ཨི༌སུའི༌ པུར༌གྱུད༌གུན༌།
36:1-14
36
འི༌བོ༌ ཨི༌སུའི༌ པུར༌གྱུད༌གུན༌ ཨིན༌ནོག༌,
ཁོའ༌ ཨི༌དོམ༌མའང༌ ཟེར༌རད༌པིན༌།
2 ཨི༌སུའི༌ ཀེ༌ནན༌མ༌ བུ༌མོ༌གུན༌ ཉམ༌པོ༌ བག༌སྟོན༌ ཅོས༌,
ཁོང༌གུན༌ ཧེད༌པ༌ ཨི༌ལོན༌ནི༌ བུ༌མོ༌ ཨ༌ད༌,
ཨ༌ནཧའེ༌ བུ༌མོ༌,
ཧིཝ༌པ༌ ཟི༌བི༌འོན༌ནི༌ ཚ༌མོ༌ ཨོ༌ཧོ༌ལི༌བ༌མཧ༌,
3 ཡང༌ ཨིཤ༌མ༌ཨེལ༌ལི༌ བུ༌མོ༌ དང༌ ནེ༌བཱའེ༌འོད༌དི༌ སྲིང༌མོ༌ བེས༌མད༌ ཨིན༌པིན༌།
4 ཨི༌སུའི༌ ན༌མ༌ ཨ༌དའ༌ ཨེ༌ལི༌ཕས༌ ཡང༌ བེས༌མེད༌ལ༌ རི༌འུལ༌ བུ༌ཚ༌ གུན༌ སྐྱེས༌,
5 ཡང༌ ཨོ༌ཧོ༌ལི༌བ༌མཧ༌ ཡི༌འུཤ༌,
ཡ༌ལམ༌ དང༌ ཀོ༌རཧ༌ གུན༌ སྐྱེས༌།
ཁོང༌ ཚང༌མ༌ ཀེ༌ནན༌ནི༌ ཡུལ༌ལ༌ སྐྱེས༌ཁན༌ ཨི༌སུའི༌ བུ༌ཚ༌གུན༌ ཨིན༌པིན༌།
6 ཏེ༌ནེ༌ ཨི༌སུའི༌ ཁོ༌རང༌ངི༌ ན༌མ༌གུན༌,
བུ༌ཚ༌གུན༌,
བུ༌མོ༌གུན༌ ཡང༌ ཁོ༌རང༌ངི༌ ནང༌མི༌ ཚང༌མ༌,
ར༌ལུག༌ དང༌ ཞན༌ དྲུད༌གྲོ༌ གུན༌ ཡང༌ ཁོ༌རང༌ང༌ ཀེ༌ནན༌ནི༌ ནང༌ང༌ ཇོར༌ཁན༌ནི༌ ནོར༌གུན༌ ཁུར༌ཏེ༌ ཡ༌ཀོབ༌ནེ༌ ཐག༌རིང༌ང༌ ཡང༌ ས༌ཆ༌ཞིག༌ག༌ སོང༌
7 ཅིའ༌ཟེར༌ན༌ ཁོང༌གུན༌ལ༌ གྱུར༌ནོར༌ མ༌མང༌པོ༌ ཡོད༌ཅེས༌པའེ༌ ཏེ༌ ས༌ཆ༌བོའེ༌ ནང༌ང༌ ཁོང༌གུན༌ དང༌ ཁོང༌གུན༌ནི༌ སེམས༌ཅན༌ ཚང༌མའེ༌ ཕིའ༌ ཟ༌གྱུ༌ དྲན༌དྲའ༌ བིང༌ མ༌ཐུབ༌།
8 ཏེ༌བོའེ༌ཕིའ༌ ཨི༌སུ༌ ཡང༌ན༌ ཨི༌དོམ༌,
སེ༌འིར༌ རི༌ལྗོངས༌སི༌ ནང༌ང༌ དུགས༌།
9 འི༌བོ༌ སེ༌འིར༌ རི༌ལྗོངས༌སི༌ ནང༌ང༌ དུག༌ཁན༌ ཨི༌དོམ༌པ༌གུན༌ནི༌ ཨ༌བ༌ ཨི༌སུའི༌ པུར༌གྱུད༌གུན༌ ཨིན༌ནོག༌།
10 ཨི༌སུའི༌ བུ༌ཚ༌གུན༌ནི༌ མིང༌ ནི༌ ཨི༌སུའི༌ ན༌མ༌ ཨ༌དའེ༌ བུ༌ཚ༌ ཨེ༌ལི༌ཕས༌ དང༌ ཨི༌སུའི༌ ན༌མ༌ བེས༌མེད༌དི༌ བུ༌ཚ༌ རི༌འུལ༌།
11 ཨེ༌ལི༌ཕས༌སི༌ བུ༌ཚ༌གུན༌ ནི༌ ཏི༌མན༌,
ཨོ༌མར༌,
ཟེ༌ཕོ༌,
ག༌ཏམ༌ དང༌ ཀི༌ནཟ༌ གུན༌ ཨིན༌ནོག༌།
12 ཨི༌སུའི༌ བུ༌ཚ༌ ཨེ༌ལི༌ཕས༌སི༌ ཚེ༌ཡོག༌ ན༌མ༌ ཏིམ༌ན༌,
ཨ༌མ༌ལིཀ༌ བུ༌ཚ༌བོ༌ སྐྱེས༌།
ཁོང༌གུན༌ ཨི༌སུའི༌ ན༌མ༌ ཨ༌དའེ༌ ཚ༌འོ༌གུན༌ ཨིན༌ནོག༌།
13 ཡང༌ རི༌འུལ༌ལི༌ བུ༌ཚ༌གུན༌ ནི༌ ན༌ཧད༌,
ཟེ༌རཧ༌,
ཤམ༌མཧ༌ དང༌ མི༌ཟཧ༌ གུན༌ ཨིན༌ནོག༌།
ཁོང༌གུན༌ ཨི༌སུའི༌ ན༌མ༌ བེས༌མེད༌དི༌ ཚ༌འོ༌གུན༌ ཨིན༌ནོག༌།
14 ཨི༌སུའི༌ ན༌མ༌,
ཨ༌ནཧའེ༌ བུ༌མོ༌ དང༌ ཟི༌བི༌འོན༌ནི༌ ཚ༌མོ༌ ཨོ༌ཧོ༌ལི༌བ༌མཧའེ༌ བུ༌ཚ༌ གུན༌ནི༌ ཡི༌འུཤ༌,
ཡ༌ལམ༌ དང༌ ཀོ༌རཧ༌ ཨིན༌ནོག༌།
ཨི༌སུའི༌ པུར༌གྱུད༌གུན༌ནི༌ མི༌སྡེ༌།
36:15-19
15 འི༌གུན༌ འུ༌སྐྱོང༌ གྱུར༌ཁན༌ནི༌ ཨི༌སུའི༌ པུར༌གྱུད༌གུན༌ ཨིན༌ནོག༌།
ཨི༌སུའི༌ གོ༌སྐྱེས༌ ཨེ༌ལི༌ཕས༌སི༌ བུ༌ཚ༌ ཏི༌མན༌,
འོ༌མར༌,
ཟེ༌ཕོ༌,
ཀི༌ནཟ༌
16 ཀོ༌རཧ༌,
ག༌ཏམ༌ དང༌ ཨ༌མ༌ལིཀ༌ གུན༌ ཨིན༌ནོག༌།
ཁོང༌གུན༌ ཨི༌དོམ༌མི༌ ནང༌ང༌ དུག༌ཁན༌ ཨེ༌ལི༌ཕས༌སི༌ པུར༌གྱུད༌གུན༌ནི༌ འུ༌སྐྱོང༌གུན༌ ཡང༌ ཨ༌དའེ༌ ཚ༌འོ༌གུན༌ ཨིན༌པིན༌།
17 ཨི༌སུའི༌ བུ༌ཚ༌ རི༌འུལ༌ལི༌ བུ༌ཚ༌གུན༌ ནི༌ ན༌ཧད༌,
ཟེ༌རཧ༌,
ཤམ༌མཧ༌ དང༌ མི༌ཟཧ༌ གུན༌ ཨིན༌པིན༌,
ཁོང༌གུན༌ ཨི༌དོམ༌མི༌ ནང༌ང༌ དུག༌ཁན༌ རི༌འུལ༌ལི༌ པུར༌གྱུད༌གུན༌ནི༌ འུ༌སྐྱོང༌གུན༌ ཡང༌ ཨི༌སུའི༌ ན༌མ༌ བེས༌མེད༌དི༌ ཚ༌འོ༌གུན༌ ཨིན༌པིན༌།
18 ཨི༌སུའི༌ ན༌མ༌ ཨོ༌ཧོ༌ལི༌བ༌མཧའེ༌ བུ༌ཚ༌གུན༌ ནི༌ ཡི༌འུཤ༌,
ཡ༌ལམ༌ དང༌ ཀོ༌རཧ༌ གུན༌ ཨིན༌པིན༌།
ཁོང༌གུན༌ ཨ༌ནཧའེ༌ བུ༌མོ༌ ཨི༌སུའི༌ ན༌མ༌ ཨོ༌ཧོ༌ལི༌བ༌མཧའེ༌ པུར༌གྱུད༌གུན༌ནི༌ འུ༌སྐྱོང༌གུན༌ ཨིན༌པིན༌།
19 ཏེ༌གུན༌ ཨི༌སུའི༌ པུར༌གྱུད༌གུན༌,
ཏེ༌ མི༌སྡེ༌ ཚང༌མ༌ ཨི༌སུ༌ ཡང༌ན༌ ཨི༌དོམ༌མི༌ གྱུད༌ཟིན༌གུན༌ ཨིན༌ནོག༌།
ཨི༌དོམ༌མི༌ ནང༌ང༌ ཨི༌སུའི༌ སང༌ སྔུན༌ལ༌ དུག༌ཁན༌གུན༌།
36:20-30
20 ཨི༌སུའི༌ སང༌ སྔུན༌ལ༌ ཏེ༌ ནས༌སའེ༌ ནང༌ང༌ དུག༌ཁན༌ ཧོར༌པ༌ སེ༌འིར༌རི༌ བུ༌ཚ༌གུན༌ ནི༌ ལོ༌ཏན༌,
ཤོ༌བལ༌,
ཟི༌བིའོན༌,
ཨ༌ནཧ༌,
21 དི༌ཤོན༌,
ཨེ༌ཟེར༌ དང༌ དི༌ཤན༌ གུན༌ ཨིན༌ནོག༌།
ཁོང༌གུན༌ ཧོར༌པ༌གུན༌ནི༌ འུ༌སྐྱོང༌གུན༌ ཨིན༌པིན༌།
22 ལོ༌ཏན༌ནི༌ བུ༌ཚ༌གུན༌ ནི༌ ཧོ༌རི༌ དང༌ ཧོ༌མམ༌ ཡང༌ ཏིམ༌ན༌ ལོ༌ཏན༌ནི༌ སྲིང༌མོ༌ ཨིན༌པིན༌།
23 ཤོ༌བལ༌ལི༌ བུ༌ཚ༌གུན༌ ནི༌ ཨལ༌ཝན༌,
མ༌ནཧ༌ཧད༌,
ཨེ༌བལ༌,
ཤི༌པོ༌ དང༌ འོ༌ནམ༌ གུན༌ ཨིན༌པིན༌།
24 ཟི༌བི༌འོན༌ནི༌ བུ༌ཚ༌གུན༌ ནི༌ ཨའེ༌ དང༌ ཨ༌ནཧ༌ ཨིན༌པིན༌།
༼ཨ༌ནཧ༌,
ཁོ༌རང༌ངི༌ ཨ༌བའེ༌ བུང༌བུ༌གུན༌ ཚོ༌ ཟ༌ནེ༌ རི༌སྟོང༌ངི༌ ནང༌ང༌ ཆུ༌ཚན༌ ཐོབ༌ཁན༌བོ༌ ཨིན༌ནོག༌།༽
25 ཨ༌ནཧའེ༌ ཕྲུ༌གུ༌གུན༌ ནི༌ དི༌ཤོན༌ དང༌ ཨོ༌ཧོ༌ལི༌བ༌མཧ༌ ཨིན༌པིན༌,
ཨོ༌ཧོ༌ལི༌བ༌མཧ༌ ནི༌ ཨ༌ནཧའེ༌ བུ༌མོ༌ ཨིན༌ནོག༌།
26 དི༌ཤོན༌ནི༌ བུ༌ཚ༌གུན༌ ནི༌ ཧེམ༌དན༌,
ཨེཤ༌བན༌,
ཨི༌ཐན༌ དང༌ ཀི༌རན༌ གུན༌ ཨིན༌པིན༌།
27 ཨེ༌ཟེར༌རི༌ བུ༌ཚ༌གུན༌ ནི༌ བིལ༌ཧན༌,
ཟ༌ཝན༌ དང༌ ཨ༌ཀེན༌ གུན༌ ཨིན༌པིན༌།
28 དི༌ཤན༌ནི༌ བུ༌ཚ༌གུན༌ ནི༌ ཨུཟ༌ དང༌ ཨ༌རན༌ གུན༌ ཨིན༌པིན༌།
29 ཧོར༌པ༌གུན༌ནི༌ འུ༌སྐྱོང༌གུན༌ ལོ༌ཏན༌,
ཤོ༌བལ༌,
ཟི༌བིའོན༌,
ཨ༌ནཧ༌,
30 དི༌ཤོན༌,
ཨེ༌ཟེར༌ དང༌ དི༌ཤན༌ གུན༌ ཨིན༌ནོག༌,
ཡང༌ ཁོང༌གུན༌ སེ༌འིར༌ ཡུལ༌ཇོངས༌སི༌ ནང༌ང༌ དུག༌ཁན༌ ཧོར༌པ༌གུན༌ནི༌ འུ༌སྐྱོང༌གུན༌ ཨིན༌པིན༌།
ཨི༌དོམ༌མི༌ གྱལ༌པོ༌གུན༌།
36:31-43
31 ཨིས༌ར༌ཨེལ༌པ༌གུན༌ནི༌ གྱལ༌པོའེ༌ ཝང༌སྲུལ༌ལི༌ སང༌ སྔུན༌ལ༌ ཨི༌དོམ༌ ཡུལ༌ལི༌ ནང༌ང༌ འི༌ གྱལ༌པོ༌གུན༌ནི༌ ཝང༌སྲུལ༌ལད༌པིན༌།
32 བེ༌འོར༌རི༌ བུ༌ཚ༌ བི༌ལ༌ ཨི༌དོམ༌མི༌ གྱལ༌པོ༌ གྱུར༌ ཡང༌ ཁོའེ༌ གྱལ༌སའ༌ དིན༌ཧ༌བད༌ ཟེར༌རད༌པིན༌།
33 བི༌ལ༌ ཤིའ༌ཅིག༌ བོཟ༌རཧ༌ གྱལ༌ས༌ནེ༌ ཨིན༌ཁན༌ ཟེ༌རཧའེ༌ བུ༌ཚ༌ ཡོ༌བབ༌ གྱལ༌པོ༌ གྱུར༌།
34 ཡོ༌བབ༌ ཤིའ༌ཅིག༌ ཏི༌མན༌པའེ༌ ཡུལ༌ནེ༌ ཨིན༌ཁན༌ ཧུ༌ཤམ༌ གྱལ༌པོ༌ གྱུར༌།
35 ཧུ༌ཤམ༌ ཤིའ༌ཅིག༌ བེ༌དད༌དི༌ བུ༌ཚ༌ ཧ༌དད༌ གྱལ༌པོ༌ གྱུར༌།
མོ༌འབ༌ ཡུལ༌ལི༌ ནང༌ང༌ མི༌དིའན༌པ༌གུན༌ལ༌ ཕམ༌ཀལ༌ཁན༌བོ༌ ཁོ༌ ཨིན༌པིན༌ ཡང༌ ཁོའེ༌ གྱལ༌སའ༌ ཨ༌ཝེད༌ ཟེར༌རད༌པིན༌།
36 ཧ༌དད༌ ཤིའ༌ཅིག༌ མས༌རེ༌ཀཧ༌ནེ༌ ཨིན༌ཁན༌ སམ༌ལཧ༌ གྱལ༌པོ༌ གྱུར༌།
37 སམ༌ལཧ༌ ཤིའ༌ཅིག༌ ལྩངས༌པོའེ༌ ཐའ༌མའ༌ ཡོད༌ཁན༌ རེ༌ཧོ༌བོཐ༌ནེ༌ ཨིན༌ཁན༌ ཤོལ༌ གྱལ༌པོ༌ གྱུར༌།
38 ཤོལ༌ ཤིའ༌ཅིག༌ ཨཀ༌བོར༌རི༌ བུ༌ཚ༌ བའལ༌ ཧ༌ནན༌ གྱལ༌པོ༌ གྱུར༌།
39 ཨཀ༌བོར༌རི༌ བུ༌ཚ༌ བའལ༌ ཧ༌ནན༌ ཤིའ༌ཅིག༌ ཧ༌དད༌ གྱལ༌པོ༌ གྱུར༌ ཡང༌ ཁོའེ༌ གྱལ༌ས༌ པ༌འུ༌ ཟེར༌རད༌པིན༌།
ཁོའེ༌ ན༌མ༌ ནི༌ མི༌ཧེ༌ཏ༌བེལ༌ ཨིན༌ ཁོ༌ མཏ༌རེད༌དི༌ བུ༌མོ༌ དང༌ མི༌ཟ༌ཧབ༌བི༌ ཚ༌མོ༌ ཨིན༌པིན༌།
40 འི༌གུན༌ སྡེ༌ དང༌ ཡུལ༌ཇོངས༌ སོ༌སོ༌ ནང༌ཞིན༌ ཨི༌སུའི༌ པུར༌གྱུད༌དི༌ འུ༌སྐྱོང༌གུན༌ནི༌ མིང༌ ཨིན༌ནོག༌།
ཏེ༌གུན༌ ནི༌ ཏིམ༌ན༌,
ཨལ༌ཝ༌,
ཡི༌ཐེད༌,
41 ཨོ༌ཧོ༌ལི༌བ༌མཧ༌,
ཨེ༌ལཧ༌,
པི༌ནོན༌,
42 ཀི༌ནཟ༌,
ཏི༌མན༌,
མིབ༌ཟར༌,
43 མག༌དེལ༌ དང༌ ཨི༌རམ༌ ཨིན༌ནོག༌།
ཏེ༌གུན༌ ཨི༌དོམ༌མི༌ འུ༌སྐྱོང༌གུན༌ ཨིན༌པིན༌,
ཀ༌བོ༌ ཁོང༌རང༌གུན༌ནི༌ ས༌ཀྱད༌ ཟུམས༌ཏེ༌ ཚུགས༌ཏེ༌ དུག༌ཁན༌ ནང༌ཞིན༌ ཐོགས༌ཏེ༌ ཨིན༌ནོག༌།
ཁོང༌གུན༌ ཨི༌དོམ༌པའེ༌ ཕ༌མེས༌པོ༌ ཨི༌སུའི༌ པུར༌གྱུད༌གུན༌ ཨིན༌ནོག༌།