Obadia
Gbauŋ nwa yɛla
Obadia pʋtɛn'ɛr da anɛ ye sɔ' kae na luak Wina'am sida la, ka daar yinne o na kɛ ka sida la nie nyain. Edom teŋ la (Asau tuŋʋ la) da kpɛn anɛ Juda dataa (Jakob tuŋʋ la). Babilon zabzabidib la n da nyaŋ Jerusalem la, Edom nidib la da maannɛ sumalisim ka sʋŋidi ba. Ba da kpɛn' teŋin la vaae la'ad bɛdegʋ. Obadia da yɛli ba ye daar kenna ka Edom nidib la nɛ Wina'am nidib la dataas sieba na nyɛ san'auŋ ka teŋ la wʋsa yʋ'ʋn na an Zugsɔb la din.