུན༌ནི༌ཀ༌ ཝང༌སྲུལ༌ཅེས༌ལ༌ ཤེས༌རབས༌ ཀྲག༌པོ༌ སལ༌ པ༌སང༌ གྱལ༌པོ༌ ཚང༌མའེ༌ ནང༌ནེ༌ ཁོ༌ ཤེས༌རབས༌ཅན༌པོ༌ ཐེའད༌པིན༌།
དཀོན༌མཆོག༌གི༌ ཁོའ༌ ཡེ༌རུ༌ཤ༌ལེམ༌མི༌ ནང༌ང༌ ཁོང༌རང༌ངི༌ ཕིའ༌ ཆོད༌ཁང༌ རྩིག༌ཅེས༌ལ༌ ལྡམ༌མ༌ ཛདས༌།
སོས༌བུ༌ ཞན༌མ༌ཞིག༌གི༌ ཕྲུ༌གུ༌ ཁྲིམས༌ ནང༌ཞིན༌ རང༌ངི༌ ཕྲུ༌གུ༌ ཅོས༌ཏེ༌ ཁོའ༌ ཐོབ༌ཏང༌ ཚང༌མ༌ ཏང༌ཁན༌ནི༌ ཕྲུ༌གུ༌བོའ༌ སོས༌བུ༌ ཟེར༌ར༌ནོག༌།
སྐྱབ༌གོན༌ ཡེ༌ཤུའ༌ སྐྱབ༌གོན༌ནའང༌ མོལ༌ལ༌ ཛད༌དུག༌ ཅིའ༌ཟེར༌ན༌ སྡིག༌པ༌ མ༌ནེ༌ མ༌ཛད༌ཁན༌ནི༌ ཡེ༌ཤུའི༌ མི༌ཚང༌མའེ༌ སྡིག༌པའེ༌ ཆད༌པ༌ ནམས༌ ཡང༌ ཁོང༌གུན༌ནི༌ ཚབས༌ལ༌ ཀྲོངས༌ས༌ ཛད༌ཏེ༌ མི༌གུན༌ ཐར༌ཅེས༌སི༌ ལམ༌བོ༌ ཕེའ༌ཛདས༌།
ཏེ༌བོའེ༌ ཞས༌ཏེ༌ ཡེ༌ཤུ༌ མ༌ཤི༌ཀའེ༌ ནང༌ང༌ ཏད༌པ༌ ཅོ༌ཁན༌ ཚང༌མ༌ལ༌ དཀོན༌མཆོག༌གི༌ ཤགས༌པ༌ སལ༌ལ༌ནོག༌།
སྐུ༌ཚབས༌ ༼མད༌ཐཱ༌ 10:1-4;
མར༌ཀུས༌ 3:13-19;
ལུ༌ཀ༌ 6:12-16༽,
ཡེ༌ཤུའི༌ ཁོང༌ ཉམ༌པོ༌ བྲངས༌ཁན༌ རྕུག༌ཉིས༌པོ༌ ཁོང༌རང༌ངི༌ སྐུ༌ཚབས༌ལ༌ ལྡམ༌མ༌ ཛདས༌།
ཁོང༌གུན༌ནི༌ ཡེ༌ཤུ༌ ང༌དང༌ངི༌ སྡིག༌པ༌གུན༌ལ༌ ཤགས༌པ༌ ཐོབ༌ཅེས༌སི༌ ཕིའ༌ ཀྲོངས༌ཁན༌ནི༌ གའ༌མོའེ༌ ནས༌ཚུལ༌ ཤད༌ཨིན༌,
ཁོང༌ ཤི༌ཁན༌གུན༌ནི༌ ཕྲོ༌ནེ༌ སོན༌ཏེའ༌ ཞངས༌ཁན༌བོའེང༌ སྤང༌པོ༌ སལ༌ལད༌པིན༌།
སྡིག༌པ༌ ༼རོམ༌པ༌ 3:9-20, 6:23༽,
དཀོན༌མཆོག༌གི༌ བཀའ༌རྒྱ༌ དང༌ ཐུག༌གོངས༌ གུན༌ནི༌ གྱབ༌གལ༌ ཅོ༌ཅེས༌པོའ༌ སྡིག༌པ༌ ཟེར༌ར༌ནོག༌།
ཆུ༌ངུན༌ཞིག༌ ཨིན༌གྲོ༌ ཡ༌ ཆེན༌མོ༌ཞིག༌,
དཀོན༌མཆོག༌གི༌ ཕིའ༌ ཏེ༌བོ༌ སྡིག༌པ༌ ཨིན༌ནོག༌།
སྡིག༌པ༌རཱ༌ཙེ༌ སྡིག༌པ༌རཱ༌ཙེའ༌ ཧིན༌དི༌ སྐད༌དི༌ ནང༌ང༌ བིད༌ཆུ༌ ཟེར༌ར༌ནོག༌།
སྡིག༌པ༌རཱ༌ཙེའེ༌ ནག༌ཤ༌ ཟིགས༌ས༌ ཛད༌།
ཧ༌
ཧཱ༌གར༌ ༼གཱ༌ལ༌ཏི༌ཡ༌ 4:21-31༽,
ཧཱ༌གར༌,
ཨབ༌ར༌ཧམ༌མི༌ ན༌མ༌ སཱ༌རའེ༌ ཚེ༌ཡོག༌ བུ༌མོ༌ཞིག༌ ཨིན༌པིན༌།
སཱ༌རའེ༌ ཕྲུ༌གུ༌ མ༌ཇོར༌ པ༌སང༌ ཁོའེ༌ ཨབ༌ར༌ཧམ༌མ༌ ཧཱ༌གར༌ ཚེ༌ཡོག༌ ན༌མ༌ ཅོས༌ཏེ༌ ཁོའེ༌ ཕིའ༌ ཕྲུ༌གུ༌ ཇོར༌ཅུག༌ཅེས༌ལ༌ ཟེརས༌།
ཧཱ༌གར༌ལ༌ བུ༌ཚ༌ཞིག༌ ཇོར༌ ཡང༌ ཨིཤ༌མ༌ཨེལ༌ མིང༌ ཐགས༌།
ཨིཤ༌མ༌ཨེལ༌ ནི༌,
དཀོན༌མཆོག༌གི༌ ཨབ༌ར༌ཧམ༌མ༌ ཞལ༌ཆད༌ ཛད༌ཁན༌ནི༌ བུ༌ཚ༌བོ༌ མན༌པིན༌།
སྟིང༌ནེ༌ སཱ༌རའ༌ དཀོན༌མཆོག༌གི༌ ཨབ༌ར༌ཧམ༌མ༌ ཞལ༌ཆད༌ ཛད༌ཁན༌ནི༌ བུ༌ཚ༌བོ༌ ཇོར༌།
ལོ༌ ཁ༌ཅིག༌གི༌ སྟིང༌ནེ༌ སཱ༌རའེ༌ ཧཱ༌གར༌ ཏེ༌ ཡུལ༌ནེ༌ བིངས༌ཏེ༌ ཏངས༌པ༌,
ཧཱ༌གར༌ སི༌ནཱའི༌ རི༌ ཉེ༌ཁོར༌ལ༌ ཡོད༌སའེ༌ ནས༌ས༌གུན༌ནི༌ ནང༌ང༌ མི༌ཚེ༌ ཕུདས༌།
ཧ༌ཝ༌ ༼ཀོ༌རིན༌ཐི༌པ༌ 2 11:3;
ཏི༌མོ༌ཐི༌ ཏང༌པོ༌ 2:13,14༽,
དཀོན༌མཆོག༌གི༌ ཏང༌པོ༌ མི༌ ཨ༌དམ༌མི༌ ཀ༌ནེ༌ ཧ༌ཝ༌ ཅོའ༌ ཛདས༌།
ཧ༌ཝ༌ ནི༌,
ཨ༌དམ༌མི༌ ན༌མ༌ ཨིན༌པིན༌།
ཤེ༌ཏན༌ནི༌ ཧ༌ཝའ༌ གོབ༌སྐོར༌ཏེ༌ ཡ༌ཝ༌ དཀོན༌མཆོག༌གི༌ བཀའ༌ ཅག༌ཅུགས༌ཏེ༌ ཟའ༌ མི༌ཆོག༌ མོལ༌ཁན༌ནི༌ ཁ༌ཟས༌པོ༌ ཟའ༌ཅུགས༌།
ཏེ༌ཟུག༌ ཅོ༌ཅེས༌པོའེ༌ ཁོའེ༌ སྡིག༌པ༌ ཅོས༌,
ཡང༌ ཏེན༌ན༌ ཁ༌ཟས༌པོ༌ ཁོའེ༌ ཨ༌དམ༌མའང༌ ཟའ༌ལ༌ ཏངས༌།
ཏེ༌ཏུས༌ནེ༌ ཕར༌ལ༌ མི༌ཚང༌མའེ༌ སྡིག༌པ༌ ཅོ༌ཨིན༌ ཨིན༌ནོག༌།
ཧར༌མེས༌ ༼ཆག༌ལས༌གུན༌ 14:12༽,
ཧར༌མེས༌ ནི༌ གིརིས༌པ༌གུན༌ནི༌ ཅོལ༌ཁན༌ནི༌ ལྷ༌ཞིག༌ ཨིན༌པིན༌།
ཁོ༌ ཞན༌ ལྷ༌ལྷ༌མོ༌ གུན༌ནི༌ ལོན༌ཁྱེར༌ཁན༌བོ༌ ཨིན༌པིན༌།
ཧི༌སོབ༌ ༼ཡོ༌ཧཱ༌ནན༌ 19:29,
ཨིབ༌རི༌པ༌ 9:19༽,
ཧི༌སོབ༌ ནི༌ ལྕང༌མ༌ ཆུ༌ངུན༌ནི༌ རིགས༌ཤིག༌ ཨིན༌ནོག༌།
མི༌གུན༌ དཀོན༌མཆོག༌གི༌ སྐུན༌དུན༌ལ༌ ཏམ༌པ༌ ཅོ༌ཅེས༌སི༌ ཕིའ༌ བླ༌མ༌གུན༌ནི༌ ཧི༌སོབ༌བི༌ ཡལ༌ག༌ ཆོད༌པ༌ ཕུལ༌ཁན༌ནི༌ ཁྲག༌པོའེ༌ ནང༌ང༌ ཅུགས༌ཏེ༌ མི༌གུན༌ནི༌ཀ༌ ཐོར༌མ༌ ཏང༌ངད༌པིན༌།
ཧེ༌རོད༌ ཞལ༌ཆད༌ སོ༌མའེ༌ ནང༌ང༌ ཧེ༌རོད༌ ཟེར༌ཁན༌ནི༌ མི༌ ཞི༌ ཡོད༌ཏེ༌ ཨིན༌ནོག༌།
1. ཧེ༌རོད༌ གྱལ༌པོའ༌ ཧེ༌རོད༌ ཀྲག༌པོ༌ ཟེར༌རད༌པིན༌།
ཡེ༌ཤུ༌ ལྟམས༌སི༌ ཏུས༌ ཁོའེ༌ ཡ༌ཧུ༌དཱའེ༌ ཡུལ༌ལི༌ ནང༌ང༌ ཝང༌སྲུལ༌ལད༌པིན༌ ཡང༌ ཁོའ༌ ཞན༌ གྱལ༌པོ༌ཞིག༌ ལྟམས༌ཏོག༌ ཟེར༌ཏེ༌ ཚོར༌ར༌ཅིག༌ ཁོའེ༌ ཡེ༌ཤུ༌ སད༌ཅེས༌སི༌ རྩོན༌གྲུས༌ ཅོས༌།
༼མད༌ཐཱ༌ 2:1-22;
ལུ༌ཀ༌ 1:5༽,
2. ཡེ༌ཤུའི༌ ཆོས༌ཤད༌ཨིན༌ ལྟས༌གུན༌ སྟན༌ནི༌ ཏུས༌ གཱ༌ལིལ༌ལི༌ ཡུལ༌ལི༌ ནང༌ང༌ ཧེ༌རོད༌ ཨན༌ཏི༌པས༌སི༌ ཝང༌སྲུལ༌ལད༌པིན༌།
ཁོའེ༌ ཧེ༌རོ༌དཱིས༌ ཉམ༌པོ༌ ན༌མ༌ ཅོས༌,
ཡང༌ ཁོའེ༌ ཁྲུས༌སལ༌ཁན༌ ཡོ༌ཧཱ༌ནན༌ནི༌ གོ༌ ཅད༌ཅུགས༌ཏེ༌ ཨིན༌པིན༌།
ཡ༌ཧུ༌དཱ༌པ༌གུན༌ནི༌ ཡེ༌ཤུ༌ ཁོའེ༌ དུན༌ལ༌ ཁྲིམས༌ཅད༌དི༌ ཕིའ༌ ཁྱོངས༌།
༼མར༌ཀུས༌ 6:14-29;
ལུ༌ཀ༌ 23:6-12༽,
3. གྱལ༌པོ༌ ཧེ༌རོད༌ ཨག༌རི༌པ༌ ཏང༌པོའེ༌ ཡེ༌ཤུ༌ མ༌ཤི༌ཀའེ༌ ནང༌ང༌ ཏད༌པ༌ ཅོ༌ཁན༌ནི༌ གོ༌མའེ༌ ཆོས༌ཚོགས༌པོའ༌ ནགས༌ སྟནས༌།
ཁོའེ༌ ཡོ༌ཧཱ༌ནན༌ནི༌ ཨ༌ཅོ༌,
ཡ༌ཀོབ༌ སད༌ཏེ༌ ཨིན༌པིན༌།
༼ཆག༌ལས༌གུན༌ 12:1 ནི༌ 23༽,
4. གྱལ༌པོ༌ ཧེ༌རོད༌ ཨག༌རི༌པ༌ ཉིས༌པ༌ ནི༌ ཏེ༌ མི༌བོ༌ ཨིན༌པིན༌ ཀ༌བོའེ༌ དུན༌ལ༌ རོམ༌མི༌ ཀའ༌ལོན༌ནི༌ པ༌འུ༌ལུ༌ རོམ༌མི༌ གྱལ༌པོའེ༌ཀ༌ ཁྲིམས༌ཅད༌དི༌ ཕིའ༌ ཀལ༌ལི༌ སང༌ སྔུན༌ལ༌,
ཁོང༌རང༌ སྐྱོན༌མེད༌ ཨིན༌ཁན༌ནི༌ ཤགས༌ ཏང༌ཅེས༌ལ༌ ཁྱོངས༌ ༼ཆག༌ལས༌གུན༌ 25:13 ནི༌ 26:2, 26:19, 27-32༽།
ཨ༌
ཨ༌དམ༌ ༼ལུ༌ཀ༌ 3:38;
རོམ༌པ༌ 5:12-15,
ཀོ༌རིན༌ཐི༌པ༌ 1 15:22, 45, 46, 47;
ཏི༌མོ༌ཐི༌ ཏང༌པོ༌ 2:13, 14;
ཡུ༌དཱ༌ 1:14༽,
དཀོན༌མཆོག༌གི༌ ཛད༌ཁན༌ མི༌ ཏང༌པོ༌ ནི༌ ཨ༌དམ༌ ཨིན༌པིན༌།
ཨ༌དམ༌ ས༌ ཉམ༌པོ༌ ཅོའ༌ ཛད༌ནའང༌ ཁོ༌ དཀོན༌མཆོག༌ ཁོང༌རང༌ ཙོགས༌ ཡོད༌པིན༌།
ཨ༌དམ༌མི༌ ན༌མ༌ ཧ༌ཝ༌ ཨིན༌པིན༌།
ཨ༌དམ༌ དང༌ ཧ༌ཝ༌ ཉིས༌ཀོའེ༌ དཀོན༌མཆོག༌གི༌ བཀའ༌ ཁའ༌ མ༌ཉན༌ན༌ སྡིག༌པ༌ ཅོས༌།
ཏེ༌ནེ༌ཕར༌ལ༌ མི༌གུན༌ནི༌ སྡིག༌པ༌ ཅོ༌ཨིན༌ ཡོངས༌ཏེ༌ ཨིན༌ནོག༌།
ཨབ༌ར༌ཧམ༌ ཨབ༌ར༌ཧམ༌ ནི༌ དཀོན༌མཆོག༌གི༌ ཁག༌ཅན༌ མི༌,
ཨིས༌ར༌ཨེལ༌པའེ༌ ཏང༌པོ༌ ཕ༌མེས༌པོ༌བོ༌ ཨིན༌པིན༌།
ཨབ༌ར༌ཧམ༌མི༌ དཀོན༌མཆོག༌གི༌ ཁའ༌ཉན༌ཏེ༌ རང༌ངི༌ ཡུལ༌ ཕངས༌ཏེ༌ ཁོང༌ངི༌ ཞལ༌ཆད༌ ནང༌ཞིན༌ ཁོ༌ དང༌ ཁོའེ༌ པུར༌གྱུད༌གུན༌ལ༌ སལ༌ལ༌ ཛད༌ཅེས༌སི༌ སོ༌མ༌ ནས༌ས༌ སྐྱོདས༌།
ཏེ༌ ནས༌ས༌བོའ༌ དག༌ས༌ ཨིས༌ར༌ཨེལ༌ ཟེར༌ར༌ནོག༌།
ཨབ༌ར༌ཧམ༌མི༌ དཀོན༌མཆོག༌ག༌ ཏད༌པ༌ ཅོ༌ཅེས༌ དང༌ ཁའ༌ཉན༌ཅེས༌པོའེ༌ ཁོང༌ངི༌ ཨབ༌ར༌ཧམ༌ ཉམ༌པོ༌ ཆད༌དོན༌ཞིག༌ ཛདས༌།
དཀོན༌མཆོག༌གི༌ ཁོའ༌ ཅིན༌ལབས༌ སལ༌ཏེ༌ ཁོའེ༌ པུར༌གྱུད༌ནེ༌ མ༌ ཀྲག༌པོ༌ གྱལ༌ཁམས༌ ཅོའ༌ ཛད༌ཏེ༌ ཁོང༌གུན༌ ངལ༌ཚོ༌ཅེས༌ལ༌ ཡུལ༌ ཡང༌ གྱལ༌ཁམས༌ ཚང༌མ༌ ཁོ༌ གྱུད༌ཏེ༌ ཅིན༌ལབས༌ སལ༌ཨིན༌ མོལས༌།
ཨ༌བེལ༌ ༼མད༌ཐཱ༌ 23:35 ལུ༌ཀ༌ 11:51 ཨིབ༌རི༌པ༌ 11:4, 12:24༽,
ཨ༌བེལ༌ ནི༌ ཇིག༌རྟེན༌ནི༌ མི༌ ཏང༌པོ༌ ཨ༌དམ༌མི༌ བུ༌ཚ༌,
ཀ༌ཡིན༌ནི༌ ནོ༌ ཨིན༌པིན༌།
ཀ༌ཡིན༌ནི༌ སྐོར༌ལ༌ བྲིས༌ཁན༌བོའ༌ ཟིགས༌།
ཨ༌མེན༌ ༼རོམ༌པ༌ 1:25, 9:5,
ཀོ༌རིན༌ཐི༌པ༌ 1 14:16;
ཀོ༌རིན༌ཐི༌པ༌ 2 1:20;
ཡང༌ མང༌པོ༌༽,
ཨིབ༌རི༌པའེ༌ སྐད༌དི༌ ནང༌ང༌ ཨ༌མེན༌ནི༌ ཏོན༌བོ༌ ནི༌,
“འི༌བོ༌ གྲུབ༌ཤིག༌” ཡ༌ “འི༌བོ༌ ཇུང༌ཤིག༌” ཡ༌ “འི༌བོ༌ ཀྲང༌པོ༌ ཨིན༌ནོག༌” ཟེར༌ར༌ནོག༌།
ཨ༌རོན༌ ༼ལུ༌ཀ༌ 1:5;
ཆག༌ལས༌གུན༌ 7:40,
ཨིབ༌རི༌པ༌ 5:4, 7:11, 9:4༽,
ཡ༌ཀོབ༌བི༌ བུ༌ཚ༌ རྕུག༌ཉིས༌པོའེ༌ ནང༌ནེ༌ ཅིག༌,
ལི༌ཝི༌ པུར༌གྱུད༌ནེ༌ ཨ༌རོན༌ ཨིན༌པིན༌།
ཨ༌རོན༌ མོ༌ཟེས༌སི༌ ཨ༌ཅོ༌ ཨིན༌པིན༌།
ཁོང༌ ཉིས༌ཀ༌ ཨིས༌ར༌ཨེལ༌པ༌གུན༌ ཨི༌ཇིབ༌བི༌ ནང༌ང༌ ཚེ༌ཡོག༌ག༌ ཡོད༌ཏུས༌,
སྐྱེས༌ཏེ༌ ཨིན༌པིན༌།
ཨིས༌ར༌ཨེལ༌པ༌གུན༌ ཨི༌ཇིབ༌བི༌ ཚེ༌ཡོག༌ནེ༌ ཕིང༌ཅེས༌སི༌ ཕིའ༌,
ཨ༌རོན༌ནི༌ མོ༌ཟེས༌ལ༌ རོགས༌ ཅོས༌།
ཨ༌རོན༌ ནི༌ བླ༌མ༌ ཆེན༌མོའ༌ ལྡམ༌ཁན༌ནི༌ ཏང༌པོ༌ མི༌བོ༌ ཨིན༌པིན༌།
དཀོན༌མཆོག༌གི༌ མོལས༌,
“ཨིས༌ར༌ཨེལ༌པ༌གུན༌ནི༌ ཕིའ༌ བླ༌མ༌གུན༌ ཨ༌རོན༌ནི༌ གྱུད༌ནེ༌ ཡོང༌གོས༌།”
ཨི༌
ཨི༌ཇིབ༌ ཨི༌ཇིབ༌ ནི༌,
ཨིས༌ར༌ཨེལ༌ལི༌ ཁྱིམ༌ཚེས༌སི༌ ཡུལ༌ཞིག༌ ཨིན༌ནོག༌།
ཨིས༌ར༌ཨེལ༌པ༌གུན༌ ཨི༌ཇིབ༌བི༌ ནང༌ང༌ ལོ༌ 400 ཚེ༌ཡོག༌ག༌ ལུས༌ཏེ༌ ཨིན༌པིན༌།
༼ཆག༌ལས༌གུན༌ 7:34-38༽།
ཨིབ༌རི༌པ༌ ཨིབ༌རི༌པ༌གུན༌ལ༌ ཡ༌ཧུ༌དཱ༌པའང༌ ཟེར༌ར༌ནོག༌།
ཁོང༌གུན༌ ནི༌,
ཨབ༌ར༌ཧམ༌མི༌ པུར༌གྱུད༌ ཨིན༌ནོག༌།
ཨིས༌ར༌ཨེལ༌ དཀོན༌མཆོག༌གི༌ ཡ༌ཀོབ༌བ༌ ཨིས༌ར༌ཨེལ༌ མིང༌ ཏག༌ག༌ ཛདས༌།
ཁོ༌ ཨི༌སཱག༌ དང༌ ར༌བེ༌ཀའེ༌ ཕྲུ༌གུ༌ ཚག༌ཕྲུག༌བོའེ༌ ནང༌ནེ༌ ཅིག༌པོ༌ ཨིན༌པིན༌།
ཨིས༌ར༌ཨེལ༌ལ༌ བུ༌ཚ༌ རྕུག༌ཉིས༌ ཡོད༌པིན༌,
ཀ༌གུན༌ ཨིས༌ར༌ཨེལ༌ལི༌ སྡེ༌ རྕུག༌ཉིས༌པོའེ༌ ཕ༌མེས༌པོ༌གུན༌ ཨིན༌པིན༌།
ཨིས༌ར༌ཨེལ༌ལི༌ ཡུལ༌ ཨིས༌ར༌ཨེལ༌ལི༌ སྡེ༌ རྕུག༌ཉིས༌ ཚུགས༌ཏེ༌ དུག༌ཁན༌ནི༌ ཡུལ༌བོའ༌ ཨིས༌ར༌ཨེལ༌ ཟེར༌ར༌ནོག༌,
ཀ༌བོའ༌ སྔུན༌ལ༌ ཀེ༌ནན༌ ཟེར༌རད༌པིན༌།
འི༌ ཡུལ༌བོའ༌ པ༌ལེ༌སྟེན༌ནའང༌ ཟེར༌རད༌པིན༌།
གཙོ༌བོ༌ ཡེ༌ཤུའི༌ ཏུས༌ལ༌,
ཨིས༌ར༌ཨེལ༌ རོམ༌མི༌ ཝང༌སྲུལ༌ལི༌ ཡོག༌ག༌ ཡོད༌པིན༌,
རོམ༌མི༌ གྱལ༌པོའེ༌ ཨིས༌ར༌ཨེལ༌ གྱལ༌ཁག༌ སུམ༌མི༌ ནང༌ང༌ གོས༌།
ཏེ༌གུན༌ གཱ༌ལིལ༌ལི༌,
ས༌མར༌རི༌ཡཱ༌ དང༌ ཡ༌ཧུ༌དཱ༌ ཨིན༌པིན༌།
གཙོ༌བོ༌ ཡེ༌ཤུ༌ གཱ༌ལིལ༌ལི༌ནེ༌ ཨིན༌ པ༌སང༌ ཁོང༌ང༌ གཱ༌ལིལ༌ལི༌པ༌ ཟེར༌རད༌པིན༌།
ཨི༌སཱག༌ ༼ཆག༌ལས༌གུན༌ 7:8,
རོམ༌པ༌ 9:7,
ཨིབ༌རི༌པ༌ 11:9༽,
ཨི༌སཱག༌ ནི༌ ཨབ༌ར༌ཧམ༌ དང༌ སཱ༌རའེ༌ བུ༌ཚ༌ དཀོན༌མཆོག༌གི༌ ཞལ༌ཆད༌ ཛད༌ཁན༌བོ༌ ཨིན༌པིན༌།
ཞལ༌ཆད༌ ཛད༌ཁན༌ནི༌ ཏེ༌ བུ༌ཚ༌བོ༌ ཇོར༌ཅེས༌ལ༌ ཁོང༌གུན༌ ལོ༌ ཉི༌ཤུ༌ སྲུངས༌ཏེ༌ དུགས༌།
ཨི༌སུ༌ ༼རོམ༌པ༌ 9:10-13,
ཨིབ༌རི༌པ༌ 11:20, 12:16,17༽,
ཨབ༌ར༌ཧམ༌མི༌ བུ༌ཚའ༌ ཨི༌སཱག༌ག༌ བུ༌ཚའ༌ ཚག༌ཕྲུག༌ ཡ༌ཀོབ༌ དང༌ ཨི༌སུ༌ གུན༌ ཡོད༌པིན༌།
ཨི༌སུ༌ ཞག༌ཅིག༌ སྟོགས༌ཏེ༌ ཡོད༌ ཟ༌ནེ༌ ཁོའེ༌ ཁོ༌རང༌ གོ༌སྐྱེས༌ ཨིན༌ཁན༌བོའེ༌ ཐོབ༌ཏང༌བོ༌ ཡ༌ཀོབ༌བ༌ ཙོངས༌,
ཚེན༌དར༌ ཅིག༌གི༌ ཕིའ༌ ཁོའེ༌ ཐོབ༌ཅེས༌ཅན༌ནི༌ ཅིན༌ལབས༌གུན༌ ཡ༌ཀོབ༌བ༌ ཏང༌ཅེས༌ལ༌ ཁའ༌ཆམས༌།
དཀོན༌མཆོག༌གི༌ ལྡམ༌མ༌ ཛད༌ཁན༌ནི༌ མི༌གུན༌ ཨི༌སུའི༌ མན༌པ༌ ཡ༌ཀོབ༌བི༌ པུར༌གྱུད༌གུན༌ ཨིན༌ནོག༌།
ཨེ༌
ཨེ༌ལི༌ཡཱ༌ ༼མར༌ཀུས༌ 9:4;
རོམ༌པ༌ 11:2-5,
ཡ༌ཀོབ༌ 5:17༽,
ཨེ༌ལི༌ཡཱ༌ དཀོན༌མཆོག༌གི༌ ཀྲག༌པོ༌ ལུང༌སྟོན༌པ༌ཞིག༌ ཨིན༌པིན༌།
ཁོང༌ངི༌ ཨིས༌ར༌ཨེལ༌ལི༌ ནང༌ང༌ ངན༌པ༌ གྱལ༌པོ༌ དང༌ སྐུན༌དྲའ༌ ཅོལ༌ཁན༌ ཚང༌མ༌ལ༌ མ༌ ཧམ༌པ༌ ཉམ༌པོ༌ ཁའ༌སྐྱེ༌ཏེ༌ སྤང༌ པུད༌ད༌ ཛདས༌།
ཡ༌ཧུ༌དཱ༌པ༌ མང༌པོའེ༌ ཁོང༌ མ༌ཤི༌ཀ༌ སྐྱོད༌ཅེས༌སི༌ ཏུས༌སི༌ ཕིའ༌ མི༌གུན༌ གྲལ༌གྲིག༌ ཅོ༌ཅེས༌ལ༌ ལོགས༌ཏེ༌ སྐྱོད༌ད༌ནོག༌ སམ༌མད༌པིན༌།
ཆག༌ལས༌ མང༌པོའེ༌ ནང༌ང༌ ཡོ༌ཧཱ༌ནན༌ ཁྲུས༌སལ༌ཁན༌ ཨེ༌ལི༌ཡཱ༌ དང༌ཙོགས༌ ཡོད༌པིན༌།
ཨེ༌ལི༌ཤ༌ ༼ལུ༌ཀ༌ 4:27༽,
ཨེ༌ལི༌ཡཱ༌ ནམ༌ཁའ༌ ཁྱེར༌ར༌ ཛད༌ཏེ༌ སྟིང༌ནེ༌ ཨེ༌ལི༌ཤའེ༌ ཨིས༌ར༌ཨེལ༌ལི༌ ནང༌ང༌ ལུང༌སྟོན༌པའེ༌ ཆག༌ལས༌ གོ༌ཟུག༌ ཛདས༌ ༼ནཱའ༌མན༌ནི༌ སྐོར༌ལ༌ བྲིས༌ཁན༌བོ༌ ཟིགས༌༽།