གཱ༌ལ༌ཏི༌ཡའེ༌ ཆོས༌ཚོགས༌ལ༌ པ༌འུ༌ལུའི༌ ཆག༌བྲིས༌།
གཱ༌ལ༌ཏི༌ཡའེ༌ ཆོས༌ཚོགས༌ལ༌ པ༌འུ༌ལུའི༌ ཆག༌བྲིས༌སི༌ སྐོར༌།
འིན༌ན༌ ཆག༌བྲིས༌ དང༌ སྔུན༌མའེ༌ ཆོས༌ཚོགས༌སི༌ འུ༌སྐྱོང༌གུན༌ གྱུད༌ཏེ༌,
ང༌དང༌ང༌ འི༌ ཆག༌བྲིས༌པོ༌ གཙོ༌བོ༌ ཡེ༌ཤུ༌ མ༌ཤི༌ཀའེ༌ སྐུ༌ཚབས༌ པ༌འུ༌ལུའི༌ བྲིའ༌ ཛད༌ཁན༌བོ༌ གྱུས༌ ཆའ༌ནོག༌།
པ༌འུ༌ལུའི༌ འི༌ ཆག༌བྲིས༌ བྲིའ༌ ཛད༌ཁན༌ནི༌ ཏུས༌པོ༌ ཐག༌ཅད༌ཅེས༌ལ༌ དང༌དི༌རིང༌ངི༌ ཆོས༌སི༌ ཁས༌པ༌གུན༌ནི༌ ནང༌ང༌ པོ༌བུད༌ཏེ༌ ཨིན༌ནོག༌།
ཁོང༌ ཁ༌ཅིག༌གི༌ འི༌བོ༌ ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌ ལོ༌ 15-16 ཡང༌ ཁ༌ཅིག༌གི༌ ལོ༌ 20-24 ཉེ༌ཁོར༌ལ༌ བྲིའ༌ ཛད༌ཀྱག༌ ཟེར༌ར༌ནོག༌།
ཡ༌ཧུ༌དཱ༌པ༌ མ༌ཤི༌ཀ༌པ༌ ཁ༌ཅིག༌ གཱ༌ལ༌ཏི༌ཡའེ༌ གྱལ༌ས༌ ཡོངས༌ཏེ༌ ཏེ༌རུ༌ ཡོད༌ཁན༌ནི༌ མ༌ཤི༌ཀ༌པ༌གུན༌ལ༌ པ༌འུ༌ལུའི༌ ལབ༌ཞ༌ ལབ༌ཁན༌གུན༌ མན༌པ༌,
སོ༌སོ༌ ལབ༌ཞ༌ རིག༌ ལབས༌ཏེ༌ ཧི༌ལིངས༌ ཕིངས༌ པ༌སང༌,
པ༌འུ༌ལུའི༌ འི༌ ཆག༌བྲིས༌པོ༌ བྲིའ༌ ཛདས༌།
ཏེ༌གུན༌ནི༌ “ཏད༌པ༌ཅན༌ ཡ༌ཧུ༌དཱ༌པ༌ མན༌ཁན༌གུན༌ནི༌ ཡེ༌ཤུའི༌ སྐྱོབ༌བ༌ ཛད༌ཅེས༌ ཅིག༌པོའེ༌ ནང༌ང༌ ཨིད༌ཤེས༌ ཅོ༌ཅེས༌ ཅིག༌པོ༌ མན༌པ༌ མོ༌ཟེས༌སི༌ ཁྲིམས༌ ཁ༌ཅིག༌གིའང༌ ཁའ༌ཉན༌གོས༌” ཟེར༌རད༌པིན༌ ༼སྤེར༌ན༌ སུན༌ནད༌a ཅོ༌ཅེས༌ དང༌ ཆོས༌སི༌ ཞག༌ ཁག༌ཅན༌གུན༌ སྲུང༌ཅེས༌།
༽ པ༌འུ༌ལུའི༌ ཁྲིམས༌སི༌ཀ༌ གྲུལ༌གོས༌ མེད༌ ཟེར༌ཏེ༌ ལབ༌ཞའ༌ ཏང༌ཅེས༌པོའེ༌ ཟུས༌མའེ༌ ལོབ༌བོན༌གུན༌ནི༌,
པ༌འུ༌ལུ༌ དེན༌བའེ༌ ཡེ༌ཤུའི༌ སྐུ༌ཚབས༌ མ༌ནོག༌ ཟེར༌ཏེ༌ སྐྱོན༌རྗོད༌ ཅོའད༌པིན༌།
ཏེ༌ཙོགས༌ ནས༌ལུག༌ ཇུངས༌ པ༌སང༌,
པ༌འུ༌ལུའི༌ འི༌ ལབ༌ཞ༌གུན༌ སལ༌ཨིན༌ ཆག༌བྲིས༌པོ༌ བྲིའ༌ ཛདས༌།
1 ཁོང༌ དཀོན༌མཆོག༌ དང༌ གཙོ༌བོ༌ ཡེ༌ཤུའི༌ ལྡམ༌མ༌ ཛད༌ཁན༌ནི༌ སྐུ༌ཚབས༌ ཨིན༌ཁན༌བོ༌ སལ༌པོ༌ ཅོའ༌ ཛདས༌།
2 པ༌འུ༌ལུ༌ ཡ༌ཧུ༌དཱ༌པ༌ མན༌ཁན༌གུན༌ནི༌ ཕིའ༌ མ༌ཤི༌ཀའེ༌ སྐུ༌ཚབས༌ ཡང༌ ཁོང༌ངི༌ ལོན༌གུན༌ ཀྲང༌པོ༌ དང༌ ཨིད༌ཤེས༌ཅན༌ ཨིན༌ཁན༌བོའ༌ ཡེ༌རུ༌ཤ༌ལེམ༌མི༌ ནང༌ང༌ ཡོད༌ཁན༌ནི༌ མ༌ཤི༌ཀའེ༌ སྐུ༌ཚབས༌ ཚང༌མའེ༌ ཁའ༌ཆམས༌ ཛད༌ཁན༌།
3 མ༌ཤི༌ཀའེ༌ཀ༌ ཏད༌པ༌ ཅོའེ༌ སང༌ སྔུན༌ལ༌ པ༌འུ༌ལུའི༌ ཁྲིམས༌གུན༌ མ༌སྲན༌ཏྲེ༌ སྙིང༌ནེ༌ སྲུང༌ཅེས༌སི༌ རྩོན༌གྲུས༌ ཅོ༌ཁན༌ ཨིན༌ནའང༌ ཐར༌པ༌ ཐོབ༌ཏེ༌ སྟིང༌ནེ༌,
དཀོན༌མཆོག༌གི༌ ཁོའ༌,
ཁོང༌ངི༌ གའ༌མོའེ༌ ནས༌ཚུལ༌ ཤད༌ཅེས༌ལ༌ སལས༌།
4 འི༌ ཟུས༌མའེ༌ ལོབ༌བོན༌གུན༌ནི༌ མ༌ཤི༌ཀའེ༌ གའ༌མོའེ༌ ནས༌ཚུལ༌ལི༌ ནང༌ང༌ གྱུར༌ཇ༌ ཁྱོང༌ཅེས༌,
ཡང༌ ཀལ༌ཏེས༌ གཱ༌ལ༌ཏི༌ཡ༌པ༌ ཏད༌པ༌ཅན༌གུན༌,
ཁོང༌གུན༌ནི༌ སྟིང༌རང༌ནེ༌ གྲུལ༌ན༌ ཐར༌པ༌བོ༌ མེད༌ཁན༌ ཅོས༌ཏེ༌ ཁོང༌གུན༌ ཁྲིམས༌སི༌ ཡོག༌པོ༌ གྱུར༌ཨིན༌།
5 མོ༌ཟེས༌སི༌ ཁྲིམས༌གུན༌ ཁའ༌ཉན༌ཅེས༌ མན༌པ༌,
དཀོན༌མཆོག༌གི༌ ཐུག༌རྗེའེ༌ ནང༌ང༌ མ༌ཤི༌ཀའེ༌ཀ༌ ཏད༌པ༌ ཅིག༌པོ༌ གྱུད༌ཏེ༌,
ང༌དང༌གུན༌ལ༌ ཐར༌པ༌ ཐོབ༌བ༌ནོག༌།
6 འི༌ ཐར༌པ༌བོའེ༌ ང༌དང༌གུན༌ལ༌ མི༌ཚེ༌ སོ༌མ༌ཞིག༌ སལ༌ལ༌ནོག༌,
ཡང༌ ང༌དང༌གུན༌ དཀོན༌མཆོག༌གི༌ ཐུག༌ཉིད༌དི༌ ཁྲིད༌ཨིན༌ རང༌ཝང༌ངི༌ མི༌ཚེ༌ཞིག༌ ཕུད༌ཉན༌ན༌ནོག༌།