Dunia wʋsa yʋ'ʋm yʋʋm pian' tis Zugsɔb la
149
1 Zun'omi Zugsɔb la, haleluya!Yʋ'ʋmmi yʋʋm paalli tis Zugsɔb la,
zun'omin o, o nidib la sʋʋgin.
2 Kɛl ka Israel dim mɔr sumalisim nɛ onɛ maali ba la;
kɛl ka Zion nidib mɔr sumalisim nɛ ba Na'ab la.
3 Kɛl ka ba zun'e o yʋ'ʋr nɛ wa'a,
ka nwɛ' kɔna nɛ siyada.
4 Zugsɔb la sʋnf malis nɛ o nidib la;
o tisid banɛ siedi ba mɛŋ la faangir.
5 Kɛl ka o nidib la maal sumalisim ba nyaŋir la zug
ka yʋ'ʋm nɛ sumalisim ba dig zin'igin.
6 Wina'am zun'or na bɛɛ ba nɔya ni
ka zaba sʋ'ʋs banɛ dit tuon nɛ nya'aŋ na bɛɛ ba nu'usin,
7 ye ba yɔ tɛɛns la sam
ka namis buudi wʋsa nidib.
8 Ba na lɔɔ ba na'anam nɛ bana,
ka mɛ lɔɔ ba tuongatib la nɛ kʋnt baans,
9 tɛki ba tʋba wʋʋ ban kʋʋsi ba bɛ'ɛd si'em
ka li pʋn sɔbi dig la.
Nɛ'ɛŋa anɛ yʋ'ʋri tis o nidib la.
Zun'omi Zugsɔb la, haleluya!